任達華

任達華聞17歲愛女拍拖下禁戀令 任晴佳高180擁30層物業 揭人生贏家生活

熱話

廣告

任達華 與名模老婆琦琦的女兒任晴佳Ella已經17歲,任晴佳完美遺傳了父母的優良基因,如今已成為一位美少女,更擁有身高180cm高佻逆天身材,絕對有條件和媽媽一樣踏上天橋,應該都不少裙下之臣!較早前任晴佳被影到與少男同行被傳拍拖,不過爸爸任達華卻表示女兒要以讀書為重?

消費券轉會優惠比較

原文刊於:More

任達華女任晴佳由細靚到大是美人胚子

任達華與琦琦於1997年結婚,2004年誕下女兒任晴佳。愛女任晴佳身為星二代向來備受注目,天生一副明星相,是個美人胚子,就讀國際學校,學校成績優異,是校內高材生,而且自小跟隨父母出席公開活動,更曾與媽媽一起登上時尚雜誌封面。

據知任晴佳有興趣做模特兒,不過對於入娛樂圈則有所保留,因為其志願係做一個時裝設計師,視Angelababy及美國模特兒Gigi Hadid為偶像。知情者透露:「平日佢最鍾意著熱褲同超貼身嘅leggings,騷吓對靚腳,近期佢又再標高,仲好自豪條腿已經長過爹哋㖭!真係有晒父母優良基因,其實Ella(任晴佳)自細已經視父母係偶像,佢好鍾意扮靚同自己襯衫,好崇拜外國名模,成日學佢哋啲打扮,同華哥琦琦會一齊研究時裝潮流,細細個已好有時尚觸覺。」

琦琦都大讚愛女身型比自己更加均稱,惟她曾直言不想女兒進入娛樂圈,希望女兒可以好好讀書:「拍戲辛苦,現階段應好好讀書。」

17歲任晴佳愈來愈靚似足媽媽

如今17歲的任晴佳正值花樣年華,遺傳了父母標緻的五官、無敵的180身高與修長美腿,有機會青出於藍,女承母業成為專業的超模,明顯已由小女孩蛻變成美少女,注定是人生勝利組。此外,作為女兒奴的任達華不時會在社交網站貼出囡囡相片,同大家分享女兒成長靚樣,成日話女兒是爸爸的前世情人,單睇他對住寶貝女的冧樣就知此言非虛。他更曾經表示自己名下30多個海外及香港物業統統都會留給女兒,簡直把愛女寵上天。

任達華 今年17歲的任晴佳,早前被影到有少男陪去街。
今年17歲的任晴佳,早前被影到有少男陪去街。(圖片來源:[email protected])
任達華 任晴佳擁有超模的身高與身形。
任晴佳擁有超模的身高與身形。(圖片來源:[email protected])
任達華 任晴佳擁有超模的身高與身形。
任晴佳擁有超模的身高與身形。(圖片來源:[email protected])

任達華聞愛女拍拖黑面 下禁戀令至大學畢業

最近任晴佳被影到在鬧市與一名少年登上同一座駕,之後便傳出拍拖消息。任達華現身香港電台出席《2022年節目巡禮》時被問及愛女任晴佳是否有戀情,他極力否認:「嗰日個男同學我都識,佢哋好細個就認識,由細玩到大,有同學生日,所以佢哋一齊去買禮物,正常社交嚟…..我好Open,但要讀書先,依家係讀書時間。」記者再追問囡囡是否讀完大學才可以拍拖?他再答:「係,囡囡有分寸,我唔擔心。」

任達華表明女兒的「禁戀令」會直至讀完大學。(圖片來源;東方新地資料庫)
任達華表明女兒的「禁戀令」會直至讀完大學。(圖片來源:東方新地照片庫)
任達華 任達華叫愛女睇多啲佢同老婆琦琦拍拖先喎!
任達華叫愛女睇多啲佢同老婆琦琦拍拖先喎!(圖片來源:[email protected]琦琦是我)

任達華似乎對女兒情竇初開非常抗拒,甚至不想去面對,他表示囡囡經常與他分享少女心事,不過就堅決話囡囡沒有人追,從來沒有講過戀愛話題,仲話父女之間互相都有信任。最後,任達華再次強調女兒任晴佳點都係鍾意讀書多啲喎!任達華得一粒女,自小如珠如寶,點會捨得個女拍拖?

據知情者透露:「華哥個女索爆,好早就有電影監製試探華哥意思,想簽佢個女,雖然華哥絕對唔專制,畀好大自由度個女,亦知個女以外國超模做目標,華哥講明一定要Ella讀好書先,唔想個女鋒芒太露…其實Ella同華哥相處就好似朋友咁,兩個成日會一齊做瑜伽,華哥同琦琦又會陪個女捉國際象棋,如果輸咗個女會罰佢哋坐無影櫈,華哥成日話全因為個女,自己依家先至咁fit !每次提起個寶貝女佢就會笑到見牙唔見眼!」

任達華 任晴佳擁有無敵長腿。一舉手一投足都有超模風範。
任晴佳擁有無敵長腿。一舉手一投足都有超模風範。(圖片來源:[email protected])
任達華 任晴佳擁有無敵長腿。一舉手一投足都有超模風範。
任晴佳擁有無敵長腿。一舉手一投足都有超模風範。(圖片來源:[email protected])
任達華 任晴佳一舉手一投足都有超模風範。
任晴佳擁有無敵長腿。一舉手一投足都有超模風範。(圖片來源:[email protected])

延伸閱讀:【模範夫妻】任達華琦琦互相扶持22載 立「三從四得」寵妻規則

常見問題

任達華女兒任晴佳與誰拍拖?

最近任晴佳被影到在鬧市與一名少年登上同一座駕,之後便傳出拍拖消息,該男子是…詳情請看

任達華如何回應女兒拍拖傳聞?

任達華似乎對女兒情竇初開非常抗拒,甚至不想去面對,他表示…詳情請看

圖片來源:[email protected]琦琦是我、[email protected]、東方新地照片庫、SundayKiss照片庫

你又點睇?