李婉華

李婉華訪問「荃灣豬肉佬AK」冧到暈:我心跳緊 火辣女神舊相大晒冷

熱話

廣告

53歲李婉華(Anita)03年在加拿大結婚後就引退專心照顧兩子一女,其後轉做YouTuber,在YouTube開新節目《住加女人 》,分享移民加拿大的生活點滴。今日她在個人YouTube頻道越洋訪問「荃灣豬肉佬AK」阿威,全程表現出「冧豬」樣,好搞笑。

端午節粽2022優惠大合集

李婉華訪問「荃灣豬肉佬AK」阿威冧到暈

被稱做「荃灣街市AK」的阿威最近超紅,好多女粉絲特意去豬肉檔集郵,煲湯給他。「威威應援團」至今已有近1萬3千人追蹤,還有淘寶店推出阿威攬枕,甚至有網民想將阿威的樣貌印在電車上,連韓國媒體都有報道,成功衝出香港,魅力沒法擋。連遠在加拿大的前TVB藝人李婉華都聽過阿威大名,於個人YouTube頻道越洋訪問他,與他直播聊天。

延伸閱讀:荃灣豬肉佬真面目似AK曝光!牛池灣賣菜佬+荃灣海鮮檔Stanley被建議組男團

李婉華一開始就承認自己很開心、興奮,還稱呼他做「威威」:「我心跳緊!依家全世界都想望佢一眼,傳說中靚仔真係無錯!」阿威即甜笑道謝,坦言自己為了跟李婉華做直播,暫時休息。她指自己有位朋友做「探子」去豬肉檔想望他一眼,只見人龍非常長,讚他對個個都很有禮貌,他說:「個個都好有秩序,一個一個咁排隊。」李婉華的「探子」曾拍下阿威工作過程,很冧:「佢話:『威威真係好,我買咗排骨,佢仲叫我要分開兩餐蒸,佢即刻瞓唔著,佢話你同佢講咗句咁冧豬嘅說話。」阿威笑言:「唔會咁誇張啩?」

阿威指自己一直都有一班熟客,但不會太熱情,現在都開心:「帶畀大家笑容,大家影吓相,大家都『腰果眼』。」被問到粉絲會否阻慢他的工作,他指:「唔會,專業態度嚟。」李婉華表示個人YouTube頻道從來未試過如此多人留言,更有人「課金」入來睇直播,是多得阿威才有如此效果,又讚阿威182cm高,對電眼很迷人,笑起來很像腰果,有耐性又斯文。

李婉華
(圖片來源:[email protected]李婉華 Anita Lee)

阿威分享日常生活

阿威表示做這行已有六年時間,工作12小時,兩小時休息吃飯,有時不吃飯去做運動,勤力鍛鍊身體。返工回家後,他會為家人準備晚飯,被問是否辛苦?他說:「家人都一樣辛苦,要照顧家人又要做家務,我都要幫忙分擔。」而放假時會行山、健身、跑步,有時不吃飯去做運動,勤力鍛鍊身體。其餘時間則喜歡下廚,而拿手菜式是「苦瓜炒牛肉」,李婉華即說:「好啱我胃口,返香港時搵你煮畀我食。」又大讚阿威是暖男,表示喜歡懂下廚的男人。

李婉華指阿威已婚又有兩個小朋友,會不會令很多人失望,他說:「唔會嘅,結咗婚都可以支持。」問到會否擔心老婆介意?阿威說:「唔會,盡量畀佢安全感,有咁大隻嘅人喺佢身邊。」問他放假會否陪家人,他說:「一定嘅呢樣嘢!要陪屋企人,一齊一山玩、行街、食嘢,周圍去吓!帶小朋友食吓新奇嘅嘢。」

李婉華
(圖片來源:[email protected]李婉華 Anita Lee)

阿威可能會入娛樂圈

由於阿威將於6月8日生日,被問到有甚麼生日願望,他回答:「生日願望有好多,希望疫情快點過,(仲有呢?自身啲呢?)諗唔到,多數諗到屋企人多啲。」提到阿威生日,粉絲打算做善事,以他名義捐贈豬肉給餐廳煮免費飯派給基層市民,阿威說:「唔係只係我生日,日日都可以做善事,呢個善心真係好好。」他表示平時都受到不少禮物,如小朋友零食、藥膏。

李婉華
(圖片來源:[email protected]李婉華 Anita Lee)

