陳柏宇太心軟被符曉薇鬧是「老鼠屎」 縱容2歲囡囡搣嘴壞習慣

陳柏宇太心軟被符曉薇鬧是「老鼠屎」 縱容2歲囡囡搣嘴壞習慣

陳柏宇 與符曉薇結婚三年,育下一女陳羿辰Abigail,如今她已經兩歲。自Abigail出世後,他們就經常在社交平台上載一家三口的互動片段、合照,分享日常親子生活點滴。常言道女兒是爸爸的前世情人,「女兒奴」陳柏宇對Abigail寵愛有加,日日都陪女食早餐兼開直播,露出一臉冧樣。不過昨日符曉薇就公開投訴陳柏宇對Abigail太心軟,還鬧他是「老鼠屎」,因為他才令Abigail難戒掉壞習慣。

撰文:Sunday Kiss | 資料及圖片來源:符曉薇instagram

陳柏宇女兒搣父母嘴成癮

事緣符曉薇於instagram限時動態大爆為一事煩惱,原來女兒Abigail自小喜歡用手搣父母嘴入睡,搣到他們的下巴滿是抓痕。以前符曉薇認為Abigail年紀小,每次都會遷就而不阻止。但自前晚開始,她決定要幫Abigail戒掉這個壞習慣,以免長大後更難戒掉。結果Abigail放聲大哭,不斷扭計,連口中的奶嘴都從口裡掉了出來。符曉薇眼見Abigail這樣,非常無奈:「喊咗成晚,喊到而家,為咗要搣我個嘴,因為我噚晚開始唔畀個女搣。」

陳柏宇與符曉薇
陳柏宇與符曉薇(符曉薇instagram圖片)
陳柏宇女兒扭計
陳柏宇女兒扭計(符曉薇instagram限時動態圖片)
陳柏宇女兒扭計
陳柏宇女兒扭計(符曉薇instagram限時動態圖片)
陳柏宇女兒扭計
陳柏宇女兒扭計(符曉薇instagram限時動態圖片)

陳柏宇縱容女兒壞習慣

符曉薇沒有心軟,堅持不讓Abigail搣她嘴,怎料「女兒奴」陳柏宇出言阻止。她激到紮紮跳,於instagram限時動態上載陳柏宇的單人相,公開投訴他太縱容女兒:「話說我噚晚好堅持唔畀Abi搣嘴,佢喊就正常啦,就連瞓到三更半夜都會喊醒,戒乜嘢都要經歷呢個時候㗎啦。喺呢個時候老鼠屎 (指陳柏宇) 又發揮佢嘅光芒,因為喊聲嘈醒咗佢,佢突然同我講:『佢瞓著咗就畀佢搣啦!』」符曉薇與陳柏宇各執一詞,最後嬲到爆的她決定無聲抗議:「我冇講嘢,因為我知我一講就講粗口。」

陳柏宇縱容女兒壞習慣
陳柏宇縱容女兒壞習慣(符曉薇instagram限時動態圖片)
陳柏宇縱容女兒壞習慣
陳柏宇縱容女兒壞習慣(符曉薇instagram限時動態圖片)

幸好最後Abigail很乖巧,她很聽媽媽符曉薇話,不斷控制自己不搣嘴:「瞓覺真係高山低谷,Abi令標媽好感動,開頭瞓,佢不停轉來轉去,不停唱歌,我喺度懷疑佢係咪偷飲酒,點解咁興奮。之後發現佢無嘗試搣我個嘴,原來一路轉來轉去瞓唔到,一直控制唔搣嘴。」見到Abigail終成功戒掉壞習慣,符曉薇非常欣慰:「雖然轉咗好耐先瞓到,不過佢真係好叻女。我一直同佢講:『Abi係唔係大個女啦?』佢話係,我話:『大個女就唔可以搣嘴,因為媽咪好痛!』估唔到佢記得,好感動,希望保持住。媽媽知道戒嘅過程一定好辛苦,加油Abi!」

Abigail終成功戒掉壞習慣
Abigail終成功戒掉壞習慣(符曉薇instagram限時動態圖片)

陳柏宇曾手誤公開女兒面試片

除了這件事,符曉薇還大爆陳柏宇誤將Abigail報讀幼稚園的面試片段放上網:「有人同我講,Abi面試條片喺whatsapp傳緊,我諗極都諗唔明點解會有,打畀老公,佢同我講因為有間學校要用YouTube send,佢又唔識Private所以就公開咗。我話學校Email有教你你係咪無睇,佢答係,之後我同佢講Bye Bye老鼠屎。」

陳柏宇曾手誤公開女兒面試片
陳柏宇曾手誤公開女兒面試片(符曉薇instagram限時動態圖片)

研究:46%女性認為老公帶來的壓力遠高於孩子

美國曾有研究針對7000名已婚女性做了一項「生活壓力來源」調查,當中有46%的女性表示:「老公帶來的壓力遠高於孩子」代表很多老公在家庭生活中不僅沒有幫助另一半,反而成為豬隊友。例如媽媽在習慣在家扮黑臉 ,嚴厲管教仔女,爸爸卻愛扮白臉,以討好方式來哄仔女。老公不願配合,父母教育方法不一致,長遠會使仔女不太願意親近媽媽。所以家長們要留意,即使痛錫仔女,也要留意二人態度一致,才應達到最好的教育效果。

曾宮外孕要切輸卵管保命

陳柏宇同符曉薇一直渴望再次懷孕,讓囡囡有多個妹妹或弟弟一齊成長,所以好努力造人。早前符曉薇拍片自爆5月時其實已懷有第二胎,可惜期間大量出血,檢查後確診宮外孕,保不住BB,連她生命都有危險。符曉薇痛心終止懷孕,並立即進行手術,切除左邊輸卵管。她說終止懷孕對自己的心理同身體都留有不少影響,多得老公陳柏宇的支持同陪伴,她才可以走出流產的陰霾。

陳柏宇同符曉薇一直渴望再次懷孕
陳柏宇同符曉薇一直渴望再次懷孕(符曉薇instagram圖片)
陳柏宇同符曉薇一直渴望再次懷孕
陳柏宇同符曉薇一直渴望再次懷孕(符曉薇instagram圖片)

更多精選內容