邊個無家教?港媽投訴女孩盪鞦韆撞到BB飛起 網民唔撐群起鬧爆港媽

邊個無家教?港媽投訴女孩盪鞦韆撞到BB飛起 網民唔撐群起鬧爆港媽

家教 好 自然多人鍾意,家教差就很討厭,甚至會招來話柄。有個網民在社交平台發文,附上一張WhatsApp截圖,截圖上見到一名港媽投訴某位小朋友無家教,撞到她的BB。惟網民沒有認同港媽,反而質疑沒有家教的人是她,成為近日網上熱話。

撰文:Clara | 資料、圖片來源:「生仔要考牌」、shutterstock

港媽不忿BB被鞦韆撞飛

事緣有名網民於Facebook專頁「生仔要考牌」投稿,打算公審一名港媽。網民公開對話內容,對話中港媽指自己本來帶BB到南昌的托兒中心,交托別人照顧BB,夠鐘就接回BB。回家途中,港媽帶BB到中心門口的遊樂場玩。BB對遊樂場的事物非常好奇,周圍行來行去、大叫,甚至走到鞦韆前面。結果BB被盪鞦韆的大姐姐撞到飛起,港媽自知未有看管好BB,不過更不忿小女孩的所作所為,逐將事件告知投稿的網民:「心裡面內疚,但更嬲啲細路明明見到BB行,仲唔停(,繼續盪鞦韆),心入面好嬲,覺得佢哋真係好無家教!」

港媽不忿BB被鞦韆撞飛
港媽不忿BB被鞦韆撞飛(示意圖)

網民聽完港媽抱怨,覺得港媽為人很有問題,於是以港媽的思維提出另一個例子:「即係咁,我見到馬路嗰啲車喺度行嚟行去,我覺得好好奇,跟住我行咗出馬路,點知被啲車撞飛我。我真係好嬲,啲司機明明見到我都唔停!真係覺得佢哋好無家教!」網民解釋,責任根本不在其他人身上,而是港媽與BB身上,但由於現在BB年紀小,還未分辦到是非對錯,所以責任理應落在媽媽身上:「大佬呀,其實韆鞦唔係話停就即刻停到㗎。唔通因為見到有BB就唔可以玩咩?自己、BB同韆鞦範圍保持距離仲好啦!」

港媽不忿BB被鞦韆撞飛
港媽不忿BB被鞦韆撞飛

網民因自私家長 身受其害

帖文引來很多網民留言,有網民因帖文勾起以前不快的回憶,批評港媽妄顧仔女與其他遊樂場使用者的安危:「小學嗰陣試過玩緊鞦韆,之後有個小朋友無啦啦喺我面前跑過,我撞到佢,之後佢老豆走過嚟鬧我。我嗰陣都好細個,完全唔知點好,惟有不停唔好意思。聽到小孩喊,被人鬧到狗咁,個刻驚到自己都喊……但依家諗返起,明明係佢自己跑過嚟,關我咩事?童年陰影真係多得呢啲無牌家長唔少。」

除了心理傷害,另外有個網民仲慘,造成永久身體傷害:「當年我四年班,打緊鞦韆,突然有個BB打橫行出嚟,我即刻扭避,最後鞦韆撞唔到個BB,但我就撻落地下。以前遊樂場是沒有軟墊,我臉部著地,撞崩咗隻門牙,結果我由10歲開始便崩牙直到現在。佢話人唔停無家教,佢有冇諗過突然剎停,最後受傷嘅可能就係玩緊鞦韆嗰個?個BB走咗去⋯⋯阿媽直頭無見過⋯⋯我記得自己喊住返屋企。」他提醒大家急停鞦韆很危險,千萬不要學習。

網民因自私家長身受其害(示意圖)
網民因自私家長身受其害(示意圖)

網民批評港媽無家教

亦有網民批評港媽未有看管好仔女,懷疑她只顧玩電話,卻不自覺有問題,反而將責任推在其他人身上:「你唔係應該喺後面跟實佢嘅咩?見佢行近就已經要跑快兩步啦!」、「自己都唔控制個BB」、「你接個B係咪應該拖實佢呢?坐喺上面盪鞦韆嘅細路應該都鬧你冇家教」、「我都覺得好無家教,有無教BB講唔好意思?」、「又係啲要人就自己小朋友嘅家長…地球好危險,做咩要生佢出嚟?」、「我仔好細個嗰時,我就教去公園韆鞦嗰邊要好小心,唔可以行咁近,自己唔教又話人,賴地硬」、「自己唔管住自己嘅小朋友,仲怪其他人?成個公園唔係只畀你一個BB玩」、「如果下次個B衝出馬路,咁係咪又一句『捉佢唔住』搞到個仔條命就咁斷送?」

最後他們給予港媽一些「建議」,揶揄她一番:「打鞦韆有得剎制?叫政府裝break啦!」、「帶多啦A夢時間停止器囉」、「應該叫人自己掛上去上面條鋼條度,等冇人先拋番落嚟再玩」

網民批評港媽無家教(facebook截圖)
網民批評港媽無家教(facebook截圖)
網民批評港媽無家教(facebook截圖)
網民批評港媽無家教(facebook截圖)

關鍵詞
遊樂場

你又點睇?

更多精選內容