日日媽媽聲｜林盛斌Bob嫂分享育兒經 指兒子太曳＋難教 Bob嫂發長文感謝老公
撰文：Clara｜圖片來源：黃乙頤、林盛斌Instagram
全能爸爸林盛斌兼顧家庭與工作
林盛斌和老婆結婚13年，育有三女一子，林霏兒(Faye)、林熹兒(Haye)與林機兒(Kaye）及道申 （Jaye），很熱鬧。外人難以想像一家有六口，常常好奇Bob嫂一個人到底如何湊大四個小朋友，其實要多得「神隊友」林盛斌幫手照顧。林盛斌一向愛錫仔女，曾經指過每天清早看到仔女，就是他工作的動力。他對家庭很有責任心，一方面要主持節目、做活動司儀，努力工作，賺錢養家，讓一家人住在大屋，安枕無憂；另一方面還要抽時間幫手照顧小朋友，是個全能爸爸。
昨日（22/4），林盛斌在社交平台發文留言求教，直指細仔好百厭：「乖嘅時候，佢真係好乖，曳嘅時候，佢真係好曳！點算？可唔可以乖嘅時間比較多。」有網民看到細仔可愛樣子，不捨得生氣，竟留言叫林盛斌繼續縱容他：「寵佢！」、「佢咁靚仔做咩都啱」搞到林盛斌無咁好氣。不過都有網民認真指點：「照顧小朋友要好有耐性，太曳唔可以打，邊捨得打。乖嘅時候又可以氹吓你，好窩心。」
Bob嫂發文感謝老公
Bob嫂曾有感而發，於社交平台上寫長文感謝老公林盛斌即使凌晨收工都捱眼瞓照顧仔女：「好多人都話我好勁呀！一個湊四個，阿Bob一定幫唔到你啦！佢咁忙！都係㗎！係幾勁㗎！不過我唔會話阿Bob無幫到我嘅，因為佢係有得幫就盡量幫！話說⋯⋯有一晚凌晨三四點，當佢啱啱完成工作返屋企撻落床之際，二家姐同三家姐不約而同叫媽咪。咁我當然去睇吓佢哋啦！點知跟住聽到四少喊，喊咗幾聲就無咗喇！到我搞掂晒返房時，就睇到呢個畫面。」
見到老公盡心盡力照顧家庭，Bob嫂很感動：「其實我好多謝佢，佢可以唔理，或者叫工人嚟（我啲小朋友夜晚自己湊，工人可以完全休息）佢大條道理繼續瞓。但佢無，佢選擇幫手抱吓BB。所以我返房接手時，即刻多謝佢！佢即刻帶住返去瞓！」
一家六口日常生活
六人大家庭，Bob嫂日常廿四小時到底是怎麼過的？
林盛斌分享夫妻相處心得
林盛斌是個好爸爸、好老公，上年年尾，他與老婆趁著結婚13周年，齊齊去紋身，於無名指位置紋上「愛的戒指」，羨煞旁人。他們曾分享夫妻相處心得給大家：「就算幾老夫老妻，都要欣賞對方，同埋要講多謝！唔好老馮呀！」
