裙腳老公|港媽一出街 兒子被嫲嫲洗腦:佢唔要你喇 老公力撐兩老講難聽說話

裙腳老公|港媽一出街 兒子被嫲嫲洗腦:佢唔要你喇 老公力撐兩老講難聽說話

家庭生活

裙腳 仔即代表一個大人以媽媽為中心,凡事只聽從媽媽意思,好像一個未斷奶的BB一樣。有名港媽在社交平台埋怨其老公是個「裙腳仔」,自從他們兩公婆搬入男家,與老爺、奶奶同居,他猶如變成另一個人,事事偏幫兩老,令她很想提出離婚。

撰文:Clara | 資料授權:Facebook專頁「我的極品四大長老」| 圖片來源:TVB劇集《過街英雄》

港媽控訴奶奶情緒勒索逼同居

近日一名港媽於Facebook專頁「我的極品四大長老」投稿,講述婚姻被奶奶一手破壞的來龍去脈,第一句,她就崩潰地說:「真係忍無可忍」。事緣這位媽媽誕子後,即被老爺、奶奶主動邀請搬入他們的單位,而他們會搬走,另覓新居,希望幫手節省租屋錢。但她的老公與兩老溝通出現問題,結果兩老沒有搬走,她、兒子、老公、老爺、奶奶同居,產生很多婆媳糾紛。

她強調婚前已經跟老公講過,自己不想跟任何一方父母同居。她指自己有經濟能力可以租樓,雖然租屋地方應該不大,但最基本是屬於自己的家。其實她老公曾經勸過媽媽,解釋他們想要私人空間,怎料對方大發雷霆:「連你都咁對我,依家係咪趕我走?」她形容老公是一名「裙腳仔」,一被媽媽情緒勒索,即投降表示「搞唔掂」,最終連累她日日受氣:「奶奶被AA超能膠黐實咗唔願走,日日喺到住。問題係,唔係我地話要搬入嚟,係佢想我哋搬入嚟,我一搬入去,我覺得好委屈…好多嘅不滿!」

港媽控訴奶奶情緒勒索逼同居(圖片來源:TVB劇集《過街英雄》劇照)
港媽控訴奶奶情緒勒索逼同居(圖片來源:TVB劇集《過街英雄》劇照)

港媽於男家常常被無視

1. 搬入男家屋企那天,她指自己連客人都不如,她老公沒有幫忙執拾她與兒子的行李,所有物件原封不動。

3. 她指老公、老爺、奶奶沒有為她準備過一樣日常用品,拖鞋、牙刷、水杯都沒有她份,要她自己買。

3. 她認為自己在家中沒有話事權,想要個衣櫃放東西都被老爺、奶奶拒絕:「我淨係個人可以搬嚟,唔可以有自己意見,唔可以有自己思想。」

4. 她指每次自己出街吃飯夜歸,奶奶就會抱著其孫仔講:「媽咪唔要你啦!你唔記得媽咪囉!」有次她生病回娘家住一晚,她一入門口,奶奶就抱住孫仔說:「媽咪唔要你啦!」令她很生氣:「無腦嘅說話,真係好嬲。」

港媽於男家常常被無視(圖片來源:TVB劇集《過街英雄》劇照)
港媽於男家常常被無視(圖片來源:TVB劇集《過街英雄》劇照)

裙腳老公變陣 放棄老婆力撐媽媽

這位媽媽指老爺、奶奶跟自己有太多地方夾不到,她形容老公自從搬回家後,不知道為甚麼變了另一個人,與兩老企同一陣線,經常怪責她不融入男家,是她有問題:「你唔就我屋企,做乜要逼走我屋企人?我屋企人已經讓步咗好多!」

裙腳老公變陣 放棄老婆力撐媽媽(圖片來源:TVB劇集《過街英雄》劇照)
裙腳老公變陣 放棄老婆力撐媽媽(圖片來源:TVB劇集《過街英雄》劇照)

她指現在很想跟老公離婚:「我每一日放工返到呢個唔屬於自己嘅家,無時無刻都想喊,好唔開心。一個奶奶可以破壞我同老公嘅關係,我覺得好傷心。我咁辛苦生咗個仔出嚟,然後老公依家揀佢屋企,而唔要我。」

網民紛紛留言批評她老公才是她的婚姻最大問題:「你中招啦,唔係老公變咗,搵到個肚生完仔,任務完成,佢唔使再演戲做番自己」、「好多男人都係咁,生咗小朋友先突然好孝順,然後可以放棄老婆仔女,再忍落去你老公都唔會對你好啲。」不過亦有網民認為她一開始應該自己租樓,堅拒同居,就不會產生婆媳,甚至婚姻問題:「唔好貪小便宜咪唔會搞成咁,唔好講到自己無責任,係你想慳錢貪心先中人哋圈套。」

關鍵詞
夫妻之道

你又點睇?

更多精選內容