家長衛生意識低任由BB著鞋踩收銀枱 港女即勸阻兼批評無家教遭粗口辱罵

家長衛生意識低任由BB著鞋踩收銀枱 港女即勸阻兼批評無家教遭粗口辱罵

香港人衛生 意識因為新冠肺炎疫情而有所提升,很多人都會避免觸碰公眾設施,或者隨身帶備酒精搓手液,以便摸完即能消毒。近日,有名港女於社交平台發長文,她指一對父母任由其BB著鞋踩枱面,很不衛生,她曾勸阻數次,惟被該對父母夾雜著粗口辱罵。帖文引來不少網民討論,有家長網民認為女網民應該體諒BB;有網民就覺得家長有責任教好小朋友。

撰文:Clara | 資料來源:「生仔要考牌」| 圖片來源:shutterstock、「生仔要考牌系列」

港女目睹父母無視衛生讓BB踩枱

一名女網民於Facebook專頁「生仔要考牌系列」投稿,她憶述自己某日到百貨公司購物,然後到嬰兒用品部的收銀處排隊付費。排隊時,她見到前面有對父母正在付款,媽媽推住BB車在旁邊等候,爸爸就抱著一個BB。她留意到BB的鞋子明顯踩過地下,上面有好多污跡。爸爸一邊付款,BB就不斷踩到收銀處枱面。

女網民表示平時有很多小朋友經過嬰兒用品部收銀處,而且肺炎疫情又正在肆虐,她很擔心其他小朋友的健康,於是好言相勸,叫該對父母停止BB的行為,怎料他們故意不理睬:「我就好聲好氣(對天發誓係好好語氣)同個爸爸講:『阿BB隻鞋仔踩到張檯呀』爸爸第一次扮聽唔到,我以為係我戴住口罩講得細聲,我再講:『先生,BB隻鞋仔踩到張枱,不如你抱翻起佢。』阿爸爸好明顯聽到後睥咗我一下,但係佢都係繼續由得個BB直接踩落收銀枱到。」

港女目睹父母無視衛生讓BB踩枱(示意圖)
港女目睹父母無視衛生讓BB踩枱(示意圖)

港女批無家教遭BB父母辱罵

女網民見到父母付款完,準備離開,她忍不住講了一句:「無家教!」該名爸爸馬上怒氣沖沖,言語中還夾雜粗口辱罵她:「阿爸爸就好似著咗咁,佢將個BB隊畀個老婆,然後當眾指住我,大大聲用無數嘅粗口辱罵我,又話:『佢係BB嚟㗎,你點解唔體諒吓佢?睇你都生唔出仔㗎喇八婆!』女網民聽到之後向他耐心解釋,指BB踩完地下,再踩枱面很不衛生:「依家新冠肺炎,尤其呢度係BB部。如果小朋友掂完張檯又擺入口,咪好似舐你BB鞋底一樣囉!」該名爸爸繼續爆粗,引來很多途人圍觀。

有途經的男士看不過眼該爸爸當眾鬧女人,於是衝上前叫他閉嘴,打算為女網民解圍。想不到該爸爸突然除下口罩繼續鬧人,嚇到男途人離開現場。最後女網民的老公趕到,該爸爸見到她並非只有一個女人,馬上逃離現場。

港女批無家教遭BB父母辱罵(示意圖)
港女批無家教遭BB父母辱罵(示意圖)

網民鬧爆無衛生意識又唔識教仔

女網民經過此事後非常感概,她提醒各父母應好好管教小朋友:「其實嗰兩公婆都係講流利廣東話,點解都係香港人咁無公德心呢?將心比己,你會想自己個BB舐人鞋底咩?希望啲爸爸媽媽記住,無人有義務包容你個BB,BB無禮貌,啲人只會覺得係你教得唔好!」

有網民反鬧女網民,認為該名父母沒有問題:「唔知幾時開始會有人假設公眾地方嘅枱凳同遊樂場嘅設施係乾淨到可以舐嘅地步,真係十個黑人問號。」不少網民力撐女網民,紛紛留言反擊:「張枱又唔係地下!公園個個都知污糟㗎啦!點會擔心污唔污糟呢?叫個男人畀BB著鞋踩屋企張枱食飯吖嘛!睇吓佢仲會唔會叫自己屋企人體諒?」、「點解要體諒個BB?因為個BB好慘㗎,被自己阿爸強行抱上收銀檯所以要體諒佢?」、「生仔真係要考牌」亦有網民提出其實好多小朋友摸完公眾設施,都會將手放入口,甚至直接伸脷周圍舐:「我見過有好多小朋友目測3、4歲,趁父母唔為意舐玻璃廚窗、欄杆…舐得好鬼開心。」網民建議該對父母應該要為BB除鞋:「踩上枱面唔緊要,但要除咗鞋先!」

網民鬧爆無衛生意識又唔識教仔(「生仔要考牌系列」facebook專頁截圖)
網民鬧爆無衛生意識又唔識教仔(「生仔要考牌系列」facebook專頁截圖)
網民鬧爆無衛生意識又唔識教仔(「生仔要考牌系列」facebook專頁截圖)
網民鬧爆無衛生意識又唔識教仔(「生仔要考牌系列」facebook專頁截圖)
網民鬧爆無衛生意識又唔識教仔(「生仔要考牌系列」facebook專頁截圖)
網民鬧爆無衛生意識又唔識教仔(「生仔要考牌系列」facebook專頁截圖)

 

更多精選內容