去濕消暑 節瓜淮山螺頭湯

去濕消暑 節瓜淮山螺頭湯

去濕 湯水要喺天氣轉變時飲,我喉嚨仲有少少乾,拿拿臨煲個節瓜淮山螺頭湯消暑、解毒、治癒,又可以滋潤一下,米豬都爭住飲湯,因為真係好鮮甜啊。節瓜又稱小冬瓜,是冬瓜的變種,卻性平不寒涼,能消暑解毒,健髀利尿,最適宜春末夏初季節食用。響螺頭味甘性平,具有滋陰補腎的作用,常用作煲湯,而且能養肝明目,適合脾胃虛弱或視物不清的人士食用。茨實能補脾止瀉、袪濕止帶、收斂止汗。無花果乾促進消化、清熱解毒,瑤柱性平,味甘鹹,功能滋陰補腎,和胃調中,常吃健脾生津、利尿消腫。

資料、圖片來源:米豬媽媽 | 編輯:Sunday Kiss

去濕消暑 節瓜淮山螺頭湯

消暑祛濕 節瓜淮山螺頭湯
去濕消暑 節瓜淮山螺頭湯

去濕消暑 節瓜淮山螺頭湯材料

  • 節瓜 2個
  • 螺頭乾 3個
  • 茨實 1湯匙
  • 淮山 6-8塊
  • 無花果乾 2粒
  • 瑤柱 2粒(可以唔落)
  • 中型豬腱 1個
消暑祛濕 節瓜淮山螺頭湯材料
去濕消暑 節瓜淮山螺頭湯材料

去濕消暑 節瓜淮山螺頭湯做法

  1. 螺頭浸水最小6小時, 洗乾淨後切開3-4件備用。
  2. 豬腱洗乾淨後泡活水,沖乾淨備用。
  3. 瑤柱浸水20分鐘。
  4. 淮山、茨實、無花果洗乾淨, 節瓜刮毛後一開二。
  5. 湯煲放大約2/3煲水(約2公斤升),水滾後先落螺頭、瑤柱、淮山、茨實。
  6. 再滾就落埋節瓜。
  7. 節瓜都滾埋就落肉,滾5分鐘。
  8. 全煲湯滾15分鐘後,轉最小火煲2-3個鐘,即成。

(向左推睇相)

去濕消暑 節瓜淮山螺頭湯小貼士:

  • 乾螺頭唔浸6個鐘以上,你係劈都劈唔落,而且鮮味仲會困喺入面出唔到味,啲湯會無咁好飲。所以想飲靚湯最好一朝早或前一晚浸定。仲有螺頭好滋陰,各位媽媽們記得食埋佢。
  • 乾螺頭用急凍螺頭代替都可以,解凍後洗乾淨, 我會浸活水先拎去煲湯。
  • 淮山健脾、補肺腎,秋冬飲多點,小朋友都要飲多點。
  • 無花果有少少消炎作用,秋冬天氣乾淨係想咳、喉嚨痕,落埋佢煲湯就可以舒緩吓。

資料、圖片來源:米豬媽媽

 

讀者留言

更多精選內容