身教做得不足!港媽怕污糟拒按關門掣 一招逼途人幫手惹負評

身教做得不足!港媽怕污糟拒按關門掣 一招逼途人幫手惹負評

身教 很重要,因為小朋友年紀輕輕,對社會道德觀念、行為規範還未了解清楚,需要爸爸、媽媽做個好榜樣,所以父母的行為直接影響小朋友身心成長。日前,一名網民於社交平台公審一個港媽,他指港媽連續兩次不願開、關門,每次都等他幫手開,她才會帶小朋友出門,令他很不滿,覺得自己成為兩母女的門僮。網民各持己見,有人覺得他不應該公審母女,有人建議他用不同方法做無聲反抗。

撰文:Clara | 資料授權:「生仔要考牌系列」|圖片授權:SHUTTERSTOCK

港媽借人手開關門

一名網民日前在Facebook專頁「生仔要考牌系列」發文,大呻一名港媽行為自私。事件起緣於烏溪沙某大私人屋苑內,當日他打算下樓,一個港媽帶著正唸幼稚園的小朋友入升降機。一入去,港媽就拖住小朋友縮入升降機角落位,怎樣都唔願意按下關門掣。事主見狀,不欲幫手關門,所以等升降機門自己慢慢關上:「OK,我等度門自己閂,我又唔趕時間。」

港媽借人手開關門(圖片來源:SHUTTERSTOCK)
港媽借人手開關門(圖片來源:SHUTTERSTOCK)
港媽借人手開關門(圖片來源:SHUTTERSTOCK)
港媽借人手開關門(圖片來源:SHUTTERSTOCK)

開門那刻,港媽拖住小朋友一支箭衝出去,就走到大門口前,她們突然在毫無預警之下緊急煞停,身體向後,差點撞到網民。此時,事主才恍然大悟,懷疑港媽不想弄污自己與小朋友對手﹐怕觸碰到細菌,所以希望借他的手,關門、開門。但她們忘記大廈大門都要用人手拉,所以馬上停下來,等事主開門。事主終於忍不住,問道:「你做乜唔拉門?」港媽露出笑容:「唔該你呀!」

事主指自己左右為難

事主形容港媽笑容虛偽,認為他沒有被尊重:「可唔可以唔好咁黐線!?咁驚就唔好出街!其他人唔係你嘅門僮!」而且最重要是他怕弄傷小朋友:「我拉得太細力,可能又唔夠你同條細路攝出去;用太大力拉,又有可能撞到你個細路。唔該做人媽媽唔好咁自私啦!!!」

網民:港媽身教好重要

不過,有網民認為事主不應該公審港媽:「你咁不滿咪乜都唔好做囉,笑住講唔該都要畀你話虛偽,呢個世界唔係個個按住你想要嘅模式咁去生活㗎!」亦有網民覺得其他人沒有責任去幫她開門、關門,港媽應該做好榜樣給小朋友學習,做好身教:「雖然依家有疫情,佢可以教小朋友做好防疫措施,將啲樣野推畀人做,我覺得小朋友會有樣學樣。」他們支持事主不開門,大家鬥企,又提供其他建議:「同佢講唔使客氣,你先。」、「我實反佢白眼喇。」、「搵保安幫佢開,反正唔趕時間。」、「應該擰轉頭扮漏咗嘢返落去買,等個阿媽自己死死地氣開門嘅時候就跟手衝入去。」、「我會細細力打開道門少少,攝個身過去,然後好有手尾咁閂番道門。」

網民:港媽身教好重要(圖片來源:Facebook截圖)
網民:港媽身教好重要(圖片來源:Facebook截圖)

資料授權:「生仔要考牌系列」

關鍵詞
身教

你又點睇?

更多精選內容