90後餐廳老闆湊女零娛樂無得瞓常吃外賣 曾有抑鬱靠家人釋懷【五味人生】

90後餐廳老闆湊女零娛樂無得瞓常吃外賣 曾有抑鬱靠家人釋懷【五味人生】

90後 在職媽媽Jennifer育有一歲女兒Janice,她是在元朗開設Cafe「法國小屋」。身為一位餐廳老闆,她要處理的大小事務極多,忙到不可開交,為甚麼可兼顧到事業與家庭?平時她會如何抒壓?馬上了解這位女強人媽媽背後的生活。

撰文:Clara | 拍攝:Hugo | 資料、圖片授權:受訪者Jennifer

90後媽媽堅持生女 努力兼顧事業與家庭

Jennifer坦言,她與老公想有小朋友,但本身未有打算在結婚那一年生,因為她的餐廳生意剛剛才上軌道。當她知道自己懷孕時,連自己都還未消化到這個消息,很擔心餐廳的人手安排、工作量、時間分配:「個肚愈來愈大,會攰,唔知身體可唔可以負荷到…」到她告知家人時,他們對她一年內結婚、生仔、開餐廳的速度表示驚訝,怕她難以應付:「吓!咁你餐廳點算?你哋又唔識湊小朋友,又無經驗,你點搞?」不過她很喜歡小朋友,所以她絲毫不認為小朋友是一個負擔,保持正面、積極的心態面對問題:「呢個係天賜落嚟嘅禮物,我會諗自己點樣迎接呢個禮物。」

90後媽媽【五味人生】
90後媽媽堅持生女 努力兼顧事業與家庭(圖片來源:受訪者Jennifer)
90後媽媽【五味人生】
90後媽媽堅持生女 努力兼顧事業與家庭(圖片來源:受訪者Jennifer)

老公感性過自己

自從得知懷孕後,Jennifer覺得第一次去診所聽BB心跳那刻最感動,她頓時感到生命很奇妙:「見到佢手手腳腳喺度郁,呢個moment我覺得好多媽媽都會好感動,同埋會好開心。成件事好神奇,透過聽超聲波會聽到BB嘅心跳。」她特別感謝老公無論在膳食、生活上都會加倍小心照料她。她笑言幸福來得很突然,自己未適應到媽媽這個角色,由佗B到誕女都沒有流過一滴眼淚,反而老公非常感性:「行行吓佢會諗起個女第時識行、要扭抱、喊,佢就會不自覺咁流淚,好誇張。」

90後媽媽【五味人生】
老公感性過自己(圖片來源:受訪者Jennifer)

終於要迎接新生命的來臨,當時她由陣痛到入產房,老公都陪伴在側,寸步不離。去到順產時,醫生、護士、助產士準備就緒,叫她用力生出來。她老公全程站在遠處,醫生大叫:「先生你行咁遠做咩?你行過嚟要捉住老婆隻手㗎,要支持佢,要幫手㗎嘛!」原來她老公第一次入產房,第一次見證BB出世的場面,所以一直表現得很不知所惜:「我嗰陣生緊都唔知,已經痛到不似人形…」

BB成功出世後,她老公終回過神來,反應比她更加激烈,身體更加疲倦:「佢會喊,會捉得好緊,情緒好波動,仲攰過啱啱生完嘅媽媽。」最好笑是她生完之後都沒甚麼大反應,反而是她老公累到睡在產房,要護士拍醒:「姑娘拍拍佢幾下都無反應:『先生起身喇…佢無反應,唔應我…』我話:『你再大力啲,佢可能好攰啊!』姑娘照做,佢先起身,我哋再由產房轉到床位。」現在她仍不時會重提舊事,取笑老公:「都唔知我生完定你生完!」

90後媽媽【五味人生】
老公感性過自己(圖片來源:受訪者Jennifer)

