事業家庭難兼顧 在職媽媽：要升職定仔女成績？
撰文：Kamen | 圖片：電影截圖
事業家庭難兼顧 在職媽媽：要升職定仔女成績？
有媽媽與討論區求救，指自己是個在職媽媽，囡囡剛剛入讀小學，同時上司有意將她升職，代價是要犧牲與兒子的相處時間。該名網民提到，其上司認為自己對女兒太過上心導致工作表現下降，但又不敢放手讓老公照顧讀小一的女兒。「有時諗，是否做左媽媽就好難拼搏？定我能力問題？」「其實體力不是好累，但精神上好累。未做媽媽的話明白，其實又點會真係理解?我好想樣樣都做得好，但我好攰，感覺好似一盤被抽乾水快枯萎的植物。有冇同路人?」
該媽媽的訴苦引起一眾網友討論，有網友就提議可以將小朋友溫書的重任交給丈夫或聘請補習老師，亦建議該媽媽作出取捨。
網友提議「外判」照顧囡囡的工作
網民1：我會一係外判小朋友溫習/功課比補習老師，一係辭職全力陪太子讀書… 一個人做「兩份工」太累…chur得乾啦⋯⋯到時吃力不討好，兩邊都半桶水
有網民認為升職機會難得
網民2：如果你miss咗今次升職，坦白講就算你以後肯努力，head都未必再比機會你。
亦有部份網民認為必須取捨，不可能同時兼顧
網民3：坦白講，長遠落去遲早有衝突你阿head講得岩，要上位有d野一定要犧牲。隨著小朋友越學越深，所需嘅時間亦會越多。你係時候要唸唸，訓身工作+外判；定放慢腳步自己跟了
網民4：你阿head講緊嘅係事實，所有野都要做取捨，公司真係唔會因為你有家庭而降低要求，阿女亦唔會因為你返工而唔駛你理，所以如果兩者只可以取一樣，就要自己衡量邊樣想要多d。最緊要係選擇咗就唔好回望，勇往直前，唔好後悔。
有網民認為囡囡比較重要
網民5：佢講得無錯，要有取捨。所以我會放棄進升。因為個女前途比較重要。未升已經咁辛苦，升咗⋯⋯你捱得到咩
小編也認為這位在職媽媽必須在事業和家庭中作出取捨，以免「兩頭唔到岸」。
