孫耀威 完美重現〈愛的故事 (上集)〉

孫耀威 完美重現〈愛的故事 (上集)〉

能稱得上「經典」,一定要經得起時間的洗禮,仍然歷久常新。星期日播出的無綫節目《流行經典50強》精選出「金曲50強」,並邀請原唱者或實力派歌手上台演繹,令觀眾重溫那些年的經典。多年冇上大台的 孫耀威 深情演繹經典戀曲〈愛的故事 (上集)〉,一唱就馬上勾起觀眾們的甜蜜回憶,而且大家都讚佢廿年來都一樣咁有型有款,師奶定少女都被佢迷倒!

 

 

原文:東方新地
圖片:myTV《流行經典50強》,新傳媒圖片庫

星的光點點灑於午夜

〈愛的故事 (上集)〉係孫耀威第一首廣東派台歌,改編自日本樂團「THE虎舞竜」的〈ロード〉,當年一推出就攻陷萬千少男少女的心!昨晚節目中孫耀威先用口琴吹出前奏,然後一唱出「星的光點點灑於午夜」就不得了,直到唱完首歌前,都聽到觀眾如痴如醉、目定口呆!

經典神還原

孫耀威多年後再次在台上深情獻唱,呢個版本可算係神還原,與1994年版本無異,觀眾們都紛紛表示甜蜜回憶返晒嚟!


這一分鐘不能呆著坐

之後孫耀威再唱出另一經典,由〈Nothing’s Gonna Change My Love For You〉改編而成的〈求你講清楚〉,一樣令大家聽出耳油!

44歲「小鮮肉」?

除咗歌喉依然了得,另一個重點就係孫耀威好似食咗防腐劑咁,情深款款、西裝骨骨,觀眾都大讚佢同廿年前好似冇分別咁!雖然佢今年已經44歲,但真係甚麼小鮮肉都要行埋一邊,師奶定少女都被佢電暈!

dd200503182241181506259832 拷貝

eaq200503182241189467344548 拷貝

專一高材生

講起孫耀威,有一樣威水史實在不得不提!大家都知每年去到公開試放榜月份,有個「香港藝人會考分數列表」都會在網上翻炒一次,除咗最出名的「三人加埋都冇5分」外,孫耀威以5A1C 28分的成績一直名列榜首!直至「十優港姐」麥明詩出現後先屈居第二。

{"IPTC-DATA":"NMG","data":{"photoID":2469537}}

孫耀威畢業於名校喇沙書院及香港中文大學電算工程系學士,以及香港大學工商管理學碩士,仲能夠操流利日語及法文。另外多年來鮮有緋聞,同女友陳美詩拍拖多年一直相當恩愛,不時在網上放閃,希望佢哋快啲拉埋天窗啦!

{"IPTC-DATA":"NMG","data":{"photoID":2446162}}

關鍵詞
孫耀威

更多精選內容