梁家輝 瞞婚始祖

熱話

廣告

最近上映嘅電影《寒戰2》三大影帝周潤發、 梁家輝 、郭富城鬥演技火花四濺,票房更加係勢如破竹,有望打破《那些年,我們一起追的女孩》票房紀錄,成為香港史上最賣座華語電影,今次一於趁勢,搜羅片中演得精采嘅 梁家輝 至罕見珍貴舊相!原來當年家輝更暪住父母跟江嘉年私定終身,算係圈中瞞婚始祖!

1987年29歲生日娶江嘉年

87年年初四, 梁家輝 29歲生日當天,同拍拖半年嘅江嘉年,瞞住父母喺雙方妹妹做證婚人下舉行「婚禮」,不過就冇註冊,但俾傳媒爆私定終身後,焗住喺女方5月20日24歲生日當天註冊,並拍靚靚婚紗照。

深情一吻

85-86年貴為影帝嘅 梁家輝 事業處於低潮期,更試過做無牌小販,自87年初迎娶江嘉年後事業漸有起色,補影結婚相時難怪要錫晒佢,皆因佢帶旺自己,新婚妻子甜在心頭。

棄蝴蝶頭飾

江嘉年原本用蝴蝶做頭飾,但遭 梁家輝 反對,認為似花女兼好似爹哋拖着個女出嫁咁,結果改用花花頭飾。

續下頁

1982年24歲任服裝模特兒

梁家輝 在訓練班九個月時,因犯規被趕出校,之後曾擔任服裝模特兒,呢輯替BANG!BANG!拍嘅廣告硬照,泳褲上陣露兩點同女model嬉水,24歲嘅家輝哥青靚白淨活力十足!

揸棍扮全壘打

家輝哥揸壘球棍扮全壘打好型仔。

情侶裝打網球

呢張情侶裝打網球相最搞笑地方係個女model對手好似痙攣咁,而家輝哥塊面就瘦到凹陷。

1981年孖華仔做發哥手下

80年梁家輝考入無綫第10期藝員訓練班,翌年同同學劉德華獲派參演劇集《千王群英會》做周潤發嘅手下,三大影帝原來一早同場。

1994年36歲至瀟灑黃藥師

94年 梁家輝 喺王家衛嘅《東邪西毒》演東邪黃藥師,風流倜儻、瀟灑多情,浪子式嘅演繹耳目一新!

同張國榮鬥型

張國榮演西毒歐陽鋒,氣質頹廢憂鬱,同梁家輝一樣咁型格。

下頁

梁家輝與太太婚後誕下一對雙胞胎女兒Nikkie和Chloe,依家已經長大成人,仲好靚女,備受外界關注。佢哋不時會上載與父母的溫馨合照,一家四口感情好好。

早前她們生日,便在Instagram上載了不少可愛童年照,還有爸爸 梁家輝 與媽媽江嘉年20多年前的舊照。