張致恒

張致恒被單方面離婚 雯雯IG發文:分開不代表完結 一文睇晒夫婦多年爭議

熱話

廣告

張致恒 Steven於19年無懼情色和金錢風波,形象插水並受外界唾罵,亦毅然與女粉絲雯雯結婚。奉子成婚的他誕下兩名兒子,婚姻生活長期被受公眾關注及質疑。早前二人曾傳出婚變,雯雯今日突然在社交平台單方面宣布與他離婚:「分開不代表完結,只是讓大家過得更好的。今天我們正式離婚了,我也真心祝福你能夠幸福。」而他暫時就未有回應。

張致恒
(圖片來源:ig@ugly__mama)

雯雯早前突然撰文 婚姻疑早亮起紅燈

其實早於上年11月17日,二人已經傳出婚變。當時雯雯突然在IG感性撰文,外界猜測她跟張致恒關係生變。她在IG限時動態上載一張單人相並留言:「每一段關係嘅結束,都係為咗有更好嘅將來。每一個選擇,都係考慮得好清楚之後嘅路點樣係最好。沒有仇恨沒有怨恨,對日後會更好。」她沒有講明與誰結束關係,內容非常耐人尋味。

張致恒 雯雯突然在IG限時動態感性發文。
雯雯突然在IG限時動態感性發文。(圖片來源:IG@ugly_mama)
張致恒日前生日,雯雯亦有在社交網祝他生日快樂。
張致恒日前生日,雯雯亦有在社交平台祝他生日快樂。(圖片來源:IG@ugly_mama)
雯雯叫張致恒繼續做個好爸爸。
雯雯叫張致恒繼續做個好爸爸。(圖片來源:IG@ugly_mama)

張致恒重新建立好爸爸形象被校長歧視

張致恒是非多多,曾爆出桃色醜聞,又捲入欠債風波,被網民人身攻擊到體無完膚。事件暫時平息後,他繼續努力工作還錢,指工作太忙連母親節、父親節、兒子天寶兩歲生日都出席不到,重新建立好爸爸形象:「當我離開屋企之後,老婆同我講佢就唔開心咗好耐又唔肯食飯,個心真係好痛,但係無辦法始終一個家庭要努力先至維繫到…依家我嘅目標只係想盡快還晒啲錢,同埋畀一個健康又舒服嘅環境佢哋兩個成長,任何人攻擊我嘅說話,我都會當係對我最好嘅強心針!」、「唔可以喺你哋身邊非常之唔開心,好想陪你哋度過每一個節日,但現在嘅我只可以努力向前奮鬥」、「不在孩子身邊其實很不開心的,但是只能夠這樣,要工作沒辦法,一個人在內地其實身心都超級累,我只想努力工作,兩個兒子都可以健康成長,現在的我給不了甚麼給兩個兒子,我希望他們不要生爸爸的氣。」

結束與YouTuber大J的拳賽後,他回復正常生活,繼續兼顧工作及照顧家人。早前大仔要返幼稚園,他開心表示很鍾意做爸爸這個角色。不過有日他突然於Instagram爆Seed,大呻自己被校長白眼:「其實真係好嬲,雖然我係曾經犯過好多錯,大家唔原諒我唔緊要,但係點解我同個仔去報名幼稚園要被個校長歧視,難道我個仔就唔配讀書嗎?有一個咁樣嘅爸爸就唔可以喺呢個社會立足嗎?你作為一個幼稚園嘅校長講到自己唔會放過任何一個教小朋友嘅機會,就要講到明因為我嘅原因唔畀我個仔機會讀書嗎?邊間幼稚園我就唔講啦,費事話我影響佢名氣!」而他已經關閉留言功能,網民未能留言。

張致恒
(圖片來源:IG@stevencheung)

