富家女與屋邨仔 黎諾懿 李潔瑩共白頭靠真愛

富家女與屋邨仔 黎諾懿 李潔瑩共白頭靠真愛

黎諾懿 自2012年開拍《愛•回家》,憑住「最接近神的男人」馬壯一角入屋,個性調皮幽默、為人自信,形象深入民心。上年11月中, 黎諾懿 趁着與老婆李潔瑩(Nicole)結婚2周年紀念,喺ig上載短片宣布太太懷孕嘅喜訊,仲展示太太嘅超聲波相片。一索得男嘅 黎諾懿 終於係婚後兩年榮升做爸爸啦!佢哋仲幫BB改咗個花名做小春雞,哈哈!

 

撰文:Sunday Kiss
相片:黎諾懿、李潔瑩IG

親手煮飯俾老婆

老婆陀BB咁辛苦,作為老公的 黎諾懿 梗係要好好照顧老婆啦!老婆突然想食魯肉飯,黎諾懿就即刻煮,仲煮得似模似樣㗎!

皇后有旨,想一嚐滷肉飯,小懿子馬上去辦👨‍🍳#滷肉飯 #cheflokyi #小春雞 #littlespringchicken
黎諾懿 Lokyi Lai(@lokyilai)分享的貼文 於 張貼

為咗迎接「小春雞」的到來,Nicole仲特別設計咗呢間BB房,黎諾懿率先試住,十分滿意!黎諾懿同太太李潔瑩拍拖三年結婚,咁佢哋又點識㗎呢?

小春雞奶爸試用一天,發覺真的很舒適,這間房間是由皇后設計,我最喜愛那個天空及汽球,其實爸爸跟春雞一樣,只可欣賞不能參與🤔😭🤔😭🤔😭🤔😭🤔😭🤔
黎諾懿 Lokyi Lai(@lokyilai)分享的貼文 於 張貼

升呢做男一 即公開戀情

黎諾懿於2010年接拍《讀心神探》,當時都有份拍嘅周美欣就介紹咗同樣有份參選香港小姐嘅Nicole 畀黎諾懿識。黎諾懿主動約Nicole睇戲食飯,之後就自然咁發展啦!啱啱拍拖時,黎諾懿接拍《愛•回家》,佢接受訪問時被問到:「才升呢做男一,公開戀情,無綫冇詐型咩?」佢大方咁話:「Nicole始終係一個好女仔,如果對象係𡃁模,可能就會詐型。」

Johnma2
黎諾懿憑《愛回家》馬壯一角大紅。
TAKYU
而黎諾懿和尹德如這一對亦被觀眾看好為最佳螢幕情侶。

感謝女友包容

拍拖期間,黎諾懿大讚女友3年來照顧得佢非常好。黎諾懿剖白佢好感激Nicole對自己嘅支持。四年前開拍《愛•回家》時,差唔多每日都要拍攝,完全沒有 時間打理私人嘢,但期間Nicole完全沒有怨言。佢仲話兩人一直冇去旅行,最遠都係去澳門玩咗一日,所以真係好感激Nicole當時嘅包容。

 

lai3

螢幕快照 2017-03-06 下午7.17.08

 

螢幕快照 2017-03-06 下午7.18.20

富家女與屋邨仔

Nicole父親經營的奧華美容公司,旗下有18家分店,家住四千萬紅磡豪宅海名軒,連同手持的物業,估計身家逾五億。黎諾懿生於基層家庭,在屯門友愛邨長大。一個是富家女,一個是屋邨仔,看似是兩個世界,但要一齊其實只需要愛。黎諾懿話:「開頭都知佢家境OK,但都係睇雜誌先知佢屋企有咁多間公司,因為我從來唔過問呢啲嘢。」佢仲話拍拖時,同Nicole喺屋企睇《愛•回家》,「佢爹哋仲打開本雜誌話『喂,又寫你哋,有三版呀,哈…哈…』佢哋似乎接受咗,冇乜壓 力!你知雜誌將佢哋嘅身家估大少少㗎啦,Nicole仲講笑話『嘩!爹哋你有層樓值億二咩,賣咗佢啦!』」不怕被說成黐金糠嗎?「佢阿爸阿媽我阿媽同 Nicole知道唔係咪得囉,人哋講乜都冇所謂,只要唔好太傷害性,最肉酸咪話我食軟飯,但你哋見我仲做緊嘢㗎!」黎諾懿話自己並不物質,只希望退休時有 間屋,屋前面有片農地。但連香港大東北都話要發展成銅鑼灣,想耕田,或者要離開香港。

螢幕快照 2017-03-06 下午2.34.51

螢幕快照 2017-03-06 下午6.36.22

螢幕快照 2017-03-06 下午6.47.09

爸爸12歲時患癌病逝 黎媽媽獨力孭起頭家

黎諾懿生於基層家庭,在屯門友愛邨長大,上有哥哥下有弟弟,要養育三條化骨龍已不簡單,何況父親在他12歲時患癌病逝,黎媽媽日頭做清潔工,夜晚做小販, 獨力孭起成頭家。「本來阿爸儲錢買咗架貨車,做生意之餘,星期日仲會車成家人上山頂飲茶,但之後為咗醫病,乜都賣晒。」惡劣環境迫成,三兄弟分外生性,黎 諾懿一滿16歲就去惠康、百佳做打雜幫補家計,中學畢業後打份銀行工,貪薪高糧準福利好,還可以低息買樓。「我負責核數,日日將左邊嘅數加晒等如右邊就叫 完成使命,我敢講喺會計部冇人撳計數機快得過我,但真係好悶。」撐了兩年,突然有日看到雜誌的藝員訓練班招生廣告,即刻報考。「我嗰時好肥,成百九磅,身 形似足歐陽震華,所以waiting list都要排第三。」以為無望,怎料剛巧碰上英皇新秀歌唱比賽招募參賽者,撬走訓練班三個人,導致黎諾懿以候補形式被取錄,同期還有胡定欣和蔡淇俊。

lailok

籌備婚禮

黎諾懿喺2014同拍咗拖3年嘅Nicole拉埋天窗做「5億䮛馬」。黎諾懿認為自《舞動奇蹟》和《愛•回家》的拍攝令佢收入變得穩定,變得有經濟能力,所以會想作人生嘅下一步就喺結婚啦! 籌備婚禮期間黎諾懿笑稱自己只係畀錢,其他由選婚紗,訂酒席,甚至連求婚戒指都係又Nicole一手包辦,睇嚟黎諾懿好信任老婆嘅眼光喎。兩人又有生小朋友共識,佢哋計劃結婚後先二人世界兩三年,先開始「做人」計劃。

cover_158436364958ae9ca1c8125

69f8813fjw1em41rxjf02j21jk15nqie

69f8813fjw1em41ttbuibj215o1jk4qp

69f8813fjw1em41ucjhchj21421jkb29

榮升做爸爸

2016年11月喺佢哋結婚2周年紀念,喺呢個咁重大嘅日子,黎諾懿喺ig上載短片宣佈佢要做人父。喺片中都感受到佢戈份做人爸爸嘅喜悅,係片入面黎諾懿播放bb照超聲波時嘅心跳聲,仲有超聲波嘅相。佢仲搞笑咁話:「無錯,這個係小弟同老婆李潔瑩的愛情結晶品。同埋打牌嘅嘢,梗係要『一索』啦!佢(BB)係有一索,我係一索得男!張達倫到你喇!」,想信小朋友岀世後會為佢哋兩夫婦帶來更多歡樂。

黎諾懿 Lokyi Lai(@lokyilai)分享的貼文 張貼

螢幕快照 2017-03-06 下午6.46.59
當時懷孕26周的Nicole,超索!

更多精選內容