下午校嘅人蠢啲?港女見家長自爆小學返下晝 被未來奶奶勸分手

下午校嘅人蠢啲?港女見家長自爆小學返下晝 被未來奶奶勸分手

下午校 、上午校可以判斷一個人是否聰明?以前學生數量多,學校數量不足,大多實行半日制,大部分學校分成上下午校。上午下午校的學生一直不會碰面,但就共用同一張枱,成為最「親密」的陌生人。不過有人認為上下午校與智力有關,近日一名女網民就於討論區大呻被未來奶奶嫌棄,還要求她與兒子分手,認真誇張。

撰上:Clara | 資料、圖片來源:討論區截圖、SHUTTERSTOCK

港女見家長 透露小學返下晝

事緣有名女網民於網上討論區以「男友阿媽話我讀下午校蠢啲,叫我男朋友飛咗我」為題,指自因為讀下午校而被未來奶奶嫌棄。女網民早前去男朋友家吃飯見家長,與未來奶奶一邊吃飯,一邊聊天,打算打好關係。當女網民講起自己就讀區內名校小學時,未來奶奶和顏悅色。

然而當女網民講到當時讀下午校,未來奶奶竟即時黑面:「傾傾吓發現有啲唔對路,佢就問我讀上午定下午校,我咪答佢因為屋企人唔得閒照顧我,放畀學校搞就會好啲,所以小二轉咗去下午校。」

港女見家長自爆小學返下晝(示意圖)
港女見家長自爆小學返下晝(示意圖)

未來奶奶嫌蠢勸分手

事後,女網民獲男朋友告知未來奶奶對她印象不佳,還暗中勸他們分手,原來未來奶奶覺得讀上午校的小朋友較為聰明,讀下午校比較愚蠢啲。女納民聽到之後很無奈:「嗰時傳聞上午校係叻人讀,下午校係蠢人讀,仲有就係通常上午校返完學就去補習班,而下午校好少會朝早去補習班,但係其實都係傳聞。」

未來奶奶嫌蠢勸分手(非當事人)
未來奶奶嫌蠢勸分手(非當事人)

網民各有意見

不少網民紛紛留言,有人認同女網民未來奶奶的擔憂:「我讀上午校,我的確對讀下午校無咩好感,我地早起身上堂,佢哋仲瞓緊覺」、「好哋哋無必要,點解要讀下午?除咗因為懶」、「起學習是可以活化思考,所以大多數名人企業家都是早起學習」。

網民各有意見
網民各有意見(討論區截圖)
網民各有意見
網民各有意見(討論區截圖)

但有網民反駁,認為上下午校沒有分別,還勸女網民分手,原因是免得被未來奶奶日後刁難:「佢媽媽唔鍾意你,你係要同佢喺一起,以後日子唔好過」、「你男朋友阿媽咁蠢,你男朋友都遺傳一樣咁蠢,飛咗佢啦」。

網民各有意見
網民各有意見(討論區截圖)

你又點睇?

更多精選內容