文頌嫻做惡媽教女 :磨練才會成功 女兒常黑面 9歲生日終罕有展笑顏

文頌嫻做惡媽教女 :磨練才會成功 女兒常黑面 9歲生日終罕有展笑顏

45歲文頌嫻 (文女)婚後決意為家庭淡出幕前,多年來專心相夫教女,將女兒Jamie變成生命的中心,享受當多功能媽媽成就女兒。原來女兒已經九歲,她為對方大搞生日派對,邀請其朋友上門,女兒非常開心,罕有露出笑容,連她都留言:「有姿態又很chill,千金難買一笑。」很多網民指Jamie八字眉與眼睛超似爸爸。

撰文:Ling|攝影:Clay Lam (部分相片由受訪者提供、文頌嫻Instagram、TVB劇集《天子尋龍》、ViuTV劇集《打天下》|編輯:Clara

女兒常黑面 9歲生日終罕有展笑顏

文頌嫻經常上載女兒Jamie相片,笑她沒有得罪女兒,但女兒卻一直黑面示人。

不知不覺,Jamie已經九歲,她為女兒大搞生日派對,Jamie非常開心,罕有露出笑容,連文頌嫻都留言:「有姿態又很chill,千金難買一笑。」

文頌嫻昔日息影專心湊女

講起文頌嫻,最記得她於90年代加入亞洲電視,拍過多部戲飾演學生妹,後來過檔TVB,拍過劇集《天子尋龍》、《金裝四大才子》等,大部分古裝角色都好純品,令觀眾留下深刻印象。

05年,她一度到內地發展,至12年與拍拖三年的商人李梓慎奉女成婚後消失於幕前,一心一意做全職媽咪,將重心放在女兒身上,希望為「一張白紙」開好個頭,畫上一些軌道後,才慢慢放開。當了多年全職媽咪,上年她終於復出拍攝ViuTV劇集《打天下》,開拍前非常擔心女兒,安排好上課、課外活動時間。

文頌嫻做惡媽教女 :磨練才會成功 女兒常黑面 9歲生日終罕有展笑顏
昔日息影專心湊女(圖片來源:ViuTV劇集《打天下》電視截圖)

她坦言自己演戲演了那麼多年,始終喜歡演戲,但又不捨得女兒,因為現階段要多顧及其情緒與脾氣,不是人人處理得到:「我想一手一腳湊佢,我想睇住佢成長,我覺得自己製造咗一樣嘢出嚟,如果我唔可以令呢樣嘢變得更好,反而衰喺人哋手上,成件事就唔靚。」她希望女兒能夠漂亮地成長,培養較好的性格,惟有自己湊才能給予女兒最好的培育:「小朋友係一張白紙,我好驚交畀工人姐姐或者奶奶湊,一定縱到爆,又唔會鬧,畀兩粒糖、開電視就打發佢。我喺度的話就可以糾正佢錯處,我唔需要討好佢,我係要教導佢,所以我覺得最少要三四年全心湊佢。」

05_263K_family
昔日息影專心湊女(圖片來源:Clay Lam)
06_263K_family
昔日息影專心湊女(圖片來源:Clay Lam)

曾被老公質疑 堅持做嚴母:別讓孩子恰你

文頌嫻外表嬌滴滴,但自小與哥哥弟弟一齊玩,性格男仔頭,在家擔當嚴母角色。曾經有次,文頌嫻惡到連女兒都忍不住問:「媽咪你好惡,點解成日鬧我?」她指自已經常要好長氣跟女兒講道理:「媽咪唔係鬧你,但同你講嘅時候你唔聽,你唔聽我就要惡少少㗎喇,你唔想激嬲媽咪就乖啲。點解頭先發脾氣?你咁樣搞到媽咪唔開心,我鬧你,你又唔開心,點解要咁做呢?」

