明星熱捧古法紮肚  修身之外仲可修復子宮 楊怡、陳凱琳靠紮肚修身、收細骨架

明星熱捧古法紮肚 修身之外仲可修復子宮 楊怡、陳凱琳靠紮肚修身、收細骨架

古法紮肚是近年大熱的產後修身療法,被受一眾明星熱捧!被稱為近10年最美的港姐陳凱琳Grace和年屆41歲的楊怡都有採用。楊怡更在產後4個月以此極速修身。古法紮肚源於馬來西亞,是馬拉皇族御用的養生法。徐子淇、謝安琪、胡杏兒、關心妍等都曾使用,所以很多媽媽未臨盆都已經做定預約,非常大熱!媽媽們一齊了解紮肚多一點,一齊搵番fit爆身型!不過有效還有效,始終都係一項專業療程,千祈不要自己亂試呀!

撰文:Sunday Kiss | 圖片:IG、新傳媒資料室

古法紮肚係乜?

古法紮肚來自馬來西亞和新加坡,喺非常流行的產後修身療法,亦係當地婦女傳統源用坐月療程,主要用薑油按摩驅風,再用三種薑及草藥調配的草藥敷在腹部,然後以捆札的方式,將懷孕時受荷爾蒙影響而鬆弛的盆骨及關節向內收緊,從而達到重塑身形的效果,對腰、腹部及盆骨尤其有效。

古法紮肚有何好處?

古法紮肚這項馬來西亞傳統的產後復原方法,結合了科技、按摩技巧和草藥,敷上為產後媽咪度身調配嘅草藥後,治療師就會用束腹帶,束扎在媽咪的腰、腹及盆骨位置8小時,以達到收緊因受荷爾蒙影響而鬆弛的關節,期間媽咪可以如常活動。草藥除了主要以薑去幫助驅風及促進血液循環外,整個療程都不會使用任何化學產品;而且會在草藥內混入薰衣草,在修身的同時,亦可為產後媽咪舒緩情緒,達到完全放鬆。

古法紮肚整個療程需時約45至75分鐘,而且因為治療師顧慮到產後媽咪在坐月期間不能吹風、沾水,所以都會親身上門進行治療。而且療程除了有助修身,亦可以改善血液循環、舒緩腹脹和體液殘留、促進疤痕癒合和放鬆肌肉,令媽咪的身心都得以回復至分娩前的狀態。

瘦底陳凱琳用以防止骨架擴大

日前陳凱琳在社交平台上載一批新相,大騷纖腰,看上去不似是兩子之母,更莫說生B後才3個月。更令龔嘉欣留言大讚:「Omg , super fit 😍😍😍」除了fit爆身材,Grace看上去面色、精神都很精靈,身體可謂極速復原!

她坦言身體復原有乃古法紮肚,並列舉多種紮肚所帶來的效用。指出紮肚非只為靚身材,像她纖瘦的體質都一樣有需要。因為在媽媽懷孕時,骨架會擴大,所以即使瘦都會變大隻。而紮肚就能針對這個問題,收細外擴骨架,協助腹直肌重新歸位,同時促進子宮修復,更能紓緩產後腰痛情況。所以,紮肚對一眾媽媽都有幫助!

古法紮肚
日前陳凱琳在社交平台上載一批新相,大騷纖腰,看上去不似是兩子之母,更莫說生B後才3個月。(圖片來源:陳凱琳IG)

楊怡4個月極速修身

楊怡今年四月誕下囡囡「小珍珠」後,只是四個月就極速修肚。她在社交平台分享成果,照片中楊怡穿上運動Bra Top,身形非常纖瘦,「其實生完BB,我感覺到自己無論骨架、線條等都有明顯嘅變化,而盆骨仲最為明顯。」

楊怡紮肚兩星期,「感受到身型真係每日逐步咁改善,唔使好耐,已經好快可以著返生BB之前嘅衫褲啦!」身形也確實回到未生前!

古法紮肚
楊怡今年四月誕下囡囡「小珍珠」後,只是四個月極速修肚。(圖片來源:楊怡IG)

不少圈好友大讚楊怡的身材,包括陳敏之、高海寧亦、黃祥興等。馬國明亦有留言:「你老公真幸福……」楊怡回應對方:「馬明你現在都好幸福吖!」

張名雅極速搵番條腰

前港姐冠軍 張名雅 (Carat)2017年誕下兒子Mario,未夠一個月就火速修身,佢喺FB分享修身大法,除咗積極做運動外,仲採取「古法紮肚」嚟修身,而家條腰已經回復27吋!

