巴”黎”旅行 – 帶你遊走澳洲悉尼每一個角落

熱話

巴”黎”旅行 – 帶你遊走澳洲悉尼每一個角落

係四月去澳洲嘅時候就係夏天, 但係夜晚就會得返十幾度

天氣好涼爽而且着一件薄薄嘅衫就可以,唔使帶咁多衫,我去旅行最怕就係帶到全行理都係衫
旅行我一向都鍾意自由行,因為我覺得自由行可以帶來更加刺激同埋冒險的旅程,因為跟旅行團嘅話,所有野都係人哋幫你安排晒
我就鍾意自己一手一腳去編排所有行程,自己去發掘新嘅地方新嘅事物
澳洲悉尼俾人嘅感覺多數都係working holiday,歌劇戲院,悉尼大橋

澳洲仲有啲乜嘢特色嘅地方?
今次我就同你一次過去發掘悉尼的地方

Congee
呢個又係一個沙灘嘅地方, 今次酒店就住係呢一度, 每一日一打開窗就對住一個好靚嘅海景,真係令我心曠神怡,每日朝早都唔願起身躲在床中

Observatory Hill
依個山睇落去好似好矮,但係其實佢係好多年前係一個好高嘅山,佢係舊天文台,其實附近原本就冇咁多高樓大廈,係開始發展澳洲市區嘅時候就已經起咗好多高樓大廈,所以你就會覺得呢一座山好似好矮咁,但係佢遠望嘅景色就係對住悉尼大橋
一大片草地,自由奔放,盡情飛奔

Henry Deane
喺呢度嘆住杯嘢飲望住咁靚嘅悉尼大橋,真係寫意
這個餐廳酒店位於一棟大廈的頂層一望無際嘅海景
原本我以為佢淨係酒店嚟嘅,原來裏便都有好多間唔同嘅餐廳,夜晚喺度食飯個氣氛都特別唔錯,如果有煙花嘅話直情係一流

歌劇戲院

Sydney Fish Markets Pyrmont
Fish Markets 呢一個海鮮市場相信無人不識, 無人不曉, 好多香港人必到嘅地方, 我亦唔使多講啦! 即刻去相啦!
呢度嘅海鮮真係好新鮮呀, 而且你起出邊買嘅平一大半

Balmoral Beach (The Boat House)
呢個沙灘呢就距離悉尼20分鐘車程左右要過悉尼大橋
呢個沙灘旁邊有好多唔同嘅cafe shop, 全部都好特色, 而且好多都係室內, 可以吹住海風嘆住咖啡, 朱古力享受一個愉快嘅下午
聽著海風,海浪聲令我心曠神怡心境愉快

The Grounds of Alexandria
呢個地方啦就係一個好似公園宮廷咁,裏面種植左好多唔同嘅植物,有好多間唔同嘅餐廳,仲有啲人特登係度影婚紗相同埋擺wedding
裏面啲餐廳嘅食物大部份都好似田園式,好有大自然嘅感覺
喺度影相好似置身於一個宮廷的花園

Inglis澳洲馬匹拍賣
呢一個拍賣馬係澳洲憑係復活節都會有的,好慶幸可以每一年都嚟到呢一度,而且同大家一齊分享,雖然好多人去澳洲旅行都係睇景點,觀光,行街,買嘢
但係我今次都比較特別啲,除咗去觀光,旅行,買嘢之外,亦都會去到馬匹拍賣場同大家一齊分享,大家睇我另外一條片同另外一份稿,就會見到我嘅分享

今次澳洲之旅影左超多相,開心同大家分享
希望大家可以繼續支持我寫的稿,嚟緊日子我仲有好多開心同大家一齊分享,譬如好似化妝品,護膚品,BB產品同埋去邊度玩,食,景點等等,都會逐一同你分享帶你遊走每一個角落

溫馨提示:
澳洲1/4已經轉左冬令時間, 冬令係快香港兩個鐘,夏令時間係快香港三個鐘

ParisC
Facebook Page:https://www.facebook.com/parisccc/
Instagram:pariscxoxo
Youtube:http://www.youtube.com/mnwlmnwl

你又點睇?

更多精選內容