元宵節互爆私事+獻吻!黄貫中讚朱茵夠「大」被罰頂痰罐:老婆永遠是對的

元宵節互爆私事+獻吻!黄貫中讚朱茵夠「大」被罰頂痰罐:老婆永遠是對的

適逢元宵節 (正月十五,又稱為中國情人節),相愛廿年的恩愛夫妻黃貫中Paul和朱茵合體挑戰快問快答「愛情五秒定律」。在遊戲中,他們除了互爆數對方私事,還互數彼此身體「最大」、「最細」之處,最後又無底線盡情放閃當眾獻吻。夫婦二人更借遊戲分享相處之道,寄語有情人時刻常存感恩、珍惜緣分。

圖片來源:朱茵微博|編輯:Clara

黃貫中讚朱茵夠「大」

黄氏夫婦特地合體接受「愛情五秒定律」測試,黃貫中被問到老婆激嬲自己的三個原因,隨即「機關槍式」搞笑謂:「天氣凍著唔夠衫、肚餓又唔食嘢、亂放雜物、唔願起身、遲到⋯⋯咦,原來可以講到咁多。」令朱茵笑言要罰對方頂痰罐。他又笑指老婆身上三個最大的地方,就是「眼大、嘴大和志氣大」,朱茵全程合不攏嘴。

黃貫中讚朱茵夠「大」
黃貫中讚朱茵夠「大」

朱茵借機投訴黃貫中

輪到朱茵,她被問到對老公做過最浪漫的事,她笑言:「煮飯、揸車送佢返工、幫佢開門。」黃貫中取笑:「係咪覺得我好可憐呢?咁就叫浪漫。」談到老公婚前婚後的不同之處,朱茵便趁機投訴:「以前出街一定會拖實我,依家就會拖阿囡黄鶯;仲有以前唔會窒我,結婚後就係咁窒。」

朱茵借機投訴黃貫中(朱茵微博圖片)
朱茵借機投訴黃貫中(朱茵微博圖片)

不過講到黃貫中具備的三個好老公條件,她就甜絲絲地表示:「大力、任我差遣,而且會煮飯畀我食。」一旁的黃貫中聞言即時反擊:「講緊好老公條件,唔係揀工人喎。」

朱茵借機投訴黃貫中
朱茵借機投訴黃貫中

元宵節即場獻吻放閃

最終朱茵於賽事中落敗,並向黃貫中獻上香吻作為元宵禮物,羨煞全場。

元宵節即場獻吻放閃
元宵節即場獻吻放閃
元宵節即場獻吻放閃
元宵節即場獻吻放閃
元宵節即場獻吻放閃
元宵節即場獻吻放閃

愛足廿年 全因懂得欣賞對方+有情趣

相愛超過廿載,黃貫中和朱茵至今仍然恩愛非常,黃貫中不諱言經常有人向他取經:「好多人問我哋,一齊咁多年會唔會悶,講真話唔悶就呃你,但係要學習點樣避免呢種悶,最重要唔好有一個奉旨嘅心態,例如太太為你煮飯,你要識得欣賞,要覺得每一餐飯都係第一次,將呢個心態套用喺所有事情上,就唔會覺得悶,反而好新鮮。」

朱茵也建議一眾有情人,為生活加添情趣,有助增進感情:「尤其依家喺屋企嘅時間多咗,可以嘗試多啲唔同嘅嘢,最近我哋會等囡囡瞓覺後,一齊砌3D模型,都幾好玩㗎,同埋我哋晚晚都會睇戲。」

元宵節互爆私事!黄貫中讚朱茵夠「大」被罰頂痰罐:老婆永遠是對的
愛足廿年全因有情趣

黃貫中:老婆永遠是對的吵架贏咗有排捱!

雖然因為育兒理念不同,偶有爭執,但夫婦二人都會主動認錯,「愛妻號」黃貫中更自有一套「爭吵哲學」:「吵架輸咗,固然係輸;贏咗你都有排捱!既然輸贏都係處於輸家嘅狀態,奉勸各位男士最好就唔好同另一半嘈,係咪都認錯先。」

元宵節互爆私事!黄貫中讚朱茵夠「大」被罰頂痰罐:老婆永遠是對的
黃貫中:老婆永遠是對的!吵架贏咗有排捱!

你又點睇?

更多精選內容