古法紮肚
前港姐冠軍張名雅 (Carat)2017年誕下兒子Mario後,採取「古法紮肚」修身,回復27吋腰!( 圖片來源:張名雅@IG

睇番佢喺FB上載咗幾張「古法紮肚」的照片,又不介意公開自己腰圍同懷孕後長出妊娠中線相。佢留言話:「紮肚前度下條腰仔…竟然27″…」

以下是 張名雅 FB全文:

「治療師首先幫我按摩,按淋巴,然後按肚。因為生產過程會令媽咪入風,產後更加要注意驅風同避免入風(坐月就係呢個意思)。按肚主要集中在子宮和卵巢的穴位,治療師亦會用按摩嘅手勢按D肚風出來,然後在肚上加入溫和嘅草藥驅風(包括薑)。對於一般需要改善腰線同盤骨嘅媽咪,紮肚應該會比較大幫助。至於我,生B前同生B後一直都keep到有條腰,所以我比較期待收緊盤骨嘅功效因為我覺得大肚之後個 pat pat 係明顯大咗嘅。搽左暖暖嘅草藥之後,就開始紮肚啦。」

古法紮肚
按肚主要集中在子宮和卵巢的穴位,治療師亦會用按摩嘅手勢按D肚風出來,然後在肚上加入溫和嘅草藥驅風。(圖片來源:張名雅IG)

 

「原來紮肚有三層布㗎。治療師一路紮一路問我頂唔頂到啊,會唔會太緊,定係唔夠緊可以紮緊D啊?第一日我選擇紮得比普通力度緊小小因為我都留喺屋企,就算唔舒服都可以瞓低。結果我第一日變左個機械人,果然唔係好郁到,休息左一個下午,我紮咗四個幾鐘就解左佢啦。(如果想效果好啲就忍六個鐘啦)過左第一日之後我已經習慣左,每日就算紮得緊啲都一樣行動自如。」

古法紮肚
紮肚需用上3層布。(圖片來源:張名雅IG)
古法紮肚
腹部變得平坦。(圖片來源:張名雅IG)
古法紮肚
腰部線條重現。(圖片來源:張名雅IG)

 

 

孫慧雪曾因紮肚致子宮出血

孫慧雪生咗囝囝Riley後,身形一直保持微胖,於是嘗試以古法紮肚修身,同時透露自己之前發生過的小意外。

阿雪決心修身,嘗試以產後紮肚減肥法,一改生完B後嘅微胖身型,並於個人社交網po出多張自拍照,見佢著上非常貼身嘅紮肚帶,紮到連腰位都出番嚟。

古法紮肚
孫慧雪生咗囝囝Riley後,身形一直保持微胖,於是嘗試以古法紮肚修身。(圖片來源:孫慧雪IG)

阿雪後來留言話,自己之前都試過產後紮肚,卻因為過程中發生意外而停止:「我之前生咗3個月時紮過,但可能個人體質問題,或者子宮傷口太大(因為我係剖腹產兼生大碼B),所以產後三個月紮到第3日,就子宮出血,於是無再紮!」,聽到都驚驚。

古法紮肚
阿雪生咗3個月時紮過,但可能個人體質問題,或者子宮傷口太大,所以產後三個月紮到第3日,就子宮出血,於是無再紮!(圖片來源:孫慧雪IG)

 

阿雪決心再試紮肚,希望可以幫佢紮返細個骨架,第一日紮嗰陣,佢仲笑話有㧜牙嘅感覺。

佢第二日紮肚,孫慧雪就喺網上發文透露:「今日幫我再紮緊啲,幫我紥埋胸骨,你哋睇下,著咗條褲上去,都唔擁腫,因為堅緊!!」,真係隔住個mon都感覺到有幾緊!

古法紮肚
阿雪話重新紮肚希望紮肚可以幫佢紮返細個骨架,第一日紮嗰陣,佢仲笑話有㧜牙嘅感覺。(圖片來源:孫慧雪IG)

佢仲話:「今日落咁大雨都照去,即刻覺得自己有為減肥付出!大大減低咗平時貪吃嘅罪咎感。」,照咁睇,佢真係好有決心堅持要成功瘦身。

古法紮肚
阿雪坦言再紮緊啲,紥埋胸骨,以達到更好的效果。(圖片來源:孫慧雪IG)

 

 

 

更多精選內容