救護員 下車扶婆婆 好人好事獲激讚

救護員 下車扶婆婆 好人好事獲激讚

大家都知道老人家行動不便,上落車時尤其困難,如果手上拎住多袋物品時就更加舉步維艱。日前網絡上瘋傳一則好人好事,片段中見到一位婆婆離開的士時步履不穩,一位當值的 救護員 見狀立即下車上前協助。只是一個簡單動作,已令人深深感受到人間有情。好人好事,絕對值得大家表揚!

撰文︰Sunday Kiss

片段一開始見到一位婆婆在大廈的停車場附近落車,佢打開的士車門後步履蹣跚,手持着兩個袋及兩支拐杖,花了近20秒亦未能離開車門範圍。其後手上的拐杖也拿不穩,掉在地上。

呢個時候附近一架救護車的車門打開,一位救護員見到婆婆的情況後立即落車走到婆婆身旁,先為佢拾起地上的拐杖,之後又為婆婆拎袋,細心地扶佢過馬路。

點解救護員唔順便關上的士車門?原來車上仲有一位老伯伯,救護員同婆婆則站在一旁等佢落車。

 

可能只係一個簡單的動作,不過已經令有需要人士得到莫大幫助,好人好事絕對值得表揚。在這個人與人之間日漸疏離的社會上,如果大家都可以向呢位救護員學習,散發更多正能量,香港一定會變得更美好?

全文完

更多精選內容