基層家庭一家四口住劏房 《星期日檔案》揭露港爸做保安拒拎綜援 媽媽節衣縮食

基層家庭一家四口住劏房 《星期日檔案》揭露港爸做保安拒拎綜援 媽媽節衣縮食

基層家庭 本來生活已經很艱難,很多人因為收入緊拙,居住環境好壞、三餐是否溫飽都成問題。新冠肺炎疫情持續打擊經濟,基層家庭的生計受到影響,加劇他們的困境。TVB節目《星期日檔案》最新一集《窮日子》訪問了一個基層家庭,看看活在貧窮線下,他們過著怎樣的生活。

撰文:Clara | 資料、圖片來源:TVB節目《星期日檔案》

基層家庭逼住劏房 保安爸爸拒拎綜援

新冠肺炎疫情下超過24萬人失業,失業率創下16年來新高。根據政府發表最新貧窮情況報告顯示,貧窮率同樣創新高,香港每五個就有一個窮,貧窮人口達到149萬,是有記錄以來最高。在這環境下,梁太一家四口的生活面臨甚麼問題?

梁太兩個女兒讀小學,排了公屋七年仍未上到樓,現時正住土瓜灣馬頭圍道的劏房,全家經濟重擔落在老公梁生身上。梁生從事夜更保安,原本他收入尚算穩定,可惜在疫情期間曾經被削減工時,經常開工不足。當時,他逼不得已問朋友借錢周轉。後來,他轉了另一間公司,工時比以前長,但人工就低三成。

(向左推睇相)

梁生努力還錢,同時間劏房租金佔了差不多人工的一半,使梁生一家收入非常緊拙。本來梁太留起大女所有教科書,打算給細女上堂用,節省書簿費,怎料改了出版社,全部教科書要重新買過,梁太無奈表示:「買書好貴,一年買書要2000幾蚊。」

(向左推睇相)

雖然生活艱苦,但梁太、梁生從沒想過領取綜援:「你有手有腳就要搵工做。點樣辛苦都好,撐住先啦,一定㗎喇。」

保安爸爸拒拎綜援
保安爸爸拒拎綜援
保安爸爸拒拎綜援
保安爸爸拒拎綜援
保安爸爸拒拎綜援
保安爸爸拒拎綜援

媽媽諗計用兩方法節衣縮食

每天放工回家,梁生都因為身體很累,要馬上睡覺:「個人真係好攰好攰。」睡醒,他就會負責照顧細女。梁太就會行20分鐘到大女學校幫她拿取功課,再去街市買餸。為了省錢,她拒絕搭巴士:「對小朋友係有啲遠,但搭車好貴,三個人要18蚊,所以唔畀佢哋搭車。個女有扭計,咁我就會幫佢揹書包。」

另外為了省錢,梁太節衣縮食,已有半年沒有煲湯。而飯菜方面能省就省,例如多吃便宜的生菜、豆腐,一餐只是用了22港元。她指物價貴,甚麼都要「慳住使」。但細女見到不禁扁嘴:「樣樣都係菜,得嗰一樣…」

(向左推睇相)

媽媽屢次求職失敗感無助

梁太很希望找到一份工作,幫補家計,曾寄過幾十份求職信。可是她從無工作經驗,所以全都沒有回音,令她很無助:「焦慮咗好多,感覺唔到前景喺邊度。」有次,她終於得到一次面試機會,因為上班地點在葵涌,對住在土瓜灣的她來說太遠,令她有點迷路。幸好,社福團體不時都會為基層家庭免費派發物資,梁太間中領取食物、超市現金券,幫補一下。

(向左推睇相)

網民唔撐:無能力養就唔好生BB

節目播出後引來不少網民討論,很多網民認為這位媽媽當初不應生小朋友:「無能力養就唔好生BB,咁下一代就唔使受苦」、「最慘係佢哋又唔識養,第時大咗,都係好似父母咁廢人一個,成世住劏房」、「見到阿妹扭計,真係唔好亂生小朋友,食餐好嘅餸都唔得,行路返學,下下精打細算,一個人搵錢養三個好易爆煲。」、「窮人生仔害咗下一代,被生嗰個無得選擇,但生果個有。」惟有網民反駁,覺得責任不在父母身上:「唔生喺迴避問題,唔能夠解決問題!點解香港一個咁富裕嘅社會仲有咁嘅情況?」

網民唔撐:無能力養就唔好生BB(YouTube截圖)
網民唔撐:無能力養就唔好生BB(YouTube截圖)

你又點睇?

更多精選內容