快靚正 紫菜豆腐肉碎湯

快靚正 紫菜豆腐肉碎湯

紫菜豆腐肉碎湯係滾湯,故此是快靚正食譜!點解咁重要?因為早幾日煮煮下飯,小小豬入左嚟廚房,以為佢咁乖仔嚟幫手開飯,但原來係問我今日煲左咩湯或者涼茶。當知道今晚冇涼茶又冇湯時,佢竟然大興問罪,話食飯冇得飲會唔Enjoy(佢仲要好認真嘅樣),聽到都唔知好嬲定好笑。 所以雖然今日諗唔到煲咩老火湯,咁就簡單滾個 紫菜豆腐肉碎湯,滿足一下小老細啦~

尋日先飲完湯,偷懶一日都唔俾,依個小老細真過份呀!不過……其實佢都係鐘意我啲愛心湯水,我開心都嚟唔切~ 豆腐含有豐富蛋白質,而且有益氣和中、生津潤燥、清熱解毒的功效。紫菜含碘量高,可降血壓及防止甲狀腺腫大。

紫菜豆腐肉碎湯材料:

紫菜1片、包仔豆腐一塊、肉碎約$15及薑兩小片~
快靚正 紫菜豆腐肉碎湯

紫菜豆腐肉碎湯做法:

薑洗乾淨然後拍鬆;豆腐切粒粒~
快靚正 紫菜豆腐肉碎湯

紫菜以清水浸軟;肉碎沖洗乾淨,然後加鹽½茶匙、糖½茶匙、生粉1茶匙及油1茶匙醃大約15分鐘~
快靚正 紫菜豆腐肉碎湯
煲內放約1.5L水,然後隨水加入薑片~待水滾後,就可以加入肉碎~
快靚正 紫菜豆腐肉碎湯

繼續用大火加蓋煲約10分鐘~然後轉慢火後加入紫菜繼續煲約8分鐘~
快靚正 紫菜豆腐肉碎湯

最後加入豆腐粒粒,再待煲滾後,加少少鹽調味(加左豆腐之後唔好煲太耐,如果唔係啲豆腐就會好”鞋”啦)~
快靚正 紫菜豆腐肉碎湯

可以飲得啦~
快靚正 紫菜豆腐肉碎湯

一個既係餸又係湯嘅晚餐,咁就可以等我懶懶地之餘,又可以滿足一下要求高高嘅小小豬啦!

唔好以為依個紫菜豆腐肉碎湯,只係一個方便快捷嘅靚湯,佢仲好有營養,完全係快、靚、正靚湯,所以夏天都係煲多啲依簡單湯水啦!(大熱天……減少係廚房時間,人都舒服啲啲….哈哈哈)

溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!

 

下一頁:滋潤止咳海底椰粟米湯

快靚正 紫菜豆腐肉碎湯

下一頁:健脾利水 木瓜生魚花生湯

快靚正 紫菜豆腐肉碎湯

常有問題:

問:有甚麼湯適合小朋友飲?

回答:紫菜豆腐肉碎湯。材料有11港元的肉碎…

問:紫菜好有益?

回答:紫菜含碘量高,可降血壓等等。

問:豆腐有何功效?

回答:豆腐含有豐富蛋白質,而且有…還有清熱解毒的功效。

關鍵詞
滾湯食譜

你有食譜分享嗎?

更多精選內容