情人節兼結婚週年紀念 王祖藍 李亞男大放閃光彈

情人節兼結婚週年紀念 王祖藍 李亞男大放閃光彈

近年主力北上掘金的 王祖藍 ,雖然工作繁忙但完全冇忽略太太李亞男,兩人去到邊都糖黐豆,感情好到不得了。而今年2月14日唔單止係情人節,更是王氏伉儷的結婚2週年紀念日。今日祖藍襯情人節,透過公司發布日前兩人在馬爾代夫拍攝的寫真,大晒恩愛之餘,李亞男亦大晒火辣身材,認真閃死人啦!

撰文:Sunday Kiss

圖片來源:王祖藍工作室

藍天白雲 一對璧人

工作一籮籮的 王祖藍,近日因工作關係要飛去馬爾代夫,愛妻號祖藍又點會唔帶埋老婆一齊去喎,寓工作於娛樂,一舉兩得!而祖藍就襯住2月14呢個情人節兼結婚2週年紀念日的超級大日子,公布當日兩夫妻在馬爾代夫所拍攝的寫真,咁大個閃光彈唔戴黑超都擋唔住啦!

大晒身材 準備生B

真係隔住個mon都feel到愛啊!兩人除咗大晒恩愛鬼馬合照之餘,同時亦都有李亞男的比堅尼照,大晒火辣身材!唔止唔止,仲有兩人的床照啊!似乎一直被催生BB的祖藍及亞男已經蓄勢大發,好消息指日可待!

全文完

更多精選內容