坐月時曾有抑鬱靠家人釋懷

雖然Jennifer大部分時間都很積極、堅強,但女強人都有脆弱的一面,坐月時她曾有抑鬱情況出現:「最唔開心,最低落。嗰個月無工作,由朝到晚都要湊小朋友,我唔識小朋友幾時飽、掃風、換片…」那時,她老公一人頂兩個人的工作,代替她到店舖工作,令她很心痛,同時又覺得湊女好大壓力,結果情緒崩潰,嚇親老公與媽媽:「佢放工返嚟,我喊住咁講:『我好驚BB,唔想見到佢』。」她慶幸有老公、媽媽上班時會跟她進行視像通話,幫她紓緩情緒,又會實行輪班制,放工回家就會接手湊小朋友。連她姨媽都出動,上她家煮陪月餐,也會幫手湊小朋友,幫輕不少。

忙到餐餐食外賣 陪住女兒最抒壓

女兒Janice初出世頭一、兩個月晚上不願睡覺,早上才肯睡,但Jennifer早上7時就要起床處理餐廳事務,接單、幫客人訂位、整目錄、編排員工上班時間,所以惟有犧牲娛樂、睡覺時間,晚上睇住女兒:「基本上係零,係無,有時間都會照顧小朋友,同埋做嘢。」去到下午2時,她就會到店內幫手,做樓面,做到晚上12時。回到家,她就會一邊照顧Janice,哄她睡覺,一邊幫客人落單,準備之後的食材。

雖然她是餐廳老闆,不過她笑言自己是「無飯家庭」,從不煮飯,多數買外賣回家:「煮一餐飯又要買餸,又要洗米…因為快,有時間都會拎嚟做其他嘢。」除非要試新食譜,他們才會動用廚房,一邊試做,一邊試吃,說到底還是心繫餐廳。

90後媽媽【五味人生】
忙到餐餐食外賣 陪住女兒最抒壓(圖片來源:受訪者Jennifer)

現在她聘請了工人姐姐,分擔部分家頭細務 ,她感激對方幫了自己很大忙:「我都好慚愧,佢仲做得好過我,會教個女做個有手尾嘅人,整啲小遊戲同個女玩。請到好姐姐難過中六合彩,佢所有嘢會以小朋友為先,所以我覺得自己好幸運。」但有一件事她堅持自己負責:「BB瞓覺嘅時候最需要安全感,要佢最親嘅人陪住。就算好辛苦、好吃力,我都堅持自己陪佢瞓。」而且她盡量抽時間在家工作,陪女兒玩,親力親為。

要分身做這麼多工作,她坦言很累,有時她會跟Janice周圍去,釋放壓力:「可能放假行公園、商場,望到佢已經係抒壓嘅最大方法,因為佢好得意,同埋好乖。」因為疫情關係,現在要減少外出,但她都是偶爾帶女兒到餐廳,認識更多人。

哄女成功全因一塊餅

Jennifer笑言Janice跟自己一樣貪吃,當女兒不聽話,她就會出動秘密武器─餅乾:「你畀一塊畀佢食,佢就會坐喺度自己慢慢食。」她指女兒最愛吃窩夫,她會加入幾種生果,讓賣相變成美觀之餘,小朋友都會吃得開心又健康!最特別是材料會由麵粉轉做蕎麥粉,不含麩質,含有豐富膳食纖維和必需氨基酸,能有助於改善水腫,穩定血壓。

食譜詳情即睇:彩虹窩夫食譜-滋味又健康!加一種材料能有助改善水腫+穩定血壓

哄女成功全因一塊餅(圖片來源:Hugo)
哄女成功全因一塊餅(圖片來源:Hugo)

法國小屋Le Cafe Des Delices

地址:元朗合益路9-15號紀業樓地下I號舖(按此地圖

電話號碼:69993953

營業時間:星期一全日休息;星期二至日12:00 – 21:30

你又點睇?

更多精選內容