餐廳內BB大叫被幾枱食客投訴 港媽不滿職員勸教好小孩 65字反駁惹網民負評

餐廳內BB大叫被幾枱食客投訴 港媽不滿職員勸教好小孩 65字反駁惹網民負評

去餐廳 吃飯,最怕遇到小朋友扭計、大叫、暴走,影響到其他食客。近日一名港媽於社交平台投稿,指自己帶BB去餐廳吃飯時,BB只是大叫幾聲,就被餐廳職員投訴。雙方對鬧了幾句,最後她將事件公開,並公審職員。惟大部分網民炮轟她自私,指作為家長有責任要教好小朋友,甚至於網上討論區反公審港媽,帖文至今已得到1,600多個負評。

撰文:Clara | 資料來源:Facebook討論區「香港米線關注組」、連登討論區| 圖片來源:連登討論區、SHUTTERSTOCK

港媽BB餐廳內大叫被職員投訴 否認影響食客

一名港媽在Facebook討論區「香港米線關注組」撰文,指控觀塘某間連鎖餐廳雖然有BB坐椅提供,但不歡迎BB,她勸有小朋友的家庭不要去受氣。事緣BB肚餓,她走入餐廳餵BB吃粥,中途BB大叫幾聲,食飽之後就沒有再叫。

其後一位男職員突然走過來投訴,表示影響到其他人,有幾枱食客結帳時黑面,投訴BB太嘈。港媽反駁BB現在已經沒有大叫,質疑食客為何在結帳時才投訴,而不是當刻投訴:「吓!阿B無嘈啦喎!」男職員解釋,BB已經大叫了一段長時間:「頭先阿B都嗌左好耐吓,麻煩控制吓。」但港媽反斥過去還過去,現在還現在:「已經控制咗,你都識講頭先,我B依家都無嘈,你依家嚟投訴?」之後她跟職員開始對鬧。

餐廳
港媽BB大叫被職員投訴 否認影響食客;示意圖(圖片來源:SHUTTERSTOCK)
餐廳
港媽BB大叫被職員投訴 否認影響食客;示意圖(圖片來源:SHUTTERSTOCK)

職員批評沒有教好BB 港媽說出難處

他們先爭拗未夠一歲的BB是否能教好的問題,一位女職員衝過來幫口:「因為有食客投訴,都好影響到食客,麻煩控制吓BB,叫佢細聲啲。」港媽反問:「吓,佢一歲都未夠,你覺得我可以點樣叫得佢明要細聲啲?」女職員說:「咁你可以教。」港媽愕然:「未夠1歲你覺得可以突然教識?」女職員指責港媽沒有盡到媽媽責任:「咁未夠一歲都可以教㗎嘛係咪?!咁你依家開始教佢細聲啲囉!」

港媽認為女職員不明白媽媽的無奈:「你有小朋友未?你知唔知小朋友唔係即時可以控制到?」女職員表示自己同為人母,港媽即叫對方示範如何馬上控制到小朋友。突然女職員碌大對眼地說:「唔關我小朋友事!」港媽指女職員應站在媽媽立埸:「大家都係做人媽媽,你都明唔係話控制就控制到㗎?體諒吓好無?」女職員更加嚴厲地說:「你可以帶佢出去!你都體諒吓其他食客!」

職員批評沒有教好BB 港媽說出難處(圖片來源:SHUTTERSTOCK)
職員批評沒有教好BB 港媽說出難處;示意圖(圖片來源:SHUTTERSTOCK)

職員指BB太嘈 港媽反駁BB從沒喊過

最後他們再度爭拗BB大叫的時間與聲浪,港媽指:「你見唔見到我B食緊粥,完全無再嗌?」女職員認為時間長短不是重點,而是聲浪過大:「我無見過BB好似佢嗌得咁大聲囉!」惟港媽不滿女職員話自己BB大聲:「你依家係咪即係歧視我仔?」女職員馬上澄清:「我無咁講過,小姐你唔好亂講嘢。」港媽形容自己當刻「嬲到爆」,最後反駁BB只是說話,沒有影響其他人:「咁你特別話無見過BB好似我仔咁嗌得咁大聲,唔係即係歧視我仔咩?仲要埋嚟投訴喎!你要講嘢,BB都要講嘢啫,我B仲要係由頭到尾都無喊過!」

網民炮轟港媽沒有理會他人感受

港媽出帖文公審餐廳職員,引來網上極大迴響。有網民支持港媽,認為一歲BB太難控制,批評職員處理手法很差:「不如立法以後唔畀三歲以下入餐廳啦好無?」

網民炮轟港媽沒有理會他人感受(圖片來源:連登討論區截圖)
網民炮轟港媽沒有理會他人感受(圖片來源:連登討論區截圖)

惟大部分網民都批評她自私、無公德心,沒有理會其他人感受:「人哋投訴得你,肯定你個B嘈得好勁,不過喺你眼中肯定覺得無乜嘢」、「嗌到幾枱都投訴應該真係幾嘈」、「點解要人受埋你個仔嘅噪音?」、「好多時啲客都係死忍,只係今次有人出聲投訴咁解」。港媽回應時承認BB有嘈過,但職員投訴時已經收聲,網民指:「投訴時無嘈,唔代表影響唔到人,人哋埋單先投訴係費事即場話你。」

網民炮轟港媽沒有理會他人感受(圖片來源:Facebook截圖)
網民炮轟港媽沒有理會他人感受(圖片來源:Facebook截圖)

有網民建議港媽下次應該先承認錯誤,講句「唔好意思會注意吓」,其實很多人都會體諒,而不是拒絕承認影響到其他人:「呢啲嘢係大家互相體諒,得確係嘈到人咪好禮貌啲講句唔好意思咪過咗去囉。」而且他們覺得即使BB未夠一歲都應該要開始教好他:「唔講以為一個月,一歲唔開始慢慢教等幾時?」

網民炮轟港媽沒有理會他人感受(圖片來源:連登討論區截圖)
網民炮轟港媽沒有理會他人感受(圖片來源:連登討論區截圖)

關鍵詞
爸媽心聲

你又點睇?

更多精選內容