楊張新悅 湊三個女 似天堂做奴隸

楊張新悅 湊三個女 似天堂做奴隸

前藝人 楊張新悅 (Nicola)接受《東方新地》訪問,大談夫妻相處之道,又分享如何跟老公相識及與老爺、三位女兒的生活趣事。退出左娛樂圈嘅佢,仲話自己一早想卸下藝人光環,覺得自己唔適合娛樂圈!而家嘅佢,好享受相夫教女嘅日子,仲襯湊女空檔,把握時間讀書,在2012年取得香港大學環境管理學碩士學位!

 

編輯:Sunday Kiss
圖片:新傳媒資料室
(內容節錄自992期東方新地)

點同老公認識?

原來Nicola喺 大學嗰時已經識佢老公,「佢嗰時喺外國讀書,聖誕節返嚟玩過,認識過一刻,到我哋再一次有機會認識,佢同我講:「其實我識你。」我心諗全香港都識我啦,佢 話:「唔係呀,我真係同你食過飯。」之後佢搵番張95年同我影嘅相出嚟,我一睇,原來真係唔係新相識,個感覺好好,就延續囉!」

1.1

成日挾住老公日日見 怕關係唔好

提及到同老公嘅相處之道, 楊張新悅 笑笑口說:「我會盡量陪佢、成日同佢傾偈,呢個係我哋兩個嘅溝通之道,我知道有好多人成日擺低老公,做自己嘢,我唔係,啲姊妹成日話:「約親你食飯約兩個月先食到!」Nicola仲話一定要同先生食飯、同小朋友食飯,仲要同老爺奶奶食飯、同自己屋企人食飯,因為佢覺得一唔見就關係唔好,所以佢死都要挾住佢老公日日見。

三個女都想有同媽咪獨處嘅時間

Nicola話其實永遠都係忙湊仔!「我生三個女,佢哋每個都想有各自同媽咪嘅時間,我大女已經7歲半,過多幾年佢識得出去玩甚至拍拖,唔係好多時間陪佢,同埋依家啲女仔好早熟,好多心事要傾,每晚讀邊本故事書都拗餐死,淨係讀三本書都讀到我好攰。」

Nicola 自小聽明伶俐,港大法律系畢業,陀二女時轉讀環境管理碩士,並以全班第一名畢業,之後走訪社企及商業機構講talk宣揚環保,口才了得,她希望三個女能學好兩文三語與人溝通,尤其身為中國人應加以學習普通話,到內地做慈善工作,都能發揮所長。

湊三個女︰似天堂做奴隸

本 身是獨女的Nicola,與丈夫渴望有個大家庭,2007年婚後即展開造人大計,七年間誕下三女,「我哋都鍾意大家庭,但生完第三個就覺得,大家庭係無比 快樂,亦係無比嘅,每日係好快樂滿足咁,我哋成日話我哋喺天堂做奴隸,天堂係美好,但做到奴隸咁,湊三個日夜冇停手。」Nicola形容大女Lucy和二女Lily性格相近,都是爽朗多言的人,但6歲的Lucy開始有兒童心事,「佢哋好似我鍾意講嘢,但每個階段有唔同,大 女開始明白咩叫尷尬,俾人笑會唔開心,有啲心事嗰個階段,我要經常解釋, 亦要俾佢知道父母好錫佢, 令佢感覺到愛,唔好因為小小事唔開心,咁會好痛苦,要教佢用最少時間令自己開心番。」

她們家住薄扶林,一有時間就到附近行水塘,睇睇靚瀑布,兩位家姐更會幫手帶奶樽尿片,一齊湊妹妹去玩。
她們家住薄扶林,一有時間就到附近行水塘,睇睇靚瀑布,兩位家姐更會幫手帶奶樽尿片,一齊湊妹妹去玩。

大女有心事 二女爽朗

相 比家姐,Lily比較男仔頭,好多古靈精怪想法,「佢係好得意爽朗,講嘢好好笑,好似佢最近同我講,『媽媽,新年一定要着紅色衫,因為新年怪獸驚紅色,如 果唔係佢會食咗我哋!』我就問點解怪獸新年先嚟嘅?佢就話:『媽媽,因為佢叫新年怪獸!』聽完覺得佢好傻,唔知佢點諗到,哈哈!人哋A for Apple,B for Boy,佢就B for Bee,T for Tea!」

去 到第三個,Nicola已好有經驗, 覺得細女Leah算易湊,並開始睇到性格,「佢好直接,想食嘢同瞓覺係有某一個聲,只要一聽到個聲就知佢想點,已經好識溝通。」兄弟姊妹難免有爭寵情況, 但她們仨之間絕無爭寵及呷醋,Lucy和Lily反而爭着湊妹妹,Nicola沒好氣道,「佢哋係呷我醋,話我霸住BB呀。」

讀環保拯救地球

Nicola 是高材生,港大法律系畢業,陀二女時重拾書本,棄法律轉讀環境管理,亦為女兒做到一個好榜樣。「以前讀法律唔知自己讀緊乜,嗰時個個都話做律師好呀,讀法 律啦,咁我就去讀,渾渾噩噩過咗大學生涯,生第二個女嗰時覺得係時候進修,俾多次機會自己用心讀書,當時大肚係最好時間,又唔會出街做啲咩,又冇返工,最 好係讀書啦,就用咗兩年時間讀。」
「我想拯救地球,好老土㗎我!」她笑稱細個想做醫生,但怕血做不到,又想救「某啲嘢」,長大後就想到拯救地球,「對生活環境嘅要求,同經濟應該成正比,香港經濟體系同歐洲差唔多,但對環境要求低,所以香港呢方面仲有好大進步空間,我自己睇吓有咩幫到手。」

freelance1128jay4515
Nicola覺得自己的得着比女兒更多,「今次係好好嘅人生體驗,佢哋仲細未好深入了解,反而係我得着較大,知道自己應該點教小朋友,好多嘢都係得來不易,要付出先有收穫。

嫁入不一樣的「名門」打開另一個世界

當Nicola被問到嫁入名門及老爺楊孝華係前立法會議員,有冇壓力,佢笑著說:「依家好多立法會議員㗎!長毛都係立法會議員呀!應該咁講,我先生嗰家人好有知識,譬如同老爺傾偈,佢好似行得嘅百科全書,嗰種感覺,好respect!同埋佢哋一坐埋就講政治,依家香港關係點、經濟點,好貼近社會嘅感覺,我以前喺娛樂圈,淨係講咩衫褲鞋襪靚、咩是非,好唔同,我好努力去認識另一個世界,開咗我另一個世界。」

{"IPTC-DATA":"NMG","data":{"photoID":2253100}}
楊張新悅早前帶同三個女支持丈夫跑半馬,丈夫揚言為家人而跑,兩夫婦覺得現在一家五口的生活幸福美滿,每日都覺得世界很美好。

更多精選內容