團年飯意頭菜 食呢啲包你旺足一年

團年飯意頭菜 食呢啲包你旺足一年

團年飯係過農曆新年嘅重頭戲,唔止大魚大肉,仲好講究意頭。咁你又知唔知有啲咩意頭菜係唔食唔食?以下10款團年飯意頭菜,當中有啲咩寓意呢?

撰文:SK|圖片:Shutterstock

團年飯意頭菜1:餃子【招財進寶】

在北方,除夕守歲食「餃子」,是任何山珍海味都無法替代的重頭戲。「餃子」又名「交子」或者「嬌耳」,是新舊交替之意,「喜慶團圓」和「吉祥如意」的意思。此外,因為餃子外形似元寶,過年時食餃子,亦都帶有「招財進寶」的吉祥含義。

團年飯意頭菜 食呢啲包你旺足一年

團年飯意頭菜2:雞【有計】

食團年飯,雞係絕對唔少得嘅!好多地方開席時,首先要吃的就是雞,因為寓意吉利。年菜必須有一隻雞在餐桌上,因為「食雞起家」。廣州本地客家人拜神還要用雞鵝做「頭生」,都會選「走地雞」,喻求生生猛猛。

團年飯意頭菜 食呢啲包你旺足一年

團年飯意頭菜3:豬脷【大吉大利】

豬脷代表全年都大吉大利,所以豬脷每到過年時,就會被老街坊搶住買!

團年飯意頭菜4:魚【年年有餘】

因為中國傳統有年年有餘(魚)的說法,所以魚是團年飯必備的一道菜。為了吃出連年有餘的好意頭,可以在除夕準備兩條魚,團年飯食一條,大年初一食一條,就是連年有餘。如果煮一條的話,團年飯食中間,大年初一食頭尾,咁就係連年有餘,有頭有尾喇!

團年飯意頭菜 食呢啲包你旺足一年

團年飯意頭菜5:蠔豉【好市】

「髮菜蠔豉」同「發財好市」諧音,咁好意頭,團年飯嘅意頭菜,又點會少得佢哋!。不過蠔豉本身都係補鈣嘅佳品,所以食咗唔止吉利,對身體都有幫助架!

團年飯意頭菜6:蝦【哈哈笑】

廣東人鍾意食海鮮,每逢過年,無論係白灼蝦,定炸蝦,都寓意每日哈哈笑,笑哈哈,大人細佬食咗,都會一樣咁開心!

團年飯意頭菜 食呢啲包你旺足一年

團年飯意頭菜7:豬手【橫財就手】

豬手食法多,炆、燉、焗、燒、炸都得,所以寓意橫財就手,做咩都順順利利。所以呢道菜,都係深受歡迎嘅意頭菜!

團年飯意頭菜8:生菜【生財】

生菜同「生財」諧音,係過年必備嘅蔬菜,無論清炒定係做墊底配菜,都一樣非常稱職。

團年飯意頭菜9:腐竹【富足】

腐竹寓意「富足」,專家話腐竹同黃豆相比,更容易被人體吸收,營養價值也更豐富,所以食多啲腐竹,就裡裡外外都咁「富足」。

團年飯意頭菜10:燒肉【鴻運當頭】

燒肉皮脆肉香,平時都係好受歡迎嘅食物。燒肉寓意紅皮赤壯,鴻運當頭,意頭菜嚟講,必然係最經典。

團年飯意頭菜 食呢啲包你旺足一年

你又點睇?

更多精選內容