楊洛婷

41歲楊洛婷生完BB索過30歲麥明詩 最索人妻曾被舊公司逼迫拒就範 老公即護花

熱話

廣告

近日麥明詩同楊洛婷兩位前港姐都以低胸造型示人,不過網民評價兩極,不少網民大讚41歲兩孩媽媽,卻大彈30歲十優港姐冠軍。

楊洛婷生完BB仲索過麥明詩

2015年港姐冠軍麥明詩身穿低胸裙在維港前拍照,上圍呼之欲出,又大騷長腿,然而不少網民指她造型甚「娘」、欠高貴,加上有隻手凌空放,甚古怪。相反2003年港姐亞軍楊洛婷與老公Tim黃天翱去希臘旅遊,狂曬泳裝、低胸連身裙,條小蠻腰勁纖瘦,仲見到馬甲線,弗到漏,被網民大讚是最索人妻。

2015年港姐冠軍麥明詩

楊洛婷 麥明詩
麥明詩(圖片來源:[email protected]_mak)
楊洛婷 麥明詩
麥明詩(圖片來源:[email protected]_mak)

2003年港姐亞軍楊洛婷

楊洛婷全靠古法紮肚法修身

楊洛婷老公是Dear Jane主音Tim,兩人育有女兒Tanya、細仔Tristan。雖然身為41歲的兩孩之母,但她身形仲索過年紀足足細10年的麥明詩。去年6月,她誕下兒子,產後僅四個月就成功修身、速度驚人,原來她用了古法紮肚方法,除了有助修身,亦可以改善血液循環促進疤痕癒合和放鬆肌肉,能令媽媽回復分娩前的狀態。

楊洛婷 楊洛婷全靠古法紮肚法修身
楊洛婷全靠古法紮肚法修身 (圖片來源:[email protected]

自從修身成功,她不時大曬玲瓏浮突的身材,平時穿上DeepV低胸晚裝出席公開活動,騷事業線,又曾發布了一張穿著喱士內衣的黑白照,被大讚「Fit過選港姐時」、「真心佩服佢生完兩個都仲咁索」。另一方面都有網民批評她:「咁都Po相博出鏡」、「其實係對老公唔尊重」、「為人母親,應該檢點啲」等等。

楊洛婷 生完BB仲索過麥明詩
生完BB仲索過麥明詩(圖片來源:[email protected]
楊洛婷 生完BB仲索過麥明詩
生完BB仲索過麥明詩(圖片來源:[email protected]

楊洛婷名校雙學位畢業 前港姐亞軍14年因1事離巢

楊洛婷在溫哥華長大,於名校英屬哥倫比亞大學經濟及心理學系雙學位畢業。99年,她參加加拿大溫哥華的陽光少女競選獲得亞軍,03年度參加香港小姐競選得到亞軍兼旅遊大使獎,同年加入TVB,曾演出過八套劇集,但最為人深刻印象是主持明珠台節目《講生活.講享受》﹐以及在兒童節目《問問Master Joe》飾演的角色AI Rabee’a,節目長達300集。

14年,她與TVB合約屆滿,因公司沒提出續約,所以決定離巢,同年加盟新城電台。現時口才了得的她當了全職司儀,經常出席不同公司的周年晚宴和活動,曾與奧斯卡大導馬田史高西斯與著名影星里安納度狄卡比奧同台。

楊洛婷千字文首度披露夫婦低潮:被舊公司逼整容 拒就犯零收入 最型老公13字護花
楊洛婷為前港姐亞軍14年離開TVB(圖片來源:TVB節目《2003年度參加香港小姐競選》電視截圖)
楊洛婷為前港姐亞軍14年離開TVB
楊洛婷為前港姐亞軍14年離開TVB(圖片來源:TVB節目《問問Master Joe》電視截圖)

楊洛婷同老公結婚5年共渡低潮

去年Dear Jane舉行首場紅館演唱會,楊洛婷非常支持老公Tim,連日來先後帶同媽媽、女兒Tanya、細仔Tristan,還有周家蔚、曹敏莉等好友到紅館舉燈牌撐足五場。她在Instagram用《草戒指》歌詞向老公表達愛意:「就算我只得一口袋的碎紙 就算我只得無人欣賞的堅持 你仍舊說聲你樂意 為我 飽風霜 空肚子 就算我只得披身的破衣 仍想給你一顆草織的戒指 更期待你講『我願意』沒有西餐只得蠋光不介意」,還說:「老公 I will always choose you no matter what!」、「我老公好正!」日日不斷放閃。

Tim亦好識做,經常公器私用,在台上對住台下的楊洛婷做心心手勢,又大唱郭富城的金曲《愛的呼喚》示愛,他說︰「成個禮拜做演唱會,之前綵排好少喺屋企,想借大家畀啲歡呼聲老婆同外母,要照顧兩個小朋友實在唔容易。」哄到楊洛婷冧爆甜笑。

