強忍被惡客粗口辱罵 單親女客服為養家拭淚堅持笑臉迎人

強忍被惡客粗口辱罵 單親女客服為養家拭淚堅持笑臉迎人

香港人生活緊張,而且分秒必爭,對事情很容易就會失去耐性,偶爾在街上遇到「惡人」並不出奇。加上香港是有名的「投訴之都」,很多人都本著「客人永遠是對的」的心態去消費,令服務行業成為一份苦差。日前有一名商場女客服在《辦公室日報》投稿,指女同事被惡男客人嫌「手腳慢」,除了用粗口辱罵,更譏諷她「有冇中五畢業?」、「你永遠做唔到大事」,實在令人氣結。

撰文:Siusiu|圖片來源:Shutterstock|文章獲Facebook專頁《辦公室日報》授權轉載

女客服被嫌手腳慢 男惡客粗口辱罵

日前有一位商場女客服Sharon在Facebook專頁《辦公室日報》投稿,分享她和同事遇到的事件。Sharon指她與另一位女客服在商場客戶服務櫃位工作,當時有客人遺失銀包,同時又有客人因走失小朋友而求助。由於兩件事的情況比較嚴重,手續亦較繁複,因此Sharon與女客服就花了不少時間處理:「一個唔見銀包,一個唔見咗個仔,我哋兩個都忙到飛起,雖然都係call其他同事幫忙後續跟進,但當時都要抄低好多資料,問好多嘢,妹妹仔同事(女客服)仲要安撫唔見咗個仔嗰位媽媽,有時咁樣塞一塞,後面條龍就會愈嚟愈長。」

在處理完這兩大難題後,迎面而來的就是一位男客人,惡形惡相地出言發難,辱罵那位女客服:「打份咁簡單嘅工都做唔掂,吸(蓋)吓停車場飛,人哋問路就答,呢啲嘢有幾難做呀?咁嘅XX工都做到手騰腳震,你點做大事?你一世都只可以做呢啲商場XX工,你讀咁多書咪嘥晒啲錢?有冇中五畢業呀你?」惡男客人更認為女客服「手腳慢」,譏諷她「你份工大把時間咋,我等住你吸張停車場飛去見客㗎!遲咗你賠唔起!」

示意圖。(Shutterstock)
示意圖。(Shutterstock)

女客服來自單親家庭 為生活忍氣吞聲

Sharon指,眼見女客服被罵後流了幾滴眼淚,但因為工作的關係,只好偷偷拭淚,繼續笑臉迎人,應付下一位客人,令她非常佩服。Sharon續稱,原來該名女客服來自單親家庭,母親因手部勞損而無法工作,又有一名正在讀中學的弟弟,她基本上就是家人的經濟支柱:「佢有嘗試搵其他工,不過疫情兼年尾絕對唔容易,想跳出去唔係一時三刻嘅事,佢冇咁好命可以唞下先,生活太迫人,仲迫埋佢一家人,所以小妹妹同事幾委屈都要吞落肚。」

Sharon最後寄語香港人:「試下多啲體諒別人,香港怨氣同壓力已經好重,少啲指指點點,因為每個人都有自己嘅難處同故事。」

網民留言齊齊撐

文章一出,不少網民都替該名女客服不值,紛紛留言為她加油打氣!有網民更指,如果知道是發生在哪一個商場,會撰寫千字文去表揚這位刻苦耐勞的小妹妹!

有網民認為該名女客服的經歷,會令她成為一個成功的人。(Faceook專頁《辦公室日報》截圖)
有網民認為該名女客服的經歷,會令她成為一個成功的人。(Faceook專頁《辦公室日報》截圖)
客人無理的辱罵情況屢見不鮮。(Faceook專頁《辦公室日報》截圖)
客人無理的辱罵情況屢見不鮮。(Faceook專頁《辦公室日報》截圖)
網民紛紛送上祝福。(Faceook專頁《辦公室日報》截圖)
網民紛紛送上祝福。(Faceook專頁《辦公室日報》截圖)
亦有網民提醒所有人,要學會尊重別人。(Faceook專頁《辦公室日報》截圖)
亦有網民提醒所有人,要學會尊重別人。(Faceook專頁《辦公室日報》截圖)

讀者留言

更多精選內容