張致恒被踢爆欠債事件簿

被債主公開追債 一度承諾會盡力還錢

早前張致恒被踢爆欠債纍纍,債主之一的藝人馮鎵瀠Naomi公開向他追債,大爆他周圍向藝人朋友,如張彥博、林盛斌等借錢,本來講好會分期還錢,卻一毫子都無還過,反而有錢請外傭、養狗和買電器。馮鎵瀠認為他有手有腳就應工作還錢,即使還100元也好。其後,張致恒於Instagram回應欠債風波,他承認自己逼於無奈才會問人借錢,惟受疫情影響而失業,故無力還錢,壓力好大。最後他向債主們公開道歉兼承諾有拖無欠,會盡力還錢:「依家嘅路實在太難行,工作完嘅收入都唔夠屋企開支,想淨少少錢還畀朋友都唔得…我好努力去重新做人,只係希望大家可以畀機會同時間我,我一定唔會再令到大家失望!」

張致恒被踢爆周圍借錢欠債纍纍
張致恒被踢爆周圍借錢欠債纍纍(圖片來源:IG@stevencheung)
張致恒訴較早前曾承諾不會走數(張致恒instagram截圖)
張致恒訴較早前曾承諾不會走數(圖片來源:IG@stevencheung)

遭貼街招追債 搬大屋疑「着草」

話口未完,張致恒居住的元朗村屋外遭人貼滿街招追債,信箱亦塞滿追債的紙張、信件,後來他搬屋、停用手機號碼,與外間斷絕聯絡,二人疑似「着草」。正當外界以為他陷入經濟困境之際,他被指同老婆雯雯、兩個兒子搬離舊屋,搬入石崗月租約17000元港幣的地下連數百呎大花園的村屋單位,愈住愈富貴。其後,張致恒更曾被目睹與雯雯及兩子到元朗市中心購物,然後乘的士回家。

雯雯為還錢向財務公司借錢:去到絕路

張致恒一家一直潛水,其Instagram自2月17日起未有再更新,而雯雯Instagram更已刪去所有帖文。後來,雯雯終忍不住於Instagram上載千字文,逐點反擊傳聞。

首先雯雯感謝債主馮鎵瀠當初願意借出2萬元應急,並為遲還錢而致歉:「我好多謝亦都好感激你願意借出二萬元去幫助我們家庭,亦好抱歉我哋遲咗還畀你,影響到你嘅生活。」雯雯澄清未有消失「走數」,更自爆為還錢給馮鎵瀠,不惜去財務公司借錢:「我哋一家無消失,亦都無走佬,當你去公開追我哋還錢嘅時候,我哋已經即刻想盡辦法去搵錢還畀你,最後我哋去到絕路已經去咗借財務,去還一半錢畀你先。好抱歉我哋無能力一次過還清二萬蚊畀你,我哋亦已經承受緊我哋要承受嘅,被財務貼街招甚至追上門。但係我依家喺呢度答應你我一定會用盡我嘅能力兩個月內還埋呢一萬蚊畀你。」

雯雯為還錢向財務公司借錢:去到絕路(張致恒instagram圖片)
雯雯為還錢向財務公司借錢:去到絕路(圖片來源:IG@stevencheung)

雯雯鬧爆債主騷擾家人:希望你放過我家人

之後雯雯鬧爆馮鎵瀠騷擾其家人:「我好感恩,我老公有你呢一個朋友,喺我哋屋企出現問題嘅時候你願意去幫助我哋。但係我嘅家人係無辜嘅,你要嬲要追我哋還錢可以嚟搵我哋一家四口,但係點解叫我哋還錢嘅時候,要用我屋企人嚟威脅我哋去還錢畀你,點解要講到搵人去騷擾我嘅媽媽拎番屬於你嘅錢。當初你都係出於好心善良所以去幫助我哋,我相信無人希望最後要搞到咁惡劣,你有咩不滿可以嚟搵我,但係我拜托你唔好騷擾我嘅家人。希望你可以放過我嘅家人。」

雯雯鬧爆債主騷擾家人:希望你放過我家人(張致恒instagram圖片)
雯雯鬧爆債主騷擾家人:希望你放過我家人(圖片來源:IG@stevencheung)