當時Dear Jane在台上大談入行低潮,他們指以前的演唱會只有個位人數購票支持,要靠公司叫親朋戚友、場地再減少一半面積,才令場面不會太難堪。

事後楊洛婷亦於Instagram分享感受:「真正令我感動嘅,並唔係啲飛一早賣晒,又或者幾乎每首歌都全場企起身一齊大合唱,而係呢四個男人尾場第二次ENCORE時所唱嘅三首PUNK ROCK。呢啲歌係我15年前同我老公啱啱開始拍拖嗰陣,我第一次聽佢哋喺台上面表演唱嘅歌,代表咗Dear Jane嘅誕生,亦都係 Dear Jane全部意義嘅所在。簡單啲講,呢啲歌就係DEAR JANE!」

楊洛婷千字文首度披露夫婦低潮:被舊公司逼整容 拒就犯零收入 最型老公13字護花
楊洛婷撰千字文披露夫婦低潮經歷(圖片來源:[email protected]
楊洛婷千字文首度披露夫婦低潮:被舊公司逼整容 拒就犯零收入 最型老公13字護花
楊洛婷撰千字文披露夫婦低潮經歷(圖片來源:楊洛婷Instagram圖片)

她指那三首歌令她回想起夫婦經歷過的高低起跌,第一件是她曾經被舊公司欺騙的往事:「我從來都無分享過,我估計我老公都唔記得。曾經有一段時間,我被舊公司不斷無理咁逼我去整,因為我唔肯妥協、唔肯就犯(範),所以就被人無情咁『掟入雪櫃』,結果我無工作、無收入。」當時Tim仍未做老公,就即以男朋友身份向她許下承諾,做「最強後盾」:「我老公就好型咁同我講:『我會用我嘅所有能力去照顧你。』的而且確,我老公絕對有履行佢對我嘅承諾,而幸運嘅係,我精彩嘅主持生涯亦隨即展開,呢個就係我哋愛情故事嘅開始。」

楊洛婷千字文首度披露夫婦低潮:被舊公司逼整容 拒就犯零收入 最型老公13字護花
楊洛婷撰千字文披露夫婦低潮經歷(圖片來源:[email protected]

第二件是Tim與樂隊的低潮,她坦言自己曾叫過老公放棄,但後來她選擇繼續相信老公,做「最強粉絲」:「雖然我一直都好相信我老公,好相信Dear Jane,我甚至可能係佢哋最強大嘅粉絲。但抱歉嘅係,我都有試過喺佢哋低潮時勸過我老公面對現實,甚至叫佢轉變一下佢嘅職業。依家諗番,我好慶幸佢當時無聽我講,我真係好佩服佢哋對理想嘅堅持同毅力!喺演唱會入面,Jackal提及過:「每次開show都好驚冇人買飛」,其實我都同佢一樣有呢個擔心,所以多年來每次開Show我都會求神拜佛,努力叫晒身邊所有朋友買飛支持。」

去到今次演唱會,她很感激身邊人捧場,亦承諾自己會繼續支持Dear Jane:「直到今次佢哋話開演唱會撞正我坐緊月好忙,輪到我啲朋友好主動好踴躍、個個追住叫我幫手買飛,連一啲素未謀面嘅人,好似餐廳侍應、幫我整電話嘅師傅等等,都一一走來搵我買飛(我即使再忙都出盡全力幫手答謝大家),我真心為Dear Jane感到無比嘅光榮同驕傲!我真係好愛呢四個男人!喺未來嘅日子,無論世界有幾艱難,我都會繼續Suppprt你哋,希望你哋繼續用音樂同樂迷聯繫起來,創造更多大家喜歡嘅故事! 」

楊洛婷千字文首度披露夫婦低潮:被舊公司逼整容 拒就犯零收入 最型老公13字護花
楊洛婷撰千字文披露夫婦低潮經歷(圖片來源:[email protected]
楊洛婷千字文首度披露夫婦低潮:被舊公司逼整容 拒就犯零收入 最型老公13字護花
楊洛婷撰千字文披露夫婦低潮經歷(圖片來源:[email protected]

常見問題

將來還有什麼演唱會值得留意?

隨著疫情過去,有不少歌手宣布舉辦演唱會,例如:鄭伊健演唱會陳奕迅演唱會Twins演唱會洪嘉豪演唱會C AllStar演唱會鄭秀文演唱會;喜歡K-pop的你亦有福了,因不少韓國天團更宣布有巡迴演唱會香港站,即睇:BLACKPINK演唱會Super Junior演唱會!Sundaykiss為你整合了優先購票日期、公開售票日期、門票價錢、座位表等,想搶飛粉絲必定要留意!

有甚麼親子假日活動推介?

行山野餐、參觀博物館親子農莊、參加工作坊等都是不錯的親子活動。盡情放電後更可以去親子餐廳用膳,兒童餐廳各有特色,絕對是假日消遣的必然之選!

圖片來源:TVB節目《2003年度參加香港小姐競選》與《問問Master Joe》、楊洛婷Instagram

你又點睇?