新手媽媽斥奶奶上完10日堂自薦收2萬人工做陪月 發文數5大罪後悔嫁錯人

新手媽媽斥奶奶上完10日堂自薦收2萬人工做陪月 發文數5大罪後悔嫁錯人

新手媽媽 大多都被婆媳問題纏繞,近日一位新手媽媽於社交平台發文力數奶奶不是。原來奶奶阻止新手媽媽請陪月,自薦上完10日陪月興趣班,就要求以2萬人工代價陪坐月。新手媽媽無奈指奶奶完全沒有幫到手,最後她要靠自己坐月,最慘是「裙腳仔」老公不覺得有問題,母子連成一線,令她覺得孤立無助。

撰文:Clara | 資料、圖片來源:「我的極品四大長老」、SHUTTERSTOCK

奶奶上完10日堂收2萬人工做陪月新手媽媽淚崩

近日一名新手媽媽於Facebook專頁「我的極品四大長老」投稿,自爆正遇上婆媳糾紛。這位新手媽媽懷孕前一直同奶奶分居,大家關係不算親密,但亦不是疏遠。直到新手媽準備生BB,婆媳糾紛一觸即發。她透露,當時奶奶拒絕她聘請陪月,態度決絕,還指自己會報讀一個為期10日的陪月興趣班,上完堂就會陪她坐月。

奶奶不但要求她付2萬多元港幣作為人工,同時要求多多,令她因此事非常傷心,常常以淚洗臉:「我唔可以要求佢做陪月職責內嘅事情,佢要自由發揮,最後因為呢件事我變得日喊夜喊。」可惜她老公是個「裙腳仔」,只著她放心讓奶奶照顧她和BB,她坦言根本對奶奶不抱期望:「大前提係連隊友(老公)都唔係奶奶湊大,又唔識煮飯,完全無湊B經驗,我點會放心?噩夢就喺產後開始……」

奶奶上完10日堂收2萬人工做陪月新手媽媽淚崩(非當事人)
奶奶上完10日堂收2萬人工做陪月新手媽媽淚崩(非當事人)

發文數奶奶5大罪

新手媽媽經歷10級痛楚,生完BB,人都還未回氣,奶奶就做出幾件激心事。第一,奶奶沒有準備好炒米茶,而是兩手空空去正醫院,一心只想探望BB,令新手媽媽深深不忿:「以為佢會關心我?會準備炒米茶?想多了。」第二,奶奶沒有消毒雙手就想抱BB。第三,在新冠肺炎疫情蔓延之際,奶奶在BB面前拉低口罩說話。終於新手媽媽忍無可忍,叫老公提醒奶奶要負責陪月,怎料從無照顧仔女經驗的奶奶根本不懂如何照料坐月中的她,更犯下五大罪。

1. 毫不在意她會否退奶

新手媽媽表示,奶奶下一次來醫院探訪時,依然沒有帶炒米茶,只在地鐵站點心連鎖店買了一盒豉椒排骨飯給她。她表示,自己作為母乳媽媽,好清楚吃豆豉會退奶,但奶奶反駁:「退奶?飲水就無事。退奶就由佢退。」她聽之後非常不滿:「當時我仲喺張病床上面,聽到佢咁講真係人都癲。」

1. 毫不在意她會否退奶(非當事人)
1. 毫不在意她會否退奶(非當事人)

2. 擅自拿走她家中的海參

新手媽媽不再指望奶奶會做陪月工作,惟有自己找一些有湊孫經驗的老人家朋友救命,她說:「有時真係識人好過識字,朋友好快就幫我準備炒米茶外,仲幫我發定啲海參放雪櫃備用同煲上奶湯畀我,我終於覺得人間有愛。」新手媽媽從醫院回到家後,奶奶突然到訪她家,不但沒有準備月子餐、薑水等給她坐月需要的食療,還擅自拿走朋友為新手媽媽準備好的海參回家,令她相當無奈:「我以為自己被人打劫,自此我就無再見過啲海參。」

2. 擅自拿走她家中的海參(非當事人)
2. 擅自拿走她家中的海參(非當事人)

3. 想玩B多過湊B

新手媽媽表示,當她餵BB飲人奶時,奶奶不斷拍門,要她開門:「奶奶係咁拍我房門要我畀BB佢玩。」新手媽媽形容奶奶就好像大爺一樣,全日一直抱著BB坐在梳化,動也不動。

3. 想玩B多過湊B(非當事人)
3. 想玩B多過湊B(非當事人)

4. 沒有幫忙做家務

新手媽媽話坊間指坐月中的媽媽不能碰到生水,但因為老公只能放一星期假陪她坐月,之後的日子要靠她自己洗奶樽、做家務,奶奶全程無幫到手:「只有我自己落手做。」

4. 沒有幫忙做家務(非當事人)
4. 沒有幫忙做家務(非當事人)
4. 沒有幫忙做家務(非當事人)
4. 沒有幫忙做家務(非當事人)

5. 沒有用心準備月子餐

新手媽媽話雖然奶奶之後有落手煮一些月子餐,沒有再買飯盒,但月子餐通常只有四種食物:白烚豬肉、烚菜芯、街市預先醃好用嚟BBQ嘅雞翼、一壺清如水嘅湯。

5. 沒有用心準備月子餐(非當事人)
5. 沒有用心準備月子餐(非當事人)

後悔嫁錯人 網民留言:太懦弱

新手媽媽抱怨老公無用,覺得奶奶一啲問題都無,令她自覺「嫁錯人」:「自問自己係用意志力嚟坐月,我都只係慨嘆自己嫁之前無查清楚隊友嘅底細,到底隊友有幾愛佢阿媽?」帖文一出,引來大批網民留言回應,不少網民覺得新手媽媽太懦弱:「一開始就唔應該退讓,身體係你自己,坐月坐唔好最後受嗰個係自己」、「單親都可以好幸福…媽媽唔好委屈自己,唔值得」、「我唔明做人做到咁委屈做咩,仲要偷嘢啊,報警啦!大姐,你唔企硬,佢下次連你個b都偷偷抱埋去玩」、「自己唔強硬啲出聲,講乜都無用」。

另外有網民指她奶奶與老公都信不過:「遇到啲咁嘅奶奶,咪自己畀錢請陪月囉,使乜理佢畀唔畀請啫,又唔係佢畀錢要靠佢養!」、「老公出聲就問佢,你無份佗、無份生、無份坐月,點解係你決定唔係我?」、「一開始就作出錯誤抉擇,見到媽寶就應該say goodbye」、「樓主唔記得喺隊友面前加個豬字」

你又點睇?

更多精選內容