利是封回收

利是封回收重用大行動 全港超過360個派發站免費派發

熱話

廣告

下星期五就係農曆初一,又到咗𢭃利是嘅時間!但係每一年都要買新利是封,既唔環保又浪費錢!環保組織綠領行動連續第九年舉辦「利是封回收重用大行動」,喺超過360個派發站免費派發新生利是封,鼓勵市民減少購買,支持環保!

撰文:Sunday Kiss
資料來源:綠領行動 Greeners Action
圖片:綠領行動 Greeners Action

利是封回收重用大行動

每年好多市民都會購買全新嘅利是封去派利是俾親戚朋友,收到嘅利是封好多時候都會丟棄,隔一年又再度重複購買新利是封同丟棄收到嘅利是封,其實非常唔環保。環保團體綠領行動就鼓勵市民回收舊嘅利是封,然後處理後成為新生利是封供市民索取。

今年綠領行動一共會喺全港九新界離島超過360個派發站派發550萬個新生利是封,市民可以喺領展商場、香港賽馬會、香港郵政、議員辦事處、非牟利團體和屋苑等等地點索取新生利是封。

綠領行動呼籲企業及機構減少印製或派發利是封,以及使用簡單同環保嘅設計,以便回收,減少浪費。