林子博呻移英生活問題 遭網民誤會炮轟 老婆逝去獨自賺錢養家揭新工詳情

林子博呻移英生活問題 遭網民誤會炮轟 老婆逝去獨自賺錢養家揭新工詳情

熱話

前TVB娛樂新聞台主播林子博 的老婆董燕君Shirley去年癌逝,林子博聽從亡妻遺願,決心帶16歲大女林詠渝、12歲細仔林卓楠移民英國。上月尾他在個人YouTube Channel自爆全家租不到屋,也未能為仔女找到學校,被網民炮轟沒有準備下移民,連累仔女。但其後他拍片澄清自己是有準備,日前公開新工詳情,網民明白是誤會一場後留言打氣。

撰文:Clara | 資料、圖片來源:林子博Facebook、喬寶寶Facebook、林子博YouTube Channel「子博在英國」

林子博呻移英生活問題 遭網民誤會炮轟

林子博的老婆於上年因患癌─「平滑肌肉瘤(腹腔)」第四期病逝,同時他又遭TVB拒續約。上月,他為圓了亡妻的遺願,遂舉家移民,希望能好好栽培一對子女:「我會實踐承諾,用我餘下嘅人生好好培育佢哋成材!愛你!」本來他想移民加拿大,曾被建議他到當地讀書,惟他笑言自己英文程度低,又達不到技術移民的要求,故放棄加國赴英。抵英一個月後,他在個人YouTube Channel「子博在英國」,自爆第一次來英國的生活未如理想,因為未租到屋,全家仍住在曼城的酒店,又大呻住酒店麻煩,不能煮食、洗衣服,很麻煩,外面餐廳食物選擇很少。而且他還未找到學校,小朋友未能上學:「唉!原來唔係我諗咁簡單㗎。」

林子博
林子博呻移英生活問題遭網民誤會炮轟(圖片來源:林子博Facebook圖片)
林子博
林子博呻移英生活問題遭網民誤會炮轟(圖片來源:林子博Facebook圖片)

惟很多網民指責他未有做好資料搜集就移民,才導致如此窘境,「移民真係就咁移個人過去」、「我識咁多人都係計劃好準備好先出發,全部無問題又適應到,無準備好怪誰呢?」、「佢都好意思拍片同所有人講,想有人同情。」網民又批評他安排不周,連累仔女:「呢啲咪唔稱職嘅爸爸囉,未了解清楚就走咗去,搞到唔拖唔水,仔女幾無安全感。」、「點解老婆走咗之後, 唔踏實做返份工養大對仔女,係要做埋啲唔等使嘅嘢,又唔去做research and planning, 仲要搵埋對仔女較飛! 真係要寫個服字畀你!」

老婆逝去後踏實返工養家 揭新工詳情

事後林子博拍片「認衰」,指自己目的是想作錯誤示範。日前他再拍新片,宣布自己即將有份新工作,他穿著很整齊地記錄首日驅車上班的過程。原來他已加入當地一間地產公司,做市場推廣、宣傳。他透露地產公司老闆是兩位專家,他們從九歲起由香港移民到英國,對當地的教育、旅遊、租樓、移民定居等資訊很熟悉。未來他會教公司老闆拍片做直播,他也會出鏡,實行幕前、幕後一齊做:「第一日返工做咩呢?率先會做個直播,兩個老闆坐喺度解答觀眾問題,我就會問啲呢度嘅升學、置業、租樓同落腳問題,盡量去幫睇緊直播嘅網民,幫佢哋問想知嘅問題。」

林子博
老婆逝去後踏實返工養家 揭新工詳情(圖片來源:林子博YouTube Channel「子博在英國」影片截圖)

他到達公司後問老闆為甚麼聘請他,對方表示很喜歡他有創意、識唱歌、度橋、性格好玩:「好啱我哋!」他忍不住窒對方:「我喺呢度要唱歌㗎?」老闆對視後笑笑口打圓場:「諗緊諗緊…因為我哋比較創意嘅,鍾意創新啲嘅人。」

他反駁自己不是網民所說「完全沒有準備」,在香港已經透過喬寶寶認識老闆:「呢份工唔係我過到嚟先搵,我喺香港已經一路同呢間公司傾緊,半年前傾緊。我喺香港已經睇過佢哋拍片,我就膽粗粗透過喬寶寶,搵咗老闆。首先用Zoom傾偈,大家傾吓傾吓就叫我過嚟,可能有機會合作,(我心諗)好似咁快,人未到、Visa都未出就已經有工做,幾開心,個人定咗好多。本來無諗過咁快開工,但係我覺得喺度悶悶哋無咩做,又未有地方住,不如開咗工先…」

林子博
他反駁自己不是網民所說「完全沒有準備」,在香港已經透過喬寶寶認識老闆(圖片來源:喬寶寶Facebook圖片)

最後他表示自己仍未能租到屋,雖然酒店對面有幾年樓齡的樓,但他住不起:「算係豪宅,望吓門口泊嘅車係咩車就知,所以唔會住得起,住得起對面嘅酒店,住唔起呢度嘅大屋…我都希望有朝一日住到呢啲大屋啦。」

林子博
老婆逝去後踏實返工養家 揭新工詳情(圖片來源:林子博YouTube Channel「子博在英國」影片截圖)

不少網民留言表示支持:「好開心你可以揾到你屬於自己範疇的工作,不但容易適應亦能發揮所長,聽到你講英國有如比幸福的退休生活,真係十分羨慕」、「支持你,好好工作,好好安排子女未來」、「一個人在英國照顧兩個仔女唔容易,希望你可以一切順利!」

不少網民留言表示支持(圖片來源:圖片來源:林子博YouTube Channel「子博在英國」截圖)
不少網民留言表示支持(圖片來源:圖片來源:林子博YouTube Channel「子博在英國」截圖)

你又點睇?

更多精選內容