李婉華讚阿威很有禮貌,被問到會不會考慮入行?阿威說:「咩都都試吓,睇睇有咩機會。」她叫阿威於唱歌、跳舞和KOL揀一樣,阿威說:「YouTuber啦,拍片介紹美食同教人煮飯。(唱歌呢?)唔好喇,我怕醜。」

李婉華
(圖片來源:[email protected]李婉華 Anita Lee)

李婉華已成三子之母 年過半百依然火辣

李婉華於89年處境喜劇《卡拉屋企》當女主角初出道已驚為天人,03年在加拿大結婚後就引退專心照顧家庭,淡出香港娛樂圈,並在加拿大定居育有兩子一女。Anita已是三子女之母,但外形keep得好,年過半百都唔多覺,2018年曾出山客串TVB重頭劇《再創世紀》,與細16年的鍾嘉欣拍埋,完全沒有違和感。

延伸閱讀:李婉華自爆曾參加神秘飯局 一班女生服侍「貴賓」︰可以選擇有下文

李婉華 03年與加拿大籍金融才俊李守正秘密結婚,李婉華從此引退,多年來家庭放第一位,一家五口生活幸福美滿。
03年與加拿大籍金融才俊李守正秘密結婚,李婉華從此引退,多年來家庭放第一位,一家五口生活幸福美滿。(圖片來源:東方新地照片庫)
李婉華 03年與加拿大籍金融才俊李守正秘密結婚,李婉華從此引退,多年來家庭放第一位,一家五口生活幸福美滿。
03年與加拿大籍金融才俊李守正秘密結婚,李婉華從此引退,多年來家庭放第一位,一家五口生活幸福美滿。(圖片來源:東方新地照片庫)
李婉華 李婉華是有料之人,生完大女及一對孖仔後依然得天獨厚,與囡囡外遊一齊著三點式,可見美好身材盡遺傳。
李婉華是有料之人,生完大女及一對孖仔後依然得天獨厚,與囡囡外遊一齊著三點式,可見美好身材盡遺傳。(圖片來源:東方新地照片庫)
李婉華 18年李婉華曾出山客串無綫重頭劇《再創世紀》,與鍾嘉欣有不少對手戲。
18年李婉華曾出山客串無綫重頭劇《再創世紀》,與鍾嘉欣有不少對手戲。(圖片來源:東方新地照片庫)

李婉華做youtuber受歡迎戲癮發隨時返港拍劇

本來修心養性做人母的李婉華,近年因為戲癮大發,再加上三個仔女都開始長大,大女19歲,一對孖仔亦13歲,可以作有限度工作,而近年她在溫哥華為中文電台AM1470主持節目《小心華之里》,經常有香港藝人受邀上其節目做訪問,更加令她蠢蠢欲動。

據知情者透露:「Anita(李婉華)婚後將家庭放第一位,近年佢見仔女開始可以照顧自己,老公亦開綠燈,佢先活躍起嚟。早前開始學做youtuber,口齒伶俐嘅佢一啲都冇生疏,製作嘅節目亦好受歡迎,香港有幾間電視台知道佢有意再做幕前工作,已經向佢招手,不過Anita話大前提係唔要長時間唔要困身,因為對孖仔始終仲要人照顧,近年港台成日都開劇,佢老友鄭敬基亦拍唔少,所以佢都好有興趣,另外無綫亦都對佢虎視眈眈,如果佢肯再拍劇一定有好大回響。」

李婉華。
03年婚後幾乎絕跡香港的李婉華,近年不時返港露面,靚樣與弗爆身材依然,53歲凍齡有術。(圖片來源:東方新地照片庫)

老友鄭敬基力勸回歸盼《卡拉屋企》演員再合作

對於李婉華有意回歸拍港劇,鄭敬基表示未知是否成事:「我成日都同婉華有保持聯絡嘅,但仲未收到佢返來拍劇嘅消息。如果港台搵佢客串我真係唔知,可能佢對香港有個情意結,真係都唔出奇,港台拍嘅劇通常都係短時間,佢可能就啱時間,不過依家又有疫情,我估短期內未必會喇!作為一個識咗咁耐嘅好朋友,佢做咩決定我都會支持佢。」 鄭敬基笑言最想與李婉華、盧苑茵及黎海珊等《卡拉屋企》演員再合作,而《卡拉屋企》是香港人其中一個集體回憶,集氣可能事成呢!

