婚變死忍瞓公園 失業港夫呻老婆被40歲高層追頻出夜街 4年婚姻危危乎

婚變死忍瞓公園 失業港夫呻老婆被40歲高層追頻出夜街 4年婚姻危危乎

面對婚變 ,你會選擇努力維擊,解決問題,還是狠心離婚?近日一名人夫於網上討論區發文,指老婆與公司一名高層關係親密,常出夜街,連放假都會約會。他曾表達不滿,惟老婆威脅離婚。他不想放棄婚姻,故決定瞓公園死忍。

撰文:Clara | 資料、圖片來源:網上討論區

老婆返新工常與男同事接觸

日前,一名人夫於網上討論區以「估唔到原來4年婚姻係咁脆弱」為題撰文,講述與老婆發生婚姻危機的經過。他與老婆由中學畢業後開始拍拖,之後拉埋天窗,至今已婚四年。疫情影響下,他們同時間變成失業大軍,從年頭起不斷搵工。搵了一、兩個月,他老婆成功應徵到藥廠公司人事部;而他自己因為做過廚房,有下廚經驗,加上為人好學、刻苦耐苦,所以輾轉之下終於找到一份飲食業:「搵到20k維持到生計,返住先。」

不過慢慢她發覺老婆有不妥,他指對方公司有很多有錢男同事,大家在工作上有很多交流,關係好好,他們放工也經常與她傳訊息。他留意到有一個是40歲的高層,明知道他老婆是有夫之婦,但仍沒有避嫌,照樣開私家車每日載她放工回家。

老婆被有錢高層力追 威脅老公要離婚

過了三個月,該位高層無意中知道人夫失業,之後開始對他老婆展開猛展追求,先在說話中向她調情,又約她行街、看電影、吃飯。由於人夫返工辛苦,放工已經沒有精力,所以放假會選擇在家休息;相反他老婆返寫字樓,工作量少,準備收工,常常想外出行街,所以答應該高層的要求,不時約會。

他見到老婆常常與高層約會,心裡覺得不太舒服,但卻無能為力阻止:「佢哋已經返工又見面,放假又約埋出夜街,我覺得唔對路,但又無時間管住我老婆。」他曾經主動向老婆提出擔憂,惟對方只敷衍回答,甚至威脅他要離婚:「好幾次問佢可唔可以顧吓我感受,佢都搵藉口搵話題hea我,仲話:『做朋友啫嘛,唔信嘅,結婚都無意思啦!』」

老婆被有錢高層力追 威脅老公要離婚(非當事人)
老婆被有錢高層力追 威脅老公要離婚(非當事人)

人夫選擇死忍婚變瞓公園

人夫聽到老婆將「離婚」二字講到出口,已知道她與高層關係非淺,很可能終有一日會做出對不起他的行為。他表示自己無力維繫婚姻,但他仍不想放棄,所以選擇死忍婚變,希望可以挽回對方:「我唔想離婚,所以我忍住,我已經無力再撐落去,我真係唔想再做人啦,我今年都20尾,我人生已經睇唔到希望,我好驚我老婆走佬。」現在他放工後不想面對老婆,不想再因為那個高層爭吵,所以寧願在香港仔某公園睡覺,逃避問題。

婚變

網民力撐離婚 人夫堅決不離

帖文得到3700多個讚好,絕大部網民都指人夫只有20多歲,還有大把世界,勸他早日面對婚變現實,盡早找個合適的對象,否則勉強沒幸福,他只會浪費時間、浪費心機:「男人30先啱啱開始,加油」、「離婚啦,留唔住佢個心仲一齊都無意思」、「要走嘅始終都會走,唔走嘅點都唔會走…」、「你先咁後生又肯捱,真係無野好怕,放生自己好過自己一直唔開心」不過最終人夫沒有聽取大家意見,堅持不離婚:「再辛苦我都會撐住,已經返咗屋企。」

網民力撐離婚 人夫堅決不離(網上討論區截圖)
網民力撐離婚 人夫堅決不離(網上討論區截圖)

關鍵詞
離婚婚變

你又點睇?

更多精選內容