林子博剖白仍惦記亡妻 仔女險無書讀憑1法搵到學校 分享新居環境揭發3大問題

林子博剖白仍惦記亡妻 仔女險無書讀憑1法搵到學校 分享新居環境揭發3大問題

熱話

前TVB娛樂新聞台主播林子博 的老婆董燕君Shirley去年患「平滑肌肉瘤(腹腔)」第四期病逝,他聽從亡妻遺願,帶16歲大女林詠渝、12歲細仔林卓楠移民英國。九月尾他在個人YouTube Channel自爆在英國生活未如理想,全家租不到屋,亦未能為仔女找到學校,被網民鬧爆沒有準備就移民。但其後他拍片澄清自己早有準備,又指自己已找到新工。移民英國至今兩個月,昨日(3日)他拍新片交代自己生活上大致安定了,租到屋,也為仔女找到學校,惟他投訴新居甩漏甚多。

林子博獨自承受負評 一年過去仍惦記亡妻

林子博經歷了喪妻之痛,為了頭家,決心父兼母職,照顧仔女。他在八月尾帶著全家移民英國,之後設立個人YouTube影片頻道「子博在英國」,不時分享英國的生活日常。上月21日,是他亡妻逝去一年的日子,他坦言這段時間有窒息的感覺,雖然壓力大,但為免向朋友「放負」,所以在社交平台上抒發心情,可惜未獲網民認同,不時被網民批評:「原來呢個方法係唔Work㗎!會被人鬧我抽死鬼老婆水…老婆,你知唔知我而家已經變成喺自己社交平台,自言自語咁同你傾計嘅自由都冇!你就好啦!合埋眼乜都唔知走咗去,留番我一個人,帶住對子女繼續捱世界!」

不過他叫亡妻放心,自己還可以應負到網民的負評:「老婆,你可以放心!我頂得住喎!你不嬲都知我硬淨嘅!望住屋企嗰兩隻大寶貝,就會變得冇嘢可以難到我!你成日話自己以前細個好想去外國讀書,而家你對子女做到喇!我肯定你會當自己做到一樣。」

他又指這年來竟然有人鼓勵他找一個新對象,他想也沒有想過:「黐線咩!我連諗都唔敢諗呀?前世未被人鬧過咩?不過如果你報夢嚟鬧吓我又唔驅喎!原來無得再聽你鬧吓,間房會好靜!」最後他向亡妻表達惋惜之情:「你知唔知我好怕面對10月21日?因為呢一日,係我人生最痛苦嘅日子。老婆~你究竟生前畀咗啲乜嘢我食?都成一年啦!點解我仲會咁掛住你嘅?我真係有好多好多嘢想同你講..愛你!」

(圖片來源:Facebook@林子博)
(圖片來源:[email protected]林子博)

林子博幾經波折終為仔女找到學校

不過當時他指當地屋租太貴,仍未能租到屋。而最新影片中,他表示自己移英初期住酒店,之後暫住月租港幣約6,000至8,000不等的Airbnb,現在終找到新的落腳點。

他透露,原打算住在鄉下地方,於曼城郊區定居,惟因未能為仔女報讀學校,無奈搬出市區:「有啲被逼…我諗天意唔係好想我住嗰度,嗰度啲學校都唔收我對仔女。」他解釋,16歲的兒童在當地不一定要讀書,而他女兒剛剛滿了16歲,所以當地沒有積極地幫他女兒找學校,認為她可以出來社會工作。而兒子就收到學校解釋信,封中提及現在學生已經開學,如果有人插班會影響其他同學進度,所以都拒絕收生。雖然學校給他上訴機會,但他認為女兒既然沒有學校肯收,即使上訴得直也沒用,其後他們一家搬到曼城市中心,因為學校數量較多,競爭較大,因而他們會採取較積極的態度收生,最後他亦成功為仔女找到學校。如今他的一對仔女已重投校園生活,有朋友主動跟他女兒傾計,約吃食飯,開始習慣當地生活。

(圖片來源:Instagram@lam_chi_pok)
(圖片來源:[email protected]_chi_pok)

找到屋租但投訴新居甩漏

儘管為仔女找到學校,不過林子博的煩惱未有停止,他指現時以港幣約12,000租下公寓單位,是一手新樓,包家俬、電器、車位,只需帶行李箱同電腦入去就可以住,令他覺得「幾抵」。他向網民展示新居,一入屋向左就會有洗衣房,裡面有wifi路由器和巨型熱水爐。

(圖片來源:)
(圖片來源:YouTube@子博在英國)
林子博分享新居環境 兩個仔女已找到學校讀書
(圖片來源:YouTube@子博在英國)

旁邊是客廁,裡面有晾衣架、電熱板,他大讚夠大:「嘩洗手間都好大!」

林子博仔女險無書讀 憑1法搵到學校 分享新居環境 揭發一手樓3大問題
(圖片來源:YouTube@子博在英國)

之後參觀套房連廁所,裡面有張雙人床、電暖爐,他嫌業主留下的衣櫃太細,加上門旁的凹位很怪:「突然有個窿喺度,都唔知想點!」

其後參觀睡房,裡面有兩張雙人床,同樣有電暖爐、小衣櫃。

林子博分享新居環境 兩個仔女已找到學校讀書
(圖片來源:YouTube@子博在英國)

另外開放式廚房則備有全新焗爐、電陶爐、洗碗碟機和雪櫃。

林子博分享新居環境 兩個仔女已找到學校讀書
(圖片來源:YouTube@子博在英國)
林子博分享新居環境 兩個仔女已找到學校讀書
(圖片來源:YouTube@子博在英國)

最後就有客飯廳,空間感十足,走出去外面的露台都好大。

遠望「誇啦啦」,惟他指新居竟處處甩漏,客廁牆壁沒有鋪磚,洗澡時濕水會很容易發霉,向業主反映後才加貼膠片,所以暫時未有問題,其餘問題才令他煩惱。例如洗手盤只有兩個分別為冷與熱水的水龍頭,未能使用暖水:「攞你命三千!無理由係咁㗎嘛!新樓發展商點解咁得意呢?」;客廁的大門門鎖一拔即鬆:「喂搞錯啊!?咁都得?」;還有露台的地磚亦有鬆脫問題:「明明新樓,但用料咁差!」

他指業主在今年年中收樓,對方買樓花都買了兩、三年,之前因為疫情地盤無人開工,開工後要趕工,所以延到現在才收樓。業主都呻過,這裡比較便宜度,但用料相對比較差,希望發展商盡快幫手執漏。

不過在市區生活,交通的確比較方便:「之前住喺郊區,去市區非繁忙時間要50分鐘,繁忙時間就個幾鐘,而家揸車出入,十幾分鐘已經到我想去嘅地方,始於做返城市人係方便好多。」而且食物選擇較多:「乜都有得食!」近日他終於收到移民後的第一份人工,笑指「好開心,要去食牛雜!」

林子博完整影片:

資料來源:[email protected]林子博、YouTube@子博在英國、(圖片來源:[email protected]_chi_pok圖片來源:[email protected]林子博、YouTube@子博在英國、(圖片來源:[email protected]_chi_pok

你又點睇?

更多精選內容