扶手電梯上被行人撞親 湊B港媽長文抱怨惹網民爭論

扶手電梯上被行人撞親 湊B港媽長文抱怨惹網民爭論

電梯 雖然可以為我們帶來方便,但如果不小心使用,其實暗藏危機。例如隻腳太近梯邊、忘記緊握扶手、在電梯上走動都有可能會釀成嚴重意外,所以港鐵不時播放廣播,提醒大家要「握扶手,企定定」,防止意外發生。不過香港人返工返學趕時間,很多時都會無視廣播,照樣在電梯上行走甚至奔跑。一名港媽近日於社交平台發文抱怨曾多次於扶手電梯上被撞,她提醒大家行落電梯之前應該先通知一聲,拜託他人讓出空間,安全為上,結果卻惹來網民熱議。

撰文:Clara|資料來源:「生仔要考牌」FACEBOOK專頁|圖片:shutterstock

港媽出街定必一袋二袋

近日一名港媽於Facebook專頁「生仔要考牌系列」發文,講述搭扶手電梯的不快經歷。港媽表示平時只有自己一個湊B,沒有其他人幫忙,為了空出雙手拎餸,她每次出門都會用孭帶孭BB。雖然不用抱BB,但港媽雙手依然拿著很多東西。由於現時新冠肺炎疫情未止,她每次出去都會預先買好三、四日餸,減少外出次數,降低染病風險。有時,她會一次過把BB用品買回家,例如奶粉、尿片等,最後一隻手拎餸,另一隻手拎BB用品,兩隻手一袋二袋。

港媽出街定必一袋二袋
港媽出街定必一袋二袋

次次搭電梯捱撞

買完餸,港媽就會行去藍田地鐵站,再搭三條長電梯去小巴站,搭小巴回到村屋。但每次搭電梯,她都會被趕時間行落電梯的人撞到:「我知香港人做嘢係趕,有時你哋趕住要行落條電梯都可以講番聲,因為你哋唔開聲,我唔知你哋要過,你哋又夾硬撞開我。」港媽認為問題嚴重,決定寫文抱怨:「其實我孭住個BB,仲要兩隻手都拎住嘢,(你哋)咁做係好危險。」

次次搭電梯捱撞
次次搭電梯捱撞

提醒大家要小心安全

她提醒大家,如果真的想於電梯上行走,又見到前面有人,應該主動開口通知一聲,拜託對方讓出空間,避免碰撞:「希望咁多位,有時想人借開畀你哋行電梯落去,可以試吓講聲,等其他人都有個心理準備,知道後面有人要行。講聲『唔該借借』,我就會知你哋要行落條電梯,我會讓。但係唔講,就咁撞開係真心危險,尤其是我孭住個BB喺身。其實要我讓一讓,開吓聲唔係好麻煩啫?至少我唔會搭一條電梯都可以被四至五個人咁撞開先啦。」

提醒大家要小心安全
帖主原意提醒大家要留意安全

最後港媽思前想後,認為於電梯上行走還是太危險,她覺得大家即使趕時間,都應該「握扶手,企定定」:「有時啲公公婆婆未必企得穩,真係無需要為咗趕嗰少少時間就咁樣行落去,始終都有個危險性喺度。」

網民對港媽言論意見不一

帖文引來不少網民爭論,有部分批評港媽,指她一袋二袋阻住人:「我咁大件都未試過孭住bb,再左右孭兩大袋野會被人撞,夠位過㗎喎⋯⋯你都有責任將啲嘢放係自己前面啦,如果唔係咁大袋嘢會阻住人」、「你企喺正中間?」、「大家唔好怪樓主,佢可能成三百磅,好大隻呢」、「孭住小朋友再拎住一袋二袋,其實真係會佔好多位」

亦有網民提議港媽為了BB安全,應該搭升降機或網購:「出街買慳得少少錢,但咁多人撞到你」、「BB愈來愈大,你冇得用孭帶,你點樣同佢一齊出去買三四日餸返屋企?」、「為小朋友安全著想,重、大件嘅嘢可以上網買,自己唔使拎得咁辛苦」、「建議9點後先好出門,唔怕阻人返工返學,另外盡量網上訂購,始終出出入入大風險」、「你既然知道好多人唔會讓,你就唔好揾個BB冒險⋯⋯」、「你兩隻手拎嘢,無手捉實扶手好危險,有緊急事停電梯,兩母子一齊跌死,尿片、奶粉叫人送貨啦」

網民對港媽言論意見不一(Facebook截圖)
網民對港媽言論意見不一(Facebook截圖)
網民對港媽言論意見不一(Facebook截圖)
網民對港媽言論意見不一(Facebook截圖)

另一方面有網民力撐港媽,認為大家不應在電梯上行走:「世上無嘢可以阻止香港人趕住去投胎,惟有自己小心啲,好驚被人撞一撞手踭,成個小朋友飛咗落街,次次搭電梯都企喺個女後面護住佢」、「點解啲人唔可以拎啲同理心岀嚟,幾時變到電梯企定定係錯,行電梯係啱?」有媽媽網民就話試過同樣情況,兒子差點出事,非常危險:「之前我同我仔搭電梯,我扶實,我仔企我前一格,又怕企得太埋會攝腳入電梯 ,所以企岀少少。點知有人好趕咁衝撞到我仔,我仔成個人向前,好彩我隻手係放喺佢膊頭,嗰刻我心真係嚇一嚇」

網民對港媽言論意見不一(Facebook截圖)
網民對港媽言論意見不一(Facebook截圖)

 

 

 

關鍵詞
嬰兒安全

更多精選內容