李婉華 鄭敬基與李婉華於91年合作拍《卡拉屋企》成為好友,多年來keep住往來,再加上鄭敬基都是加拿大籍,二人同聲同氣。
鄭敬基與李婉華於91年合作拍《卡拉屋企》成為好友,多年來keep住往來,再加上鄭敬基都是加拿大籍,二人同聲同氣。(圖片來源:東方新地照片庫)
李婉華 每次好友在港開騷,李婉華都盡可能抽空返港,這次是前年黎瑞恩再踏紅館,她與邵美琪及鄭敬基結伴捧場。
每次好友在港開騷,李婉華都盡可能抽空返港,這次是前年黎瑞恩再踏紅館,她與邵美琪及鄭敬基結伴捧場。(圖片來源:東方新地照片庫)
李婉華 在 88至94年間,李婉華在無綫拍過逾廿套劇,原來這十幾年來,無綫仍不時游說她復出,早年返港度假更被本刊記者影到與金牌監製陳寶華見面密斟。
在 88至94年間,李婉華在無綫拍過逾廿套劇,原來這十幾年來,無綫仍不時游說她復出,早年返港度假更被本刊記者影到與金牌監製陳寶華見面密斟。(圖片來源:東方新地照片庫)
李婉華 當年的男友吳鎮宇及老友鄭敬基合作的《卡拉屋企》可說是她的代表作。
當年的男友吳鎮宇及老友鄭敬基合作的《卡拉屋企》可說是她的代表作。(圖片來源:東方新地照片庫)

李婉華初出道舊相大晒冷!女神味濃魅力十足

李婉華一出道已驚為天人,是圈中天使魔鬼混合體的美魔女。她是TVB當年力捧的「銀河十星」之一,拍劇古今角色佳宜。

無綫87年力捧「銀河十星」郭富城、崔嘉寶、林穎嫻、邱淑貞、邵仲衡、吳詠虹、李婉華、李中寧、胡越山、李耀敬,年尾官方刊物作介紹,瞓喺婉華隔籬嘅係87年《 銀河十星接力賽 》冠軍邵仲衡。
無綫87年力捧「銀河十星」郭富城、崔嘉寶、林穎嫻、邱淑貞、邵仲衡、吳詠虹、李婉華、李中寧、胡越山、李耀敬,年尾官方刊物作介紹,瞓喺婉華隔籬嘅係87年《 銀河十星接力賽 》冠軍邵仲衡。(圖片來源:東方新地照片庫)
李婉華 88年20歲嘅李婉華樣貌清純標青帶點混血味道,出道半年就有偶像雜誌刊登佢嘅大彩頁,相中衣著老成完全唔切合佢雙十年華,但就展現出成熟美。
88年20歲嘅李婉華樣貌清純標青帶點混血味道,出道半年就有偶像雜誌刊登佢嘅大彩頁,相中衣著老成完全唔切合佢雙十年華,但就展現出成熟美。(圖片來源:東方新地照片庫)
李婉華 21歲的李婉華89年拍劇《公私三文治》 時同吳鎮宇擦出愛火花,從此展開長達八年嘅愛情長跑,但識於微時嘅二人因性格剛烈而經常嗌交,摩擦頻生下分手收場。
21歲的李婉華89年拍劇《公私三文治》 時同吳鎮宇擦出愛火花,從此展開長達八年嘅愛情長跑,但識於微時嘅二人因性格剛烈而經常嗌交,摩擦頻生下分手收場。(圖片來源:東方新地照片庫)
李婉華 演藝學院畢業嘅李婉華90年首次演古裝同武打劇,喺《 蜀山奇俠 》演「紫青雙劍」中嘅青劍周青雲,同演紫劍嘅楊寶玲 共侍一夫關禮傑。
演藝學院畢業嘅李婉華90年首次演古裝同武打劇,喺《 蜀山奇俠 》演「紫青雙劍」中嘅青劍周青雲,同演紫劍嘅楊寶玲 共侍一夫關禮傑。(圖片來源:東方新地照片庫)
呢張92年頭影嘅相李婉華金耳環金錶 行頭勁,最吸睛都係展現喺胸膛嘅粗金鏈 連吊墜,名副其實係金玉滿堂。
呢張92年頭影嘅相李婉華金耳環金錶 行頭勁,最吸睛都係展現喺胸膛嘅粗金鏈 連吊墜,名副其實係金玉滿堂。(圖片來源:東方新地照片庫)
李婉華 擁有驕人身材嘅李婉華,93年成為某娛樂 周刊嘅封面人物,相中誘惑眼神低胸裝大晒兩 吋半乳溝,係男人嘅魂魄都畀佢勾。
擁有驕人身材嘅李婉華,93年成為某娛樂 周刊嘅封面人物,相中誘惑眼神低胸裝大晒兩 吋半乳溝,係男人嘅魂魄都畀佢勾。(圖片來源:東方新地照片庫)
李婉華 李婉華喺夏韶聲穿針引線下推出處女大碟《藍》同埋喺英法拍攝嘅同名寫真集,可惜一推出,唱片公司居然執笠,搞到女神驚愕又失望,而佢喺英國拍寫真時代公司碌卡支付很多費用冇得 claim 番,惨豬豬。
李婉華喺夏韶聲穿針引線下推出處女大碟《藍》同埋喺英法拍攝嘅同名寫真集,可惜一推出,唱片公司居然執笠,搞到女神驚愕又失望,而佢喺英國拍寫真時代公司碌卡支付很多費用冇得 claim 番,惨豬豬。(圖片來源:東方新地照片庫)
李婉華年過半百依然火辣 女神同鍾嘉欣同場無違和感
(圖片來源:東方新地照片庫)
李婉華
(圖片來源:東方新地照片庫)
李婉華 李婉華替某電視周刊影靚相,34C豐滿上圍喺純白色露臍裝映照下寧舍激凸澎湃,睇 到宅男流晒鼻血咁滯。
李婉華替某電視周刊影靚相,34C豐滿上圍喺純白色露臍裝映照下寧舍激凸澎湃,睇 到宅男流晒鼻血咁滯。(圖片來源:東方新地照片庫)
李婉華 96年李婉華的留海新髮型配佢一身銀藍色閃令令上衫同珠片褲,再加型格靴,簡直係 艷光放閃,狂野魅力盡現!
96年李婉華的留海新髮型配佢一身銀藍色閃令令上衫同珠片褲,再加型格靴,簡直係 艷光放閃,狂野魅力盡現!(圖片來源:東方新地照片庫)
李婉華 李婉華96年跳槽亞視,98年同何家勁合作《馬永貞之爭霸上海》同《 馬永貞之英雄血 》時撻著,但婉華恨有家庭,男方又經常返內地工作,長期分隔兩地令感情變淡,戀情維持三年最終分手。
李婉華96年跳槽亞視,98年同何家勁合作《馬永貞之爭霸上海》同《 馬永貞之英雄血 》時撻著,但婉華恨有家庭,男方又經常返內地工作,長期分隔兩地令感情變淡,戀情維持三年最終分手。(圖片來源:東方新地照片庫)

