被網民指鼻太假  華姐冠軍余思霆證清:戴咗牙套可能有啲改變

被網民指鼻太假 華姐冠軍余思霆證清:戴咗牙套可能有啲改變

剛播放完畢的TVB節目《兄弟大茶飯》,節目除了找來曹永廉與蕭正楠做主持外,亦加入了兩位女藝員余思霆同胡美貽。余思霆係去年華姐冠軍,擁有大眼、筆挺鼻子兼「拮手下巴」,但睇番佢2011年參加台灣選美時的包包臉相差甚遠,思霆澄清:「比賽前整過牙,戴咗牙套後可能有少少改變。」之但係點解整牙又關個鼻事呢?

原文刊於:東方新地|圖片:新傳媒圖片庫、TVB截圖余思霆Instagram|編輯:150cm女孩@Central

余思霆 2017年華姐冠軍

今年24歲嘅余思霆(Stitch)四年前參加紐約華裔小姐落選,前年再接再厲,參選美國華裔小姐,變靚後樣貌終獲肯定贏得「最上鏡小姐」、「網上最受歡迎」及「最佳晚裝」等成四料冠軍,去年代表紐約出選國際中華小姐奪得冠軍,其後加入TVB。

余思霆
上排左三係余思霆,馮盈盈當年都係同屈屆華姐,但輸咗畀佢!

贏才華

代表紐約出賽嘅Stitch有着健康膚色及豐滿身材,加上陽光燦爛的笑容,喺上年國際中華小姐決賽第二環節中,眾佳麗穿上代表自己城市嘅服飾,Stitch戴上頭飾、手持火把扮演自由神像,再加上性感低胸裝及甜美笑容,為她在選美上爭取不少分數!

華姐競選余思霆之所以擊敗兩位大熱佳麗奪冠,才藝表演環節上的表現應記一功。決賽當晚,表演苦練多年的花式滾軸溜冰,台下十年功無白費,輕鬆做出一字馬動作技驚四座,完美得分,成就黑馬冠軍。

被指鼻太假余思霆:戴咗牙套

但由選美至當選期間,不少網友就指佢個鼻好假,當晚電視出現呢幕,不少觀眾都話佢個喊樣好硬膠好唔自然,鼻子筆挺兼「拮手下巴」,跟2011年參加台灣選美時的豬包臉相差甚遠,被質疑執靚參選。

余思霆賽後笑住否認:「個鼻冇乜點變,只係塊面瘦咗,比賽前整過牙,戴咗牙套後可能有少少改變。」之但係點解整牙又關個鼻事呢?

余思霆
當晚台上封冠一刻,再圓選美夢的思霆抿着唇強忍淚水,五官卻硬膠冇表情,筆挺大鼻更是極其礙眼,跟2011年恍如兩個人,女大十八變!

自信爆棚 熱愛選美

22歲、擁有33B上圍的余思霆,出生於台灣花蓮,一向熱衷選美,有多次選美經驗,2011年、17歲仍係濛眼、豬膽鼻、闊面的她,參選台灣凱渥夢幻之星,入圍二十強止步。

近年移居美國紐約後,奇在余思霆的樣貌亦入鄉隨族「由中變西」,分段多次漸變成尖臉高鼻下巴兜兜的半唐番樣。

對外貌極有信心的思霆經常於社交網絡開心share不同階段變靚相,如私影照及從事兼職model的工作相,鍾情玩cosplay的她,每年萬聖節都會扮鬼扮馬應節,魔界俏女僕、谷胸鬼娃娃及性感SM造型應有盡有,為呃like無所不用其極,睇得出極愛表現自己!

你又點睇?

更多精選內容