她知道長輩個個寵愛她,特別老公平日上班很少見,一到女兒就冧晒,不捨得責罵。眼見現在的情人鬧前世的情人,老公當然好心痛,曾說過:「唔使咁惡嘅。」她解釋惟有自己做衰人,磨練一下女兒:「我唔惡點顯得佢純良呀?我永遠都係壞人角色,如果個個都做好人,小朋友就個個都恰,起碼依家佢知道我唔恰得。我只係做緊一件好普通嘅事,要經歷辛苦先會成功,有難度先有成功感。」她指父母亦教導嚴厲,會體罰,但她不會沿用上一代教法,會以講道理的方式教導。雖然媽媽好惡,但Jamie最親也是媽媽,因為媽媽與她相處最多,最了解她。

02_263K_family
曾被老公質疑 堅持做嚴母:別讓孩子恰你(圖片來源:受訪者提供)

教女做個有規律的人

筆者由Jamie出生六個月、一歲、兩歲,都邀請過文頌嫻訪問,但她一直覺得未是時候:「因為Jamie唔易湊,佢幾個月大時,餵一支奶要餵成個鐘,真係餵到喊,佢唔係唔食,佢係歎奶,性格嚟㗎,有啲人話佢唔食就算啦,下餐先食,但我係一個有規律嘅人,每餐奶規定幾點食、幾點要瞓,我想佢習慣個模式,培養佢做個有規律嘅人,將來處事都會有規條。」以前女兒一日六餐奶,每次飲一小時,文頌嫻每日花上四分一時間餵奶,縱使吃力都要堅持:「其實佢食得晒,只係慢慢食,依家食嘢都好似high tea咁,連學校老師都話佢返學食茶點,食塊麵包都耐過人,好似啲阿太咁。」

04_263K_family
Jamie的性格多面,既慢熱又多言(圖片來源:受訪者提供)
09_263K_family
文頌嫻笑Jamie特別聽老師話,有次天氣寒冷文女叫她穿襪褲,但她堅持要着褲,要由老師出聲才能說服她(圖片來源:受訪者提供)

戒抱睡要夠狠由得BB狂喊一周成功

在湊女經歷中,最值得文頌嫻驕傲是為女兒成功戒抱睡,全靠兩個字:狠心!「佢五個月大,我仲係晚晚唔夠瞓,佢雖然戒咗夜奶,但仲要抱住瞓,一擺低就喊,我嗰陣自問:點解會咁?咁點算?啲人又話瞓到六個鐘?後來我上網搵方法,原來要狠心,我狠心咗五日定七日,就成功咗可以一覺瞓天光到依家!」

一開始BB無得抱睡喊到拆天,老公、工人姐姐見到好心痛,被文頌嫻一一阻止,為了有覺好瞓,必須不惜一切狠下心腸:「個理論係,BB未瞓着就要擺低佢,唔可以等佢瞓着先靜雞雞擺低,因為當佢醒一醒見到唔同晒,又喊,如果佢醒咗見到同一個環境,就唔會喊,呢個就係安全感。咁我擺低佢之後就同佢傾吓偈,畀啲瞓覺signal佢,播啲柔和音樂,上面放個旋轉吊飾,乖喇依家要瞓覺喇,跟住走人拜拜!唔好講太多嘢,佢會唔捨得你。」

第一日,Jamie喊足個半鐘,喊到九彩,文頌嫻教大家狠心得來亦非完全漠視:「喊五分鐘後入番去安撫,『BB做咩事呀?唔好喊喇。』即使佢唔知你講乜,但都知道你係關心佢,講完幾句出番去,一定又喊㗎喇,之後隔15分鐘先再入去,愈來愈疏,佢就會覺得喊嚟都冇用,都係瞓覺好過喇。」

第二日已經初見成效,由喊個半鐘變45分鐘,第三日縮到半個鐘,愈縮愈短,卒之成功了!「嘩,我開心到呢!全家都為我鼓掌!好彩成功咋,唔得的話我塊面都唔知擺喺邊!」她把這個「狠心戒抱睡」方法推崇給所有姊妹,包括「七魔女」的湯盈盈、周家蔚等:「佢哋都成功嘅,但有啲唔忍心,驚BB喊壞身體,咁我無辦法啦!」

07_263K_family
九個月大時的Jamie肥嘟嘟、圓碌碌好搞笑(圖片來源:受訪者提供)

關鍵詞
文頌嫻

你又點睇?

更多精選內容