【 贏在射精前 】《沒有起跑線？》全城群插射精論
無線星期一晚播全新的育兒節目《沒有起跑線？》，第一集的受訪準媽媽已經語出驚人，拋出「嬴在子宮內」，甚至「 贏在射精前 」的偉論！不少家長睇到眼火爆，今日群情洶湧在Kiss及TVB的 Facebook專頁留言，狂數該位媽媽的價值觀扭曲，更為她擔心她小朋友的童年！
第一集節目內容，主要追蹤採訪一位Irene媽媽，問及她生B前的準備及心態，呢位Irene媽媽在節目中大談自己的，聽到各位觀察嘩然，一齊睇下節目中5大拍得住「贏在射精前」金句！
金句一：八級已經無咩用啦！
學樂器，原來要學到演奏級先有用，仲要係喺小學前學到演奏級先有用！
金句二：師奶同普通人結合，生出嚟嘅凡夫俗子，點同人爭呢？
Steve jobs都係由一個師奶同普通人結合啦！佢對呢個世界嘅影響力，都唔係由佢父母基因俾佢啦！佢出世無耐就被一對夫婦收養，而養父只是一名高中學歷的汽車維修工人，只是Steve jobs的養父喺佢細個時，就留意到佢對電子線路的興趣，加以培育先至有今時今日的Steve jobs！
金句三：無學校收仲可憐啊！
當爸爸話覺得小朋友咁細個就要返學，好可憐時，媽媽就「一言九頂」話：
第時無書讀仲慘啊！
無學校收仲慘啊！
唔識字仲慘啊！
金句三：我哋輸咗啦！咩線都無啦！
其實…贏在起跑線 從來都唔等如 贏在終點線，咁點解要一開始就話阿仔咩都輸晒呢？
下頁：想買六萬蚊嘅教材，俾老公話痴線？
金句四：我買六萬蚊嘅教材，俾老公話痴線！
係咪真係有需要啊？愛迪生唔需要教材都可以發明電燈啦！
金句五：喺呢個社會，如果你唔做兩件事，你可以活得好瀟灑。一係唔買樓；二係唔生仔。
與其將賭注押在「射精前」，不如唔好生啦！
下頁：睇吓Sunday Kiss FB專頁的網友留言圖
今日我哋早上Post了兩張節目中Irene媽媽的金句圖，結果好多家長睇完都入嚟留言，除了踩節目嘩眾取寵外，當然亦有唔少人喪插Irene媽媽的育兒價值觀扭曲，話佢唔識做媽媽，更為佢小朋友擔心，有人甚至出埋粗口！
續下頁：TVB Mytv FB專頁的網友留言圖
TVB亦有開Post貼節目的精華宣傳短片，點知亦引來一班家長狂留言插節目，網友的留言當然清一色是負面評價，對節目及Irene媽媽的出位言論表示憤怒，有人更話Irene媽媽「不知所謂」。
撰文：Fiona Fong
圖片來源：mytv截圖
