《潮什麼》梁芷珮20歲奉子成婚 絕秘婚照曝光 樣貌惹熱議：點解會咁？

20歲奉子成婚 絕秘婚照曝光

近日是兩夫婦的結婚20週年紀念，Christy在社交平台上分享與老公的20年前的從未曝光過的婚照，二人一臉幸福，她又發文表示：

「見今日係我同黎大叔結婚20週年（冇錯，係已經結婚20年）比張從未公開過嘅絕密婚照大家欣賞下。想當年仲係20歲出頭嫩口嘅我哋，駝住Brendan，傻下傻下，好鐘意大家，話結婚就結婚，一跟就跟咗佢20年喇！好彩，20年日日夜夜對住佢，都仲未覺得厭（可能佢比我煩到麻目（木）咗）希望你繼續比我keep住煩你多更多嘅20年！Happy 20th anniversary my love, my friend, my colleague,my soulmate, my everything!!」

此外，Christy又上載了一張二人現時的合照，網民紛紛驚嘆經過20年後，他們的外表樣貌變化不大，「20年後你們樣貌沒有什麼改變， 個樣貌仲靚過當年」、「嘩20年不變，好靚」，有網民更認為現時Christy的樣貌更勝從前，「而家靚女過以前」，又留言詢問Christy：「點解會咁？」。

三子女均入讀國際學校 年繳巨額學費

Christy與老公均安排三名子女入讀國際學校。現年18歲大仔Brendan正就讀香港大學新聞學學士課程一年級，他曾就讀位於沙頭角的ICHK國際學校（International College Hong Kong）。

此校在2017年被劍橋大學評為100間創新學校之一，校內提供英式、GCSE及IB課程，ICHK每年中五至中六（Years 12-13）學費為$190,200港元，學費高昂。Brendan是香港高爾夫球的代表，其後成功取得獎學金，為父母減輕了不少經濟壓力。後來，他在國際文憑大學預科課程（IBDP）考獲34分，放棄了加拿大多倫多大學學位，順利考入心儀學校。

12歲二仔Duncan和10歲細女Kasey則入讀位於荃灣的小型國際學校玫瑰蕾小學（Rosebud Primary School），學費較ICHK便宜一半，每年$92,000港元。三孩之母Christy曾講述選校的首要條件，就是輕鬆學習及無功課，更喜歡學校的小班教學，因為較能貼身照顧學生的需要。h換句話說，兩公婆每年都要為三名子女繳交超過37萬的學費，壓力相當沉重。

「旅遊達人」曾是劏房戶

梁芷珮的健康形象一直深受歡迎，就算沒有旅遊節目出街，廣告仍是接不停手。曾有報道指，梁芷珮單在廣告收入已經過百萬港元，相當犀利。不過，Christy曾受到網民攻擊，因而令她發千文回應：「首先我好想喺到多謝喜歡我，follow我嘅粉絲，一個普通嘅師奶仔可以儲到十幾萬粉絲，我已經好滿足，好開心，能夠有今日嘅成績，我真係好感恩，我係一個好勤力嘅人，因為我嘅人生唔係為我自己一個人而活，而係為咗屋企三個小朋友，我唔係來自一個有錢嘅家庭，20歳嫁咗人，老公當年亦都係一個普通嘅20歲o靚仔，當年啱啱加拿大返嚟，我哋冇靠屋企人，未搵到工又冇地方住，劏房都住過。」

梁芷珮：我只是努力工作賺錢養大仔女的媽媽

梁芷珮最後提到希望各位高抬貴手：「好感恩呢幾年可以幫公司拍旅遊節目，多人認識咗，多咗好多KOL嘅工作，收入穩定咗，就可以比到更穩定嘅生活三位小朋友，我哋每日都好努力咁工作…希望各位高抬貴手，唔好因為我來自邊到，喺邊間公司做嘢而抹煞我嘅工作機會，我只係一個努力工作，賺錢養大仔女嘅媽媽，世界上每一個父母都係咁，你哋如果唔鍾意一樣嘢，其實真係可以唔睇或者直接block咗我，然後follow返你地喜歡嘅嘢，我個人好簡單，有嘢就做，有工就開，大家開心，簡簡單單就得㗎喇。」