草地出現多個大窿令途人跌倒 小童狂挖泥無人阻止 網民憂孩子及老人安全

草地出現多個大窿令途人跌倒 小童狂挖泥無人阻止 網民憂孩子及老人安全

草地 是給小朋友放電的好地方,特別在新冠肺炎疫情下,遊樂場關閉,草地成為家長與小朋友另一個親子天地。不過,各位爸爸、媽媽帶小朋友去草地時要小心!因為近日在不同草地上出現多個不明洞穴,小朋友不留神,很容易失足跌倒,甚至「拗柴」。有網民的媽媽踩中洞穴,失平衡跌倒,後來網民發現原來有個女童在附近不斷挖泥,雖然工人在旁陪伴,但工人並無阻止的意思。帖文引來很大迴響,不少家長都紛紛表示見過小朋友在草地掘窿,大呼好危險。

撰文:Clara | 資料、圖片來源:「生仔要考牌」、新傳媒資料庫、shutterstock

草地出現大窿令途人跌倒

好多家庭喜歡到草地踢波、放風爭、野餐等等,親親大自然。一名網民近日同媽媽去草地玩,卻發生不愉快事件,他在Facebook專頁「生仔要考牌」投稿決定公開意外始末。事緣他與媽媽到西九龍海濱長廊玩,初時見到草地有一個洞,他們以為狗狗掘出來,沒有理會,就去買熱狗食。怎料吃完熱狗,網民的媽媽就仆倒在地上:「一來就係我扯佢,二來多咗好多個窿窿,仲要唔係集中喺同一個地方。」

西九龍海濱長廊草地好多修補痕跡
西九龍海濱長廊草地好多修補痕跡

網民扶媽媽起身,幸好媽媽沒有受傷。他們繼續在草地散步,行到中間才發現有一位女童拿了沙灘用具在草地挖泥掘窿,身邊的工人看著女童這樣做,未有勸阻,連爸爸、媽媽經過都沒有勸喻。網民覺得非常危險:「(啲窿)仲要係唔淺㗎,其實咁樣好危險,無論小朋友、狗仔、大人都係。好多人喺嗰邊踢波、放風箏,一時唔覺眼就會好似我阿媽咁,睇嚟佢仲要係唔係第一次,一早攞定晒啲架撐。」

最後網民呼籲大家愛惜草地,身為愛狗人士的他指很多餐廳都不歡迎狗隻進入,可能之後狗狗會被禁止入草地,希望大家可以做個有公德心的人,不要連累大家失去玩樂的地方。

草地出現大窿令途人跌倒
草地出現大窿令途人跌倒

家長網民批大人縱容小孩

很多家長網民見到帖文都留言話見過不少小朋友做同樣行為,惟每次大人都懶理。例如有名女網民前兩個星期去過西九,見到一大班講英文又講普通話的家長聊天,他們的小朋友蹲在草地,用沙灘玩具掘了很多個大窿。女網民好想搵管理員,但無奈行不開,途人見到又沒有反應,件事不了了之。

昨天,女網民再去西九已經見到個草地被封住,要維修,月底才可重新關放,她很生氣:「就係因為呢啲自私嘅行為搞到大家都冇得用。」另一個女網民都有見到,仲有出言阻止小朋友,但其媽媽竟反駁:「呢度係公眾地方,我哋有權咁做。」她認為:「世界有呢啲家長好可悲,淨係覺得自己啱,完全唔顧及其他人。」

西九龍海濱長廊草地好多修補痕跡
西九龍海濱長廊草地好多修補痕跡

網民避免帶仔女去草地

其他網民就話如果下次見到同樣情況,一定要喝止:「沙灘同草地都分唔到?」、「喝住個細路鬧到佢喊為止」、「行埋去問係咪掘窿葬父母啦」、「咁鍾意掘,去地盤掘飽佢啦」、「先唔計會仆親人,塊草地畀你咁掘都死啦」、「佢係咪以為自己玩緊動森」、「我聽到不時有廣播叫唔可以掘窿,可惜啲人當耳邊風」。

有網民指會避免帶仔女去草地:「我之前喺大埔海濱公園放風箏真係試過,睇唔到,要跑,個窿勁大,跟住仆得好甘…」、「好彩我地未去…咁樣搞法小朋友睇吾到實拗柴。」

網民避免帶仔女去草地(Facebook截圖)
網民避免帶仔女去草地(Facebook截圖)

你又點睇?

更多精選內容