Staycation|5歲仔於酒店泳池遇溺掙扎成分鐘 港媽吐9字拒落水被批

Staycation|5歲仔於酒店泳池遇溺掙扎成分鐘 港媽吐9字拒落水被批

家庭生活

Staycation 在疫情下非常受香港家庭歡迎,不能出國的情況下,不少爸爸、媽媽都會帶小朋友去酒店住一、兩晚,享受假期、美食、靚景。好多酒店都設有泳池,家長帶小朋友去游泳時要落足眼力看管,否則意外就此發生。近日有名媽媽於社交平台撰文,指自己目睹一名五歲小朋友遇溺,其母表現慌張,遲遲不肯落水救仔,幸好最後有熱心市民協助,將她兒子救出鬼門關。

撰文:Clara | 資料授權:Facebook專頁「生仔要考牌系列」| 圖片來源:SHUTTERSTOCK、TVB劇集《多功能老婆》

5歲男童於Staycation酒店泳池遇溺掙扎

一名港妻於Facebook專頁「生仔要考牌系列」投稿,講述小朋友遇溺的驚險經過。事緣她跟老公去金鐘某間五星級酒店,當時正值暑假,人流多,泳池設施亦有限人數,酒店客人才可以預約入場,她跟老公因為預約不到,所以到旁邊的餐廳用餐,跟泳池距離很近,只有兩米,但兩者有圍欄相隔。

突然她見到有名五至六歲的男童身體豎直,在泳池中間不斷踩水,浮浮沉沉,頭部不停被水淹沒。當時男童沒有戴泳鏡、水袖等救生裝備,但她因為見到男童媽媽沒有反應,很糾結是否應該救這名男童:「究竟個小朋友係練習緊踩水定佢係浸親?但小朋友嘅媽媽就企喺佢池邊嘅岸上,著住T-shirt,孭住個小手袋,又好似無乜反應。」

5歲男童於Staycation酒店泳池遇溺掙扎;示意圖(圖片來源:SHUTTERSTOCK)
5歲男童於Staycation酒店泳池遇溺掙扎;示意圖(圖片來源:SHUTTERSTOCK)

男童媽媽拒落水救仔

之後男童因為水太深而掙扎,男童媽媽後知後覺,開始好慌張,但她第一件事不是跳落水救仔,而係先放下小手袋、脫下T-shirt,然後嘗試慢慢落水,到她的腳掂到池邊,就大叫:「哎吔!唔得啦,水太深啦。」這時男童已經在水中掙扎了差不多成一分鐘。

港妻同老公本來想跨欄跳下水救人,幸好當時有個熱心男人游近男童,男童媽媽於請求對方幫手:「唔該救救我個仔!」那個男人將男童抱上岸,男童嚇到面都青。

男童媽媽拒落水救仔;示意圖(圖片來源:TVB劇集《多功能老婆》電視截圖)
男童媽媽拒落水救仔;示意圖(圖片來源:TVB劇集《多功能老婆》電視截圖)

港妻埋怨救生員不能一眼關七

事後港妻埋怨泳池救生員在遠處理入場人潮:「佢哋係完全睇唔到泳池發生緊咩事。」於是她特意提醒救生員:「有咁多小朋友游水,麻煩你哋睇緊少少,頭先有個小朋友差啲浸親。」她又提醒所有家長,無論覺得小朋友游水有幾好,都切勿容許他們一個人落水:「意外就係意外,唔係次次咁好彩有人喺隔離救到你個仔,出咗事先後悔就太遲。」

網民懷疑男童媽媽不熟水性,但正因為這樣,更應該牢牢地看管仔女,而不是將責任推給救生員,自己置身事外:「如果個個都咁放個小朋友落泳池,靠救生員睇咁多個小朋友,點睇得晒咁多?」、「咁嘅大人其實唔配有小朋友」、「真係唔可以睇少一眼,一步都唔可以離開」、「其實真係好唔明好多媽媽帶小朋友去游水,自己完全唔落水….有起事上嚟都趕唔切啦」。

港妻埋怨救生員不能一眼關七(圖片來源:Facebook截圖)
港妻埋怨救生員不能一眼關七(圖片來源:Facebook截圖)

你又點睇?

更多精選內容