煮一瓶營養炒米茶 過程步驟公開
先前提及有關炒米茶資訊，大家感興趣，亦都有很多提問，所以我專程煲了兩款 炒米茶 ，分別是南棗桂圓 炒米茶、無花果海玉竹 炒米茶 ， 讓大家容易明白煮的過程。^^
炒米至微黃色
三色米有不同營養價值，分別有紅米、糙米、黑米、 芝麻，加埋白米一齊炒。米炒至微黃色， 然後攤涼米，再搵密實盒裝住，到飲用時先拎出嚟煲，炒米連食材大概煲45分鐘。
炒米前~~
炒米後~~
材料份量
份量分別是30g炒米、 1公升水、陳皮一片，食材可隨自己喜好添加或減少。
*坐月媽媽每日建議飲最少2公升代茶
南棗桂圓 炒米茶
無花果海玉竹 炒米茶
照片食材是拍攝效果， 食材需要剪碎才會出味架^^要記得啊！
4大Q & A
順帶在這裡解答一下客人疑問︰
1. 米需要洗嗎？
不用水洗，洗了反而很難乾，增加濕氣。
2. 點樣知道幾時炒好？
見到米有點微黃色，不用金黃色， 否則太熱氣了。
3. 陳皮需要刮囊嗎？
刮與不刮都可以，沒太大影響。
4. 芝麻需要炒嗎？
生熟芝麻都可以， 因為炒米時會連芝麻一齊炒。
