去濕健脾 黃瓜荷葉粟米鬚素湯

去濕健脾 黃瓜荷葉粟米鬚素湯

去濕 、健脾,飲咩湯好?早前我同小小豬玩野外定向比賽,雖然好有挑戰又幾好玩,不過悶焗天氣,其實都有點辛苦。所以就即刻去藥材店執番一份湯包,煲個黃瓜荷葉粟米鬚素湯同小小豬齊齊解暑。今次煲呢個黃瓜荷葉粟米鬚素湯都係店員介紹,對健脾同祛濕好有幫助。聽到店主咁講,加上真係唔難煲,當然即刻煲畀小小豬同自己飲。今次用黃瓜嚟煲素湯,飲落個瓜味仲重咗,而且仲好清甜。我同老公飲完之後都覺得身體無咁滾熱,所以都會再煲多幾次飲先得。

資料、圖片來源:小小豬的成長日誌 | 編輯:Sunday Kiss

去濕健脾 黃瓜荷葉粟米鬚素湯

去濕健脾 黃瓜荷葉粟米鬚素湯
去濕健脾 黃瓜荷葉粟米鬚素湯

去濕健脾 黃瓜荷葉粟米鬚素湯材料

黃瓜 一個
荷葉 一或二塊
粟米鬚 半兩
炒白扁豆 半兩
熟薏米 約兩湯匙
果皮 一角
蜜棗 兩粒(一兩相等於 37.5g)

 

去濕健脾 黃瓜荷葉粟米鬚素湯材料
去濕健脾 黃瓜荷葉粟米鬚素湯材料

去濕健脾 黃瓜荷葉粟米鬚素湯做法

  1. 黃瓜去籽切塊,切大舊點都不怕,因為太細煲完湯就無得食。
  2. 果皮浸透去囊;藥材就浸洗一會兒。
  3. 煲內放約2L水,然後加入果皮。
  4. 待水滾後再放入其他材料。
  5. 繼續用大火加蓋煲約15分鐘。
  6. 轉用慢火加蓋煲約1小時。
  7. 加入少少鹽調味即成。

 

去濕健脾 黃瓜荷葉粟米鬚素湯溫馨提示

  • 由於個別人仕體質不同,所以大家記得煲之前了解自己,如有疑問,請先向註冊中醫查詢。

資料、圖片來源: 小小豬的成長日誌

資料、圖片來源: 小小豬的成長日誌
資料、圖片來源: 小小豬的成長日誌

你有食譜分享嗎?

更多精選內容