李婉華大女出道教化妝 不反對女兒入娛樂圈

李婉華大女Natalie曾在媽媽的YouTube影片中亮相,影片中Natalie教觀眾化加亞裔女生的ABG(Asian Baby Girl)妝容,眼妝比較浮誇,傾向歐美妝容。Natalie全程用英文教化妝,表現淡定有自信不怯場。而她的皮膚光滑,五觀外型都盡得媽媽的真傳。

李婉華 李婉華大女
李婉華大女(圖片來源:[email protected]李婉華 Anita Lee)
李婉華 李婉華大女
李婉華大女(圖片來源:[email protected]李婉華 Anita Lee)
李婉華 李婉華大女
李婉華大女(圖片來源:[email protected]李婉華 Anita Lee)

不少網友認為,Natalie青春可人,素顏比濃妝更美,但都大讚她的表現淡定不怕醜,「佢個鼻生得像媽媽那樣挺。媽媽的五官比較漂亮,阿女都唔差,青春淡定!」影片中Natalie提到,將來計劃升讀加拿大著名大學英屬哥倫比亞大學(University of British Columbia)做馬國明和鍾嘉欣的師妹,而媽媽曾提及Natalie準備修讀戲劇課程,更不會反對女兒進娛樂圈發展,但要她多學習先裝備好自己,看來這次母女檔的影片,是為了入娛樂圈鋪路吧!

李婉華 李婉華大女
李婉華大女(圖片來源:[email protected]李婉華 Anita Lee)

常見問題

李婉華與荃灣豬肉佬AK如何認識?

遠在加拿大的前TVB藝人李婉華於個人YouTube頻道越洋訪問他,與他直播聊天,他們…詳情請看

李婉華老公背景顯赫?

李婉華於89年處境喜劇《卡拉屋企》當女主角初出道已驚為天人,03年在加拿大結婚後…詳情請看

圖片來源:東方新地照片庫、[email protected]李婉華 Anita Lee

你又點睇?

更多精選內容