男孩患妥瑞症搖頭不止 被無知婦人歧視:都唔知會唔會傳染

男孩患妥瑞症搖頭不止 被無知婦人歧視:都唔知會唔會傳染

妥瑞症 是一種遺傳性的神經內科疾病,症狀包含聲音型和運動型抽動綜合症,會不受自主控制地聳肩、搖頭。日前有一位媽媽在社交網站上投稿,當帶患有妥瑞症的兒子外出時,被身旁另一名媽媽歧視,除了急忙拉開其兒子外,更出言侮辱,氣煞旁人。

撰文:Siusiu|圖文:Facebook專頁「生仔要考牌系列」授權轉載、Facebook截圖、Shutterstock

患妥瑞症兒子 遭黑心婦人歧視

孩子生病,最傷心的必然是父母,日前有一位媽媽在Facebook專頁「生仔要考牌系列」投稿,指現年8歲的兒子於6歲時確診妥瑞症,症狀不算太嚴重,惟平時會不停搖頭、眨眼和做鬼臉,對其他人不會造成太大影響。上月她帶兒子到銅鑼灣覆診,回家時發現街上有很多聖誕裝飾仍未拆,吸引了兒子的目光,於是她便停下腳步與兒子一同欣賞。

過了一會兒,又有一名與兒子差不多年紀的小朋友行近欣賞,小朋友童言無忌,問他媽媽「媽咪,點解佢係咁搖頭嘅?」,怎料該名黑心港媽竟回答「佢可能傻架,唔好企咁近,費時佢突然打人」;小朋友又問「媽咪,你睇吓,佢塊面好似抽筋咁呀」,其媽媽又答「好心傻嘅就唔好帶出街啦,影響到人點算」。

媽媽聽到兒子被侮辱,便向黑心港媽說明:「太太,我個仔有妥瑞症,佢行為上的確同其他小朋友唔同,但你哋有你哋睇,我哋有我哋睇,究竟影響到你乜嘢?」黑心港媽則回應:「嘩!會唔會傳染架?你咁黑心嘅,我個仔企喺你個傻仔隔離咁耐,又傻咗咁點算,真係自私!」氣得媽媽冒煙三尺,直指該名黑心港媽心哋唔好,身教和口德非常重要,希望她可以做個有人品的母親,黑心港媽則立刻搶白:「讀特殊學校呀,死傻仔,癲嘅生個傻嘅,啱啱好!」然後便帶著小朋友離去。

(Shutterstock)
(Shutterstock)

媽媽:我真係好心痛

媽媽事後留言指,兒子不是傻,只是因為患有妥瑞症,大腦內多巴胺受體過度活化,所以行為上與其他小朋友有異,不過兒子卻比一般小朋友聰明,成績在學校亦名列前矛。黑心港媽走後,兒子更忍不住哭了起來,令她覺得非常心痛。

媽媽強調,妥瑞症不會傳染,她不求別人可以體諒理解,只希望不要再帶歧視眼光去看待這類型的小朋友,不要再傷他們的心。

網民:淨係睇字已經覺得好嬲

這位過分的黑心港媽,令網民紛紛大罵她不懂尊重別人:「嗰個呀媽心地唔好,第時都係自己受返,積下口得啦!」、「俗語話良言一句三冬暖,惡語傷人六月寒。亦希望社會上的人士,多啲包容心、多啲人情味,少啲尖酸刻薄。」

孩子受辱,最難受的一家是媽媽。(Facebook截圖)
孩子受辱,最難受的一定是媽媽。(Facebook截圖)
患有妥瑞症的孩子,被惡言相向,任誰人都會忍不住想替他出頭。(Facebook截圖)
患有妥瑞症的孩子,被惡言相向,任誰人都會忍不住想替他出頭。(Facebook截圖)
媽媽加油!(Facebook截圖)
媽媽加油!(Facebook截圖)

你又點睇?

更多精選內容