張繼聰賣口乖高調放閃 三重高招冧謝安琪

張繼聰賣口乖高調放閃 三重高招冧謝安琪

張繼聰同謝安琪(Kay)經常係各大社交平台放閃,最近佢地兩夫婦去旅行,張繼聰亦冇辜負大家嘅期望,繼續放閃之餘,仲賣足口乖冧老婆添!

撰文:Sunday Kiss | 圖片:張繼聰@IG

張繼聰賣口乖高調放閃 三重高招冧謝安琪

張繼聰同謝安琪日前出發去旅行,今日張繼聰就係IG貼出兩張單人相。第一張係張繼聰係餐廳望住外面嘅相,但焦點唔知點解對咗係杯咖啡到,張繼聰就留言話「好嘅攝影師可以捕捉倒一個人嘅俊朗。」完全唔介意老婆冇將焦點擺係佢到,仲要讚謝安琪係好攝影師,此為冧老婆招式一。

連好友阿SA都取笑話「佢好似係影緊杯咖啡。」張繼聰抵死回覆「有啲人係就算喺後面都突出。」一方面讚自己,一方面為謝安琪攝影技術護航,自己老婆自己撑,此為冧老婆招式二。

張繼聰賣口乖高調放閃 三重高招冧謝安琪

隨後,阿聰又po咗第二張相,只見老婆謝安琪好享受咁伏喺泳池邊。張繼聰留言話「好嘅模特兒係會顯得個攝影師勁咗,不過留意番,我係有影功嘅。」大讚老婆點影都靚,係好模特兒之餘,都不忘暗讚自己有攝影技術,此為冧老婆招式三。

短短幾句全部都離不開稱讚謝安琪,真係閃死人喇!老婆實冧死,各位老公學下嘢喇!

更多精選內容