雯雯否認生活富貴

對於近日被指生活富貴,住大屋,雯雯解釋他們一家只是住在村屋地下那層,而且村屋位置偏僻,租金並不高昂。她指,即使屋企新裝修亦不等於他們有錢:「我已經好努力盡力去生存,我希望大家可以高抬貴手,畀我同兩個仔可以寧寧靜靜咁樣過生活。」至於養狗方面,她解釋未同張致恒結婚前已經養開,寧願節衣縮食都不會棄養牠們:「我做唔出我窮就要放棄佢哋,就算要我食少一餐半餐我都會堅持繼續去照顧佢哋⋯⋯我被人鬧係我抵死,但係佢哋已經同我一齊生活左八年,我希望大家可以放過我唔好再去逼我放棄佢哋。」講到買玩具給兩個兒子,她解釋只是親戚送贈:「佢地畀一封利是,叫我買嘢食買個玩具畀我嘅小朋友,我都有罪?」

雯雯否認生活富貴(張致恒instagram圖片)
雯雯否認生活富貴(圖片來源:IG@stevencheung)

雯雯指禍不及兒子:點無用都必須保護我小朋友

雯雯指自己一直有很多委屈都不能發聲,但禍不及兒子:「我係爭人錢,但係咁樣係咪代表我唔可以生活,唔可以生存?我兩個小朋友咁細,係咪就唔可以有佢哋嘅童年?世界好似唔再容許我同我嘅家人去生存⋯⋯或者你哋會話佢嘅罪就係因為有我咁樣嘅父母,就算我點樣錯、點樣無用,我覺得我都係必須要去出聲維護同保護我嘅小朋友,將來佢哋仲要踏出呢個社會,我唔希望因為做父母嘅未還晒啲錢,而令佢地出到街要被人指指點點。」

雯雯指禍不及兒子:點無用都必須保護我小朋友(張致恒instagram圖片)
雯雯指禍不及兒子:點無用都必須保護我小朋友(圖片來源:IG@stevencheung)

雯雯為張致恒護航:男人衰鹹濕就要判死刑?

最後雯雯再一次為張致恒護航:「一個男人衰鹹濕衰貪玩,係咪就要判佢死刑?既然佢而家咁努力去生存,點解唔可以畀啲時間佢慢慢做番好佢,照顧兩個小朋友。大家可唔可以高抬貴手,畀我兩個小朋友可以有一個爸爸,我哋一家四口可以生存落去。我亦相信,爭人錢唔代表我係一個罪人,希望大家可以畀空間我哋,去對幫助過我哋嘅人負一個責任。」她承諾一定會向所有債主還錢,不會走數。

張致恒之前不時公開向雯雯示愛(張致恒instagram截圖)
張致恒之前不時公開向雯雯示愛(圖片來源:IG@stevencheung)
張致恒之前不時公開向雯雯示愛(張致恒instagram截圖)
張致恒之前不時公開向雯雯示愛(圖片來源:IG@stevencheung)

張致恒否認「着草」再度承諾會盡力還錢

欠債風波愈來愈多網民討論,張致恒最後於Instagram發表最後回應,否認走數:「首先好多謝大家嘅關心,我想喺度重新講多次,我無走數我無着草。」

他澄清自己現在正努力工作還錢:「我依家只係默默地工作,一直都好想還晒啲錢俾我所欠嘅朋友,講真係呢段時間真係過得好辛苦,搵到錢返嚟,我係有還過畀我嘅朋友,只係未完全還晒,我明白喺宜家呢個時勢大家都好窮,所以我會好努力咁去工作盡快還晒畀大家,想喺度同我嘅朋友講聲對唔住拖你哋咁耐。」

他不忘為老婆講說話,希望網民放過她:「因為我嘅原因令到老婆嘅情緒唔好,所以我懇請大家要鬧要話嘅,可以私訊同我講,我好樂意被你哋鬧,希望大家唔好再私訊我老婆,佢要幫我照顧兩個小朋友已經好大壓力。」

撰文:IG@stevencheung圖片來源:IG@stevencheung