【入時燉湯】雙蓮鮮百合桂圓燉湯 潤肺補氣安神

【入時燉湯】雙蓮鮮百合桂圓燉湯 潤肺補氣安神

【入時燉湯】天氣寒冷啦,又係時候要為家人多煲一啲湯水、糖水來滋潤一下先得。最近小JM睡眠質素欠佳,唔知關唔關之前病完事呢?成日總係會半夜突然醒要揾媽媽。如果我喺身邊就要拖實手仔就瞓番,如果唔喺就會起身揾媽媽,仲喊住話以為媽媽唔見咗。為咗令小JM訓得好啲,提升全家嘅睡眠質素,我決定燉個預防失眠嘅安神湯畀家人飲。其實媽媽我都好需要飲,因為小JM一個訓得唔好,就連大家都訓得唔好,呢啲都係連帶關係。

資料、圖片來源:傑。斯與晴 | 編輯:Sunday Kiss

雙蓮百合桂圓燉湯安神好眠

蓮子 : 有助抒壓、安養心神、改善失眠及抗氧化
蓮藕 : 有助清熱、健脾開胃,產後進食亦有助止血去瘀
鮮百合: 具清心安神、潤肺補氣、清熱止咳之餘仲有養顏嘅功效
桂圓肉: 安眠、補血,而且有改善心血管循環效用

雙蓮百合桂圓燉湯安神好眠
雙蓮百合桂圓燉湯安神好眠

雙蓮百合桂圓燉湯材料:

蓮子
蓮藕
鮮百合
桂圓肉
瘦肉

雙蓮百合桂圓燉湯材料
雙蓮百合桂圓燉湯材料

雙蓮百合桂圓燉湯做法

  1. 將新鮮蓮藕洗淨,切成條片或小片,備用。
  2. 蓮子、鮮百合及桂圓肉用水稍作浸泡以除去雜質。
  3. 瘦肉切成小件,並汆水備用。
  4. 將全部材料慢慢放入燉盅之內。
  5. 加3至4碗水入燉盅內,並蓋好。
  6. 燉盅膽注入適當水量後即可開始燉湯。
  7. 待湯燉好即可飲用。飲用前亦可按喜好加入鹽調味。

 

(向左推睇相)

雙蓮百合桂圓燉湯小貼士

美的陶瓷蒸燉寶有得揀選兩個不同模式嘅燉湯時間:養顏湯(燉兩小時)、精華燉(燉三小時),可因應個人需要或喜好而選擇時長。另外仲設有發燕窩、燉燕窩等功能。我同小JM飲嘅燉咗兩個鐘,而爸爸嘅就燉咗三個鐘,我就覺得精華燉較為濃郁啲。

雙蓮百合桂圓燉湯小貼士
雙蓮百合桂圓燉湯小貼士

資料、圖片來源:傑。斯與晴

你有食譜分享嗎?

更多精選內容