名校面試班鬧爆幼童片瘋傳「你喊乜嘢呀？唔知你點樣生活」網民炮轟！

熱話

Jul 15 2025

名校面試班你喊乜嘢｜近日幾段名校面試班的影片在網上瘋傳，內容見導師以尖酸批評、責罵方式訓練幼童，場面及言論令人咋舌。這種「特訓」方式引發外界熱議及批評。

名校面試班名校示意圖，非當事人。（圖片來源：AI生成圖片） — 示意圖，非當事人。（圖片來源：AI生成圖片）

名校面試班狂鬧幼童片瘋傳：你喊乜嘢呀？唔知你點樣生活

片段中，看到該節的面試班大約有十名幼童參加，導師在課堂上不時以嚴厲語氣批評：

「喂咩事呀呢班同學，我未試過有班同學做得咁差架喎？」

即使只是簡單的日常禮貌問題，例如「出門口應該講咩？」導師亦會質疑小朋友答「早晨」並糾正：「出門口仲講早晨？諗都諗到啦……出門口係講咩？（幼童回答「拜拜」）咁咪係囉小朋友。嗱，（你哋）做得好差吓」，更提醒他們「面試喺冇得睇筆記）」。

小一派位｜鄭嘉穎陳凱琳6歲大仔入讀小學曝光 1原因棄國際學校策略惹熱議

老師向哭泣幼童發出1大警告

在另一段流出片段中，有小朋友在哭泣，導師則語帶不耐地說：

「冷靜未呀？你喊乜嘢呀？呀……起身啦都，唔知你點樣生活呀咁樣？」

更進一步指責：「小學又喊，日日都喊，冷靜未呀？我都係嗰句，你再喊真係唔好嚟喇」，導師最後向幼童嚴厲發警告：「我點幫你啫究竟？我真係對你最後一次警告喇吓，你喊足十幾堂喇已經，我知你咩原因喊，今日係最後一堂，OK？」

入學面試｜羅子溢女兒入學面試實況自爆重大出事位結果揭盅附面試宜忌

名校面試班越爆越多不讓幼童去洗手間

近日，又有新影片在網路上流出，內容是同一位老師在派發紙張給幼童時，要求小朋友要講「多謝Ms Cheung」，令網民及家長感驚訝，「派野俾小朋友教小朋友講多謝，真心攪笑，非華語學生先會撈亂『多謝』同『唔該』架咋，阿Ms Cheung」、「從小培育俾人X完要講THANK YOU」。

期間一名男童舉手要求去小便「去wewe」，老師馬上呼喝他：「你頭先咪去咗囉而家又去？」，又問他「你上堂前先去完，係咪因為唔想上堂？」，男童誠實地回答「係」，老師更決絕地說「所以你無得去囉！」，並大聲鬧他「一唔鍾意就話去wewe，咁你面試又去wewe呀」，她再無奈地說「Ms Cheung都唔想鬧你，因為覺得浪費時間」；她拿著紙張不停問男童「要唔要」，聲量也越來越大，男童最終沒有回答，老師便叫他「咁你企喺度啦」，更叮囑現場幼童「如果你哋唔想去啲差學校，就要好努力，知唔知道」。其後男童在上課時間再舉手要求「去wewe」，再度被老師責罵，不讓他去洗手間。

網民：睇到好心噏呀

不少網民對事件感到極大不滿，更質疑老師的教學方法。有人稱讚年紀小小的男童好叻仔「我覺得嗰個小朋友能夠好好地表達到自己要去廁所嘅意願係好叻喎」、「就算小朋友面試的時候想去洗手間，能夠向有關老師清晰表達，有禮貌地問，我不認為學校會「扣分」喎～！」，認為表達自己需要本來就是難得的能力。

然而，亦有家長直指「拉埋其他小朋友嚟講，搞到其他小朋友以為都係可以咁去bully人。你唔俾小朋友去廁所已經係違反咗做人嘅生理需要，看似只係教壞緊呢位想去廁所嘅小朋友，但實際上同佢一齊上堂嘅小朋友一樣會有咁直入式嘅價值觀，唔好再誤人子弟喇」、「我都已經唔係一個鍾意細路嘅人，但見到呢個所謂老師對小朋友嘅態度都好L嬲！」，更有人表示睇到好心噏，「睇到好心噏呀個導師面試教得叻唔叻我唔知，但係呢度一定教識左無知既小朋友行為方面點去bully同冷落人，語言發展方面亦都教識咗點樣尖酸刻薄地同人溝通，當小朋友以為老師所有行為都係正確就會有樣學樣」

名校面試班導師回應嚴厲教導幼童原因：「玻璃心」家長勿報名

涉事名校面試班的導師曾在網上發文回應，表示家長們都知道班上的要求「較為嚴格」，原因是因為他們希望孩子們能在充分甚至超越的準備下迎接激烈的競爭。

她又提到，對於「無法接受現實」的家長，「玻璃心的話」可以選擇其他培訓班，因為她不想花太多時間去磨合。一家律師事務所則表示已接獲委託，指出有人擅自發佈經過剪輯的課堂片段，對其進行抹黑、起底和斷章取義，強調「本所客戶面試班的學生最終有相當高的比例被心儀學校錄取，因此好的結果才是最重要的」，並表示保留追究的權利。

涉事導師曾在網上發文回應，表示家長都清楚班上要求嚴格，目的是讓小朋友有足夠裝備面對競爭。導師更直言：「玻璃心的話可以報別的培訓班。」律師事務所亦表明，課堂片段被剪輯發放，已接獲委託保留追究權利，強調面試班學生有高比率獲心儀學校取錄，結果才是最重要。

網民炮轟：咩事啊，呢位老師同學校？

不少網民對事件表達強烈不滿，認為香港教育制度長期無視小朋友的情緒需要，「香港教育制度的悲哀，小朋友喊住去幼稚園或小學面試，學校都唔會收」，直言「其實幾歲小朋友仲好bb，面對陌生人陌生環境，喊亦係好正常嘅情緒表現」。
有留言質疑：「咩事啊，呢位老師同學校？如果你冇耐性嘅，不如唔好做老師，因為你連自己都未搞掂」，更有人認為「呢D老師應該唔係冰山一角」，甚至直斥「呢個老師應終身不能再教人」；此經歷也令部分網民回憶起「以前細個讀幼稚園都係咁」。

升小一｜陳展鵬單文柔6歲小豬比讀著名星二代幼稚園超靚畢業照獲讚附學費

幼稚園老師痛心：氣氛好似魷魚遊戲咁

但亦有幼稚園老師痛心表示：

「實在太過份！作為幼稚園老師,真係好心痛！面試班大概係k2k3嘅年齡,仲係好細個,成個班嘅氣氛好似魷魚遊戲咁,完全冇鼓勵性,啲小朋友係驚+恐懼咁上堂。」

名校面試班名校《魷魚遊戲》Squid Game（圖片來源：Facebook@Squid Game） — 《魷魚遊戲》Squid Game（圖片來源：Facebook@Squid Game）

她認為老師應懂得課室管理技巧，遇到「喊」的小朋友要懂得引導和安撫，例如用「sensory activities、故事書、分心小遊戲、視覺時間表」等方法，而非一味責備；此外，這位幼稚園老師認為幼童回答「早晨」後應讚賞小朋友，「其實個小朋友答到早上出門口前講『早晨』,可以讚少少,再引導小朋友講佢想要嘅keywords.」
亦有網民形容現場只見「一班被壓抑、成惶成恐嘅小朋友，努力理解究竟點解我要坐喺度被條八婆恐嚇」，質疑「香港教育幾時先可以脫離呢種制度？」

小一面試｜林子善爆5歲女兒小一面試實況太太極度不滿勁嬲面試結果揭盅

有人認為家長覺得無問題：面試班本來就不是用來愉快學習

不過，有人就認為無問題，並坦言：「家長應該覺得沒問題，畢竟外面的競爭太大，面試班本身就是用來拉近同啲天生性格討好又有潛力的對手的差距，不是用來愉快學習的而在殘酷的環境能生存下來的往往代表基礎能力較高可以想像沒被拍出來的，會有更加兇狠的訓練」；
更表示職場上「仲甘」，即使認同或者不認同，都無法改變現狀，「老實說，出來做野比人片的程度分分鐘仲甘現實是這樣，個人認不認同，看完有什麼感覺，也不見得改變到什麼」