孫慧雪「重量級」囝囝 ：買唔到BB衫！

孫慧雪「重量級BB」

雪雪話囝囝已經17磅重，而且仲身長65cm ！真係一個「重量級BB」！莫非遺傳咗爸爸Edwin嘅大隻身型？

除咗重到媽媽都唔夠力抱，Riley仲好難買到BB衫！

人囝細細已經要著中碼尿片！不過醫生話合比例無過肥！仲係一個健康寶寶！

Riley仲表情多多，口郁郁十分精靈！

滿月時，Riley已經長滿一頭黑髮！完全睇唔出得一個月大！

「巨肚」預視「巨B」

其實雪雪陀Riley的時候，已經可以預視到「重量級」囝囝嘅誕生！

懷孕期間，雪雪經常晒巨肚！

雪雪本來身型纖瘦，陀起BB對比特別大！

雪雪去年底與拍拖四年的圈外有錢男友Edwin結婚，當時雪雪已經有「餡」，著住裙擺散開的婚紗行禮，或許因身孕面脹脹的她仍然靚爆全場，像個公主咁同Edwin步入教堂。現在雪雪生完仔，繼續停工坐月休養，復出無期。

想見到宅男女神復出，要睇老公仔Edwin批唔批准啦！