將軍澳單車公園遊玩 三個月大B女險中BB彈

去年12月,將軍澳區曾發生多宗途人遭氣槍射擊受傷事件,其中一名兩歲男童險盲。日前再發生氣槍射擊事件,一名手抱3個月大的BB女媽媽在將軍澳單車公園被BB彈射中,該位媽媽表示:「當時我係抱住阿囡,好彩BB彈冇射到佢。」

 

將軍澳單車公園遊玩 三個大B女險中BB彈

有媽媽在將軍澳群組報料,指當日抱住三個月大的囡囡同婆婆去單車公園玩時,「有幾粒嘢彈咗落個頭度」,其後看到附近大約有五六米遠,有一對大約九歲同六歲的小兄弟玩緊BB彈槍!該位媽媽同小兄弟講咗句:「唔好再玩!」就立即把囡囡抱返入BB車離開,更指走之前見到小兄弟將一大樽BB彈逐粒放入支氣槍度!「目測有成百粒BB彈!」

雖然該位媽媽表示不清楚小兄弟是否故意瞄準途人,她表示當時抱住BB,又同緊BB講嘢,所以沒有留意到,直至「中彈」後,才見到一對小兄弟係咁望住事主。另外,該位媽媽亦留意到小兄弟與家人同行,包括爸爸及婆婆。她不明白家長怎可以由得小朋友在公園玩氣槍!又指:「傷到人就唔好啦,傷到自己就真係麻煩!」

該位媽媽亦希望其他家長帶同子女到單車公園遊玩時要小心,以免有人受傷。

下頁:【18區親子遊系列】 將軍澳親子好去處 一站式單車遊


你又點睇?

更多精選內容