讓座|5歲女搭港鐵坐空位 乘客斥:個位我嘅 讓座仍被鬧無家教 港媽火滾駁斥

讓座|5歲女搭港鐵坐空位 乘客斥:個位我嘅 讓座仍被鬧無家教 港媽火滾駁斥

讓座 是一個美德,但不讓座也不一定代表冷漠。近日港媽在社交平台投稿,呻女兒本來想坐下休息,後來好心讓座後竟然遭女乘客斥罵,令她深感不忿。帖文引來網民激論,大部分人覺得女乘客與小朋友太過斤斤計較。

撰文:Clara | 資料來源:Facebook專頁「將軍澳主場」| 圖片來源:SHUTTERSTOCK

女兒讓座仍被女乘客狂鬧無家教

近日一名港媽於Facebook專頁「將軍澳主場」撰文,大呻女兒被逼讓位後仍被指罵,形容因此事而影響一整日心情,希望各位媽媽級網民為她評評理。事緣她在早上7時與女兒乘搭港鐵上學,當時她正幫女兒揹著書包。一入到車廂,她女兒就見到有空位,本來打算坐下去,但前面有個女乘客在座位前站著,擋住了,於是她女兒很有禮貌地說:「唔該借借。」怎料那個女乘客說:「呢個位我要坐嘅!」她女兒一聽到就馬上起身,把座位讓給女人,惟對方堅持不坐,還指責:「依家細佬女咁無禮貌、咁無家教嘅!」

女兒讓座仍被女乘客狂鬧無家教(圖片來源:SHUTTERSTOCK)
女兒讓座仍被女乘客狂鬧無家教;示意圖(圖片來源:SHUTTERSTOCK)

媽媽不忍心為女護航

愛女心切的媽媽一聽到,忍不住為女兒護航:「小朋友讓番俾你,你又唔坐,我就叫阿女你坐番啦…我試問要點樣先有禮貌?先有家教?」那個女人沒有停止責罵,仍不斷鬧:「無家教!無禮貌!」

媽媽再次出聲,並解釋女兒想坐下來的原因:「你要坐你唔坐低,小朋友點會知道係你要坐啊?其實一個五至六歲的小朋友仲係好天真嘅,上車見到有位當然想坐低啦。」她很生氣,覺得對方繼續指責是不可理喻:「小朋友既然起身要畀返你坐,你又唔坐,又喺度講無家教、無禮貌…細佬女有話唔該借借,唔係無,而且旁邊都有其他人聽到既,而你一直係度話小朋友係無家教,咁我想問下你點先叫有家教啊?」

媽媽不忍心為女護航;示意圖(圖片來源:SHUTTERSTOCK)
媽媽不忍心為女護航;示意圖(圖片來源:SHUTTERSTOCK)

女兒以為做錯事勁自責

媽媽最後反擊:「你都係做人阿媽啦!你咁同小朋友計較,可見你啲小朋友都唔係家教好到邊囉,而且你自己本身來講家教都係有問題啦,唔係點會咁?」她對女兒說:「你返學問下老師點樣先叫有禮貌…」可是她女兒以為自己做錯事,內心很自責地問:「媽媽點解個姨姨話我無禮貌、無家教?我係咪唔乖?」令她很心痛。她補充,平時女兒會主動讓座給老人家,爭執期間亦聽到其他乘客細細聲指責那個女乘客:「幾十歲人同小朋友計較,小朋友咁細個!」

網民勸港媽不用爭拗

網民留言力撐港媽,指女乘客似有精神問題:「企喺度望住個位唔坐,人地坐又鬧人」。有網民建議媽媽安慰女兒,不需浪費自己精力跟女乘客爭拗:「如果我係你,立刻走開,好明顯佢係傻㗎!」、「惟有同個女講『你做法好正確呀,媽媽畀個叻叻你,咁我哋原諒佢好無?』」

讓座
網民勸港媽不用爭拗(圖片來源:Facebook專頁「將軍澳主場」截圖)

你又點睇?

更多精選內容