女兒內向怕人 港媽心痛:曾在公園被男童推倒險跌落樓梯

女兒內向怕人 港媽心痛:曾在公園被男童推倒險跌落樓梯

內向 小朋友通常會害羞、沉默寡言、怕人,有部分內向小朋友可能曾經歷童年陰影,從而被影響身心發展,出現例如失眠、精神恍惚、焦慮、厭食症等問題。看不開的人因為難以擺脫童年陰影,甚至會困擾一世。近日一名港媽於社交平台發文剖白女兒因為歲半曾被人故意推落樓梯,令她變得內向怕人。港媽有感事態嚴重,決定求助於網民。

撰文:Clara | 資料、圖片授權:「生仔要考牌系列」、SHUTTERSTOCK

1歲半女險被9歲仔推落樓梯

一名港媽於Facebook專頁「生仔要考牌系列」發文講述令女兒留下童年陰影的經過。事件發生在一年前,港媽帶年僅歲半的女兒到公園玩,當時女兒正行上樓梯,突然有名年約九歲的男仔欲推其女落樓梯。幸好港媽反應快,一手捉住女兒,但女兒因為被嚇到而泣不成聲。港媽怒火中燒質問男生:「咩事?明明嗰度咁多位,唔係無位行!」男生沒有理會,港媽沒有罷休,繼續追問:「你咩事啊?無啦啦推佢落樓梯,如果唔係我接住佢,佢咪跌死!」但男生竟然藐嘴藐舌地回答:「我唔知你講咩喎!」之後就跑走找媽媽。

1歲半女險被9歲仔推落樓梯(非當事人)
1歲半女險被9歲仔推落樓梯(非當事人)
1歲半女險被9歲仔推落樓梯(非當事人)
1歲半女險被9歲仔推落樓梯(非當事人)

港媽逼道歉與男生母爭吵

當刻港媽拉著女兒,馬上衝去找男生媽媽:「我條理智線即刻斷咗,見到佢呀媽喺度撳電話,我同佢講:『你個仔無啦啦推我女落樓梯,仲咁嘅態度答我!』」怎料男生不願承認責任,還一邊䟴腳,一邊用很不屑的表情回答:「我無,我唔知你講咩喎!」港媽形容該男生的媽媽說話操內地口音,不咸不淡,似乎想小事化無:「佢阿媽用大陸口音話…吓…小朋友唔識,唔好意思。」港媽堅持立場,要求男生馬上親口道歉:「佢咁大個,我睇佢個樣都讀緊小學,係咪連認錯都唔識?」

男生媽媽聽罷就命令其子道歉,男生堅持自己無做過,裝傻扮懵,決不會認錯。突然,其母不斷打他、掌摑他,叫兒子道歉,同時望住港媽說:「我已經同咗你道歉啦!你仲想點呀!吓!」之後繼續打仔,港媽女兒見到情況失控,明顯被嚇倒,有見及此港媽馬上帶女兒離開公園。

港媽逼道歉與男生母爭吵(非當事人)
港媽逼道歉與男生母爭吵(非當事人)

女兒變內向怕人

雖然事情表面看來已經告一段落,然而港媽發現女兒年紀愈大,愈內向,對男人的恐懼亦都愈來愈大,完全不敢同男人接觸。即使事件已過去一年有多,女兒上興趣班時亦不想與男生有任何接觸,坐旁邊也不行,女兒向港媽解釋原因:「因為男仔好粗魯,會推我,我唔想掂佢哋。」港媽沒有想過那件事會對女兒造成童年陰影,只可以向她解釋,並非個個男生都粗魯,其實大部分都是很溫柔。

最後港媽說出自己當時逼男生道歉的原因,希望網民給予建議,幫女兒擺脫童年陰影:「可能你哋覺得我反應太大,覺得個阿媽道咗歉就算,但我見到個男仔啲態度,我亦睇得好清楚佢係專登推我女落樓梯,我完全熄唔到火。加上佢咁大個,會唔會分唔到咩係應該做?而且點會唔識道歉?」

網民各持己見 建議找專業人士幫手

有試過被途人惡意推倒的網民支持港媽做法,他們覺得作為媽媽理應要對方馬上道歉,為女兒討回功道:「我細個比人推,我追足條XX九條街」、「被人蝦一定要即時反應,等佢知道唔可以蝦蝦霸霸,同時你個女亦可以知道唔可以任人傷害自己。」有網民就指,小朋友未建立道德觀念來約束行為,他們往往為了達到慾望,傷害到其他人:「同理心呢樣嘢,小朋友係唔識,特別係男仔」。

網民各持己見 建議找專業人士幫手(Facebook截圖)
網民各持己見 建議找專業人士幫手(Facebook截圖)

另外亦有網民覺得港媽反應過大,兩個大人爭吵,加上男生媽媽打仔,令其女兒留下童年陰影:「其實個個小朋友玩都會推嚟推去,小朋友怕係怕大人鬧交…..畀佢一種不愉快經歷….」、「小朋友心靈好脆弱,大人唔好係佢面前打細路,要花好長時間解釋畀佢聽先會明白,但內心理陰影永遠會消失」、「站係男仔角度,有個大人追住自己話自己推佢個女,本能反應都係講大話。個男仔係唔啱,但呢個媽媽忽略了也有部分特殊需要嘅男仔,過度活躍之類⋯」,「如果唔係逼人道歉見到恐怖一幕,女仔應該好快冇事。

達唔到你預期,仲要嚇到個女。」

網民各持己見 建議找專業人士幫手(Facebook截圖)
網民各持己見 建議找專業人士幫手(Facebook截圖)

雖然不同網民各持著正反意見,但大家都建議港媽馬上找社工或心理學家幫忙,輔導其女兒,讓她盡快擺脫童年陰影。

有意見就喺下面留言一齊傾啦!

關鍵詞
內向

你又點睇